BU HKAWM 18:8 - Jinghpaw Hanson Version Bible

⁸ Bai, Yehowa Arun hpe tsun wu ai gaw, “Yu u, Israela kashu kasha ni shachyoi shapra sak ai kumhpa nlang hta na ngai e manawt jaw ai kumhpa gaw nang hpe ap ya sade ai; dai gaw, namman chya hkam ai a matu nang hte na a shadang sha ni hpe htani htana kumhtaw tai na, ngai jaw nga nngai.

Jinghpaw Common Language Bible 2009

⁸ Dai Madu gaw Arun hpe, “Nye a matu wan nat hkungga n re ai kaga laksan kumhpa ni yawng ngai nang hpe jaw ya nngai hpe dum u. Dai ni gaw nang hpe mung, na a amyu matu ni hpe mung htani htana kumhtaw tai na, ngai jaw nga nngai.

BU HKAWM 18:8 ပူးပေါင်းရင်းမြစ်များ

2 HKAWHKAM 12:16

Dai hta n-ga, amu galaw ai ni hpe karan jaw na matu, gumhpraw sim da ai ni gaw, kangka rai nga ma ai majaw, shanhte hpe jahpan n hpyi mu ai.

2 HKAWHKAM LABAU 31:4

Bai shi gaw, hkinjawng ni hte Lewi masha ni gaw, Yehowa a tara hpe sharin achyin ya lu na matu, shanthe hte seng ai daw mi jaw na lam, Yerusalem e nga ai ni hpe hkang dat mu ai.

2 HKAWHKAM LABAU 31:5

Israela kashu kasha ni dai ga hpe na ma yang, shanhte gaw shawng ngai ai nai mam, tsabyi jahku nnan, sau lagat jahku hte yi hkauna hkai nmai shagu hpe n daw n hta jaw mu ai hte, arai yawng hta na htamshi hta htammi, law law wa jaw da mu ai.

PRU MAT 28:43

Arun hte shi a shadang sha ni hta mara n kap nna n si mu ga, shawa sum kata de shang yang rai timung, chyoi pra ai sha ra na hkungri hta daw jau na sit sa yang rai timung, dai bu hkung shanhte bu na rai mu ai: dai gaw Arun hte shi a amyu matu ni a prat dingsa na matsun hkringhtawng rai nga na rai nga ai.”

PRU MAT 29:21

Bai, dai tawn hkungri hta na sai hte namman nang la nna, Arun hte shi a hpun palawng hta mung, shi a shadang sha ni hte shanhte a hpun palawng hta mung, lapri bun ya na rai ndai: shing rai shi hte shi a shadang sha ni mung, shanhte a hpun palawng ni mung, chyoi pra nga na ra ai.

PRU MAT 29:28

dai gaw manat hkungga rai nga ai majaw, Arun hte shi a shadang sha ni a matu, Israela kashu kasha ni kaw na, prat dingsa lu la na hkringla rai nga ai: dai gaw Israela kashu kasha ni kaw na, prat dingsa lu la na hkringla rai nga ai: dai gaw Israela kashu kasha ni jaw nga na mahku hkungga hta, Yehowa a man e manawt ai manawt hkungga rai na rai nga ai.

PRU MAT 29:29

“Arun a chyoi pra ai hpun palawng hpe mung, shi hpang na shadang sha ni hkringhtawng dagraw nna, namman chya hkam ai aya dang hkam ai shaloi bu hpun lu na rai nga ai.

PRU MAT 40:13

Arun hpe mung dai chyoi pra ai hpun palawng nang jahpun nna, nye a man e hkinjawng amu gun nga na matu, shi hpe namman chya ai hte shachyoi shapra na rai wu ai.

PRU MAT 40:15

nye a man e hkinjawng amu gun hpa nga lu na matu, shanhte a kawa hpe chya ai zawn shanhte hpe mung namman chya na rai wu ai: shanhte hpe namman chya ai lam gaw shanhte a shu mashi shu masha prat dingsa na hkinjawng lam a hkringhtawng rai malu ai, ngu wu ai.

ESAIA 10:27

Dai shani e, shi nang hpe gun shangun ai lit, na a lahpa hta na, nang hpe hpai shangun ai kandang, na a du hta na, shayu kau na ra ai: du bau ai majaw, kandang agrawp mat nga ai.

JAW JAU 21:10

Tinang a kahpu kanau ni hta hkinjawng agyi nga nna, baw hta namman chya ai hte, hkinjawng hpun palawng bu hpun na matu aya dang hkam la sai wa gaw, tinang a kara hpyan ayai lu na n rai, hpun palawng mung gang je lu na n rai:

JAW JAU 23:20

Shaloi hkinjawng wa gaw shawng ngai ai nsi a muk hte rau, dai sagu la lahkawng hpe Yehowa man e nwat hkungga di nna nwat na rai wu ai: dai gaw hkinjawng wa a matu Yehowa a man na chyoi pra ai arai rai nga ai.

JAW JAU 6:16

Ngam ai hte gaw Arun hte shi a shadang sha ni sha na rai mu ai: dai hpe shawa sum kata na chyoi pra ai shara e, matsi n bang ai, sha na rai mu ai; shawa sum a wang kata e shanhte dai hpe sha na rai mu ai.

JAW JAU 6:18

Yehowa hpe wan hte nawng ai hkungga ni hta na, kumhtaw dai gaw, nanhte a shu mashi shu masha prat dingsa tai nga na rai nna, Arun a shadang sha ni yawng sha lu na rai ma ai: dai hpe hkra ai ni yawng gaw chyoi pra ai ni rai na rai nga ai, ngu wu ai.

JAW JAU 6:20

Arun hte shi a shadang sha ni aya dang hkam la ai shani na Yehowa hpe nawng ya ai kumhpa gaw, ndai rai na rai nga ai: tutnawng na matu shadung kumhpa shatai na, shadung mani uma mi hte, jahpawt e ka-ang hkup shana de ka-ang hkup di nna jau na rai mu ai.

JAW JAU 6:26

dai gaw chyoi pra htum ai rai nga ai. Htingrai hkungga nawng ai hkinjawng wa gaw, dai hkungga shan sha lu na rai nga ai; shan dai hpe, shawa sum a wang kata na chyoi pra ai shara e sha na rai wu ai.

JAW JAU 7:14

Dai kumhpa amyu nlang hta na muk tawng langai langai la nhtawm Yehowa a manawt kumhpa di nna, dai gaw mahku hkungga a asai lapri bun ya ai hkinjawng wa la na rai wu ai.

JAW JAU 7:28

Bai Yehowa Mawshe hpe tsun wu ai gaw,

JAW JAU 7:6

Dai hkungga shan hpe hkinjawng hta na lasha ni nlang sha mai na rai ma ai: dai hpe chyoi pra ai shara e sha na rai mu ai: dai gaw chyoi pra htum ai rai nga ai.

JAW JAU 8:30

Bai Mawshe gaw, chya na namman hte tawn hkungri na asai la nhtawm, Arun hte shi a hpun palawng hta mung, shi a shadang sha ni hte shanhte a hpun palawng ni hta mung lapri bun nna, Arun hte shi a hpun palawng, shi a shadang sha ni hte shanhte a hpung palawng hpe shachyoi shapra wu ai.

BU HKAWM 18:9

Chyoi pra htum ai arai ni hta na wan hta n shang ai gaw nanhte a kumhtaw tai na rai nga ai: shanhte ngai hpe sak jaw ai kumhpa nlang hta na ngu na, shadung kumhpa shagu, htingrai hkungga shagu, mara raw hkungga shagu gaw nang hte na a shadang sha ni a matu chyoi pra htum ai rai na rai nga ai.

BU HKAWM 5:9

Israela kashu kasha ni, hkinjawng wa kaw sa jau ai chyoi pra ai arai ni hta na manawt hkungga shagu gaw, shi a rai na rai nga ai.

1 KORINHTU 9:13

nawku nta na chyoi pra bungli shachyen ai ni gaw, nawku nta hte seng ai hte hpe sha lu ma ai hte, tawn hkungri hpajang ai ni gaw, tawn hkungri na daw chyen, sha lu ma ai hpe, nanhte n chye nga myit ni?

TARA JAHPRANG 12:11

shi a mying ningsang nga nga na matu, nanhte a Karai Kasang Yehowa san da ai shara de, ngai hkang da mada hte maren, nanhte a wan nat hkungga hte shagu hkungga; htamshi hta htammi jaw ai kumhpa hte nanhte a lata na manawt kumhpa; Yehowa hpe ga shaka da ai hte maren jaw jau ai kaja htum ai ga rai myit dai.

TARA JAHPRANG 12:6

dai de, nanhte a wan nat hkungga hte shagu hkungga; htamshi hta na htammi jaw ai kumhpa hte nanhte a lata na manawt kumhpa; ga shaka kumhpa hte mayu jaw jau ai kumhpa; sagu dumsu hpung ni hta na shawng hkrat ai kasha alat re ai kumhpa ni hpe la sa na rai myit dai:

TARA JAHPRANG 18:1

Lewi masha hkinjawng ni ngu ai Lewi amyu ting gaw Israela amyu gale zawn kumhtaw hte sali wunli n lu ma ai rai nna, Yehowa hpe jaw jau ai wan nat hkungga hte shi a sali wunli shanhte sha na rai ma ai.

TARA JAHPRANG 26:13

Shaloi e, na a Karai Kasang Yehowa man e, “Nang ngai hpe hkang da sai hte maren, chyoi pra ai arai ni hpe nye a nta na ngai shapraw nna, Lewi wa hte amyu kaga wa hpe mung, jahkrai nmai ma hte gaida gaina ni hpe mung, gam jaw mase ai: nang hkang da mada ga ni hpe ngai n tawt n lai, malap mali n di kau nngai.

HEBRE 1:9

Nang dinghpring ai tsaw nna, yubak hpe n dawng ndai; Dai majaw Karai Kasang gaw, na a Karai Kasang, Na a manang ni hta, kabu gara namman hte nang hpe grau nna chya ya nit dai.”

1 YAWHAN 2:20

Nanhte mahtang gaw dai Chyoi Pra ai wa kaw na nam man chya ai chyeju hpe hkam la lu myit dai rai nna, yawng mayawng hte hpe chye lu myit dai.

1 YAWHAN 2:27

Nanhte hta chyawm gaw, shi kaw nna nanhte lu la ai nam man chya ai chyeju gaw, anga nga ai rai nna, kadai wa mi nanhte hpe sharin shaga lu na shara n nga ai. Rai timung, shi a namman chya ai chyeju gaw, lam shagu hta e nanhte hpe sharin shaga nga ai hte, dai gaw tengman nga ai rai nna, masu ai hpa n lawm ai sha, nanhte hpe sharin shaga nga ai hte maren, shi hta e nanhte anga nga myit dai.