BU HKAWM 18:5 - Jinghpaw Hanson Version Bible

⁵ Htawm hpang de pawt bu ai Israela kashu kasha ni a ntsa e n pru hkra, dai chyoi pra ai nta hte tawn hkungri hpe, nanhte sin lu na rai myit dai.

Jinghpaw Common Language Bible 2009

⁵ Nang hte na a shadang sha ni chyu sha Chyoi Pra ai Shara hte tawn hkungri hte seng ai amu bungli ni galaw gun hpai lu na rai myit dai; shaloi Israela amyu masha ni hpe pawt sindawng ai lam bai pru wa lu na ra ai n rai.

BU HKAWM 18:5 ပူးပေါင်းရင်းမြစ်များ

1 HKAWHKAM LABAU 23:24

Da ndai gaw, asak hkun ning lai nna, Yehowa a nta hta amu gun hpai ai, Lewi shadang sha ni a kawa dap hkan nna, jahpan hta lawm ai amyu dap ni a agyi salang ni rai nga ma ai.

1 HKAWHKAM LABAU 23:32

shawa masha ni hpawng nga ai sum hpe mung, chyoi pra ai shara hpe mung, Yehowa a nta hta daw jau na matu mung, tinang a kahpu kanau Arun a kashu kasha ni hpe shingtep shingtau na matu san da ai hkrum ma ai.

1 HKAWHKAM LABAU 24:5

Eliaza a kashu kasha ni hta na mung, Ihtama a kashu kasha ni hta na mung, chyoi pra ai shara hte, Karai Kasang a amu gun hpai na agyi ni rai nga ma ai majaw, shanhte hpe hpaida hte karan lata la mu ai.

1 HKAWHKAM LABAU 9:19

Korah a dap Ebiasap a kashu, Kore a kasha Shalum hte shi a kahpu kanau Korah masha ni gaw, dai daw jau ai amu hpe bau sin na matu sumpan nta chyinghka hkinbawng hpe sin nga ma ai: shanhte a kaji kawa ni mung Yehowa a dap chyinghka lam hpe sin nga ai ni tai wa masai.

1 HKAWHKAM LABAU 9:23

Shing rai shanhte hte shanhte a kashu kasha ni gaw ladaw tawn da ai hte maren, Yehowa a nta ngu ai sumpan nta a chyinghka lam hpe sin nga ai.

1 HKAWHKAM LABAU 9:33

Dai ni gaw Mahkawn mangoi woi ai, Lewi a dap lakung a agyi ni hte, wang gawk ni hta nga nga let, amu kaga hte lawt ai ni rai nga ma ai: shanhte gaw shani shagu tinang hte seng ai amu ni hpe gun hpai nga ma ai.

PRU MAT 27:21

Dai shawa sum kata, sakse a man e grang ai nba shinggang a shinggan maga e, Arun hte shi a shadang sha ni, shana de nna jahpawt du hkra Yehowa a man e dai hpe hpajang lu na rai mu ai: dai gaw Israela kashu kasha ni hta prat mi hte prat mi anga nga na matsun hkringhtawng rai na rai nga ai.”

YEREMIA 23:15

Dai re ai majaw Zaw nawng zaw wa up ai Yehowa gaw, myihtoi ni hpe lakap nna ning nga ai: Yerusalem myihtoi ni kaw na, tara n hkungga ai htung, mung ting hta pri rai wa sai majaw, yu u, ngai shanhte hpe lashi pila sha shangun nna, gung hte kayau ai ntsin lu shangun na nngai.

EZEKELA 44:15

Lewi amyu na, Zadok a kashu kasha ni chyawm gaw, nye a man e daw jau na matu, sit sa na ahkang lu na mara ai: Israela kashu kasha ni gaw, ngai kaw na lam yit mat wa yang, shanhte gaw nye a chyoi pra ai shara hpe sin nga ma ai: dai rai nna, sau man hte asai ngai hpe nawng ya na matu, nye a man e tsap nga na ahkang, shanhte lu na mara ai,” nga nna Madu Yehowa tsun ai:

EZEKELA 44:16

“shanhte gaw nye a chyoi pra ai shara de shang lu nna, nye a amu gun hpai na matu, nye ku makau de sit sa nna, daw jau na mara ai.

JAW JAU 10:6

Bai Mawshe gaw Arun hte shi a shadang sha Eleaza yan Ihtama hpe, Nanhte n si wa myit ga hte dai shawa hpung ting a ntsa e Yehowa a pawt ai sindawng n du u ga, nanhte a baw kara hkum hpyan kau myit, palawng mung hkum gang je myit; nanhte a kahpu kanau Israela kashu kasha ni nlang hte gaw Yehowa e dat ai wan hkru lam a majaw hkrap ngu hkrap ngoi rai nga mu ga.

JAW JAU 24:3

dai gaw shawa sum kata na sakse sumpu grang ai nba shinggang a shinggan maga e jahpawt shana Arun lajang shatu na rai nga ai: dai gaw nanhte a shu mashi shu masha prat dingsa hkan nga na matsun maroi rai nga ai.

ZEHKARIA 10:3

“Ngai gaw sagu rem ai ni hpe, pawt kahtet nga nna, namla ni hpe, ari jaw na nngai: kaning rai nme law, Zaw nawng zaw wa up ai Yehowa gaw, shi a sagu hpung ngu ai, Yuda dap hpe kawan katsan yu nna, shanhte hpe, hpyen shani na laring gumra zawn, shatai na ra ai.

BU HKAWM 1:50

Lewi masha ni hpe dai sakse sum, de a arai ni hte dai hte seng maseng yawng a ntsa e san tawn da mu: shanhte gaw dai sum hte sum rai yawng hpai na rai ma ai: dai hta jaw jau ai amu shanhte gun hpai nna, dai sum a grup yin e but na rai ma ai.

BU HKAWM 1:53

Israela kashu kasha ni a shawa hpung a ntsa e pawt ai myit n du malit ga, Lewi masha ni gaw dai sakse sum a makau grup e but nna, shanhte gaw dai sakse sum hte seng ai amu gun hpai na rai mu ai, ngu wu ai,”

BU HKAWM 16:46

Bai Mawshe gaw Arun hpe, “Na a wan ban la nna tawn hkungri na wan hta bang nhtawm, lawban mara lang let, shawa hpung de alawan gat nna shanhte a matu htingrai htingrat su: Yehowa a pawt ai sindawng pru ra ai; ana zinli mung du rau ra ai,” ngu nna shangun dat wu ai.

BU HKAWM 18:4

Shanhte gaw nang hpe karum nna, shawa sum hpe yu lajang ai hte, dai Sum hte seng ai yawng mayawng hpe gun hpai na rai ma ai: masha gale chyawm gaw nanhte kaw htep lu na n rai.

BU HKAWM 4:18

“Kohat a lakung lama ni hpe Lewi amyu hta na hkum jahtum kau myit;

BU HKAWM 8:19

Shing rai Israela kashu kasha ni dai chyoi pra ai nta de sit sa yang shanhte yubak ari n hkrum hkra, dai shawa sum hta Israela kashu kasha ni a matu jaw jau na amu gun hpai nna, shanhte a matu htingrai htingrat ya mu ga, ngu nna Israela kashu kasha ni hta na Lewi masha ni hpe Arun hte shi a shadang sha ni e kumhpa hku ngai jaw da we ai,” ngu wu ai.

BU HKAWM 8:2

Arun hpe ning ngu tsun u, “Pyengdin ni hpe nang shatu yang, dai pyengdin wan sanit hte hpe pyengdin shadun a man de shayawn nna shatu u, ngu nna tsun u,” ngu wu ai.

1 TIMOHTI 1:18

Ngai sha, Timohti e, nang hta ang nna lakap nga ai myihtoi ga hta hpa nna, makam masham hte mai kaja ai myit nsam rawng nga let, dai kaja ai gasat gala hpe nang gasat nga lu u ga, tawn da sai myihtoi ga hte maren, ndai daru jet kau na ahkang ngai nang hpe ap ya de ai.

1 TIMOHTI 3:15

Karai Kasang a nta e kaning rai arawn alai hkan mai na nang chye lu n ga, ndai lam ngai nang hpe ka dat nngai; dai nta chyawm gaw, hkrung nga ai Karai Kasang a Hpung rai nga nna, tengman ai a sumsai dawnu hte npawt hkridun mung rai nga ai.

1 TIMOHTI 5:21

Ndai lam hte hpe myi man n tau ai hte hpa lachyen lahka n re ai sha nang galaw nga n ga, Karai Kasang hte Hkristu Yesu a man e mung, lata la ai lamu kasa ni a man e mung, ngai nang hpe ga daka dat de ai.

1 TIMOHTI 6:20

O, Timohti e, nang hpe ap ya de ai aya hpe, a mahkyu nga u: n san n seng ai baw law ai ga hpe mung, chye chyang ai lam re ai ngu nna, shamying gawm ai nhtan shai ai lam hpe mung, koi kau nga u: