BU HKAWM 18:32 - Jinghpaw Hanson Version Bible

³² Dai hta na kaja htum ai hpe manawt jau ngut jang, naw nga ai hta na majaw gaw nanhte hta mara rawng na n rai: nanhte si ai n hkrum myit ga, Israela kashu kasha ni a chyoi pra ai arai hpe awu asin hkum rai myit, ngu u,” ngu wu ai.

Jinghpaw Common Language Bible 2009

³² Dai hta na kaja htum ai hpe dai Madu a matu sak jaw nga dingsa nanhte dai hpe sha myit yang mara lu ai ni tai na myit dai n rai. Rai ti mung dai kaja htum ai daw hpe garai n nawng jau yang kumhpa lama ma hpe sha ai hte Israela amyu masha ni a chyoi pra ai kumhpa hpe awu asin di lu na myit dai n rai; dai zawn galaw ai rai yang, nanhte si ai hkrum na rai myit dai.”

BU HKAWM 18:32 ပူးပေါင်းရင်းမြစ်များ

PRU MAT 28:43

Arun hte shi a shadang sha ni hta mara n kap nna n si mu ga, shawa sum kata de shang yang rai timung, chyoi pra ai sha ra na hkungri hta daw jau na sit sa yang rai timung, dai bu hkung shanhte bu na rai mu ai: dai gaw Arun hte shi a amyu matu ni a prat dingsa na matsun hkringhtawng rai nga na rai nga ai.”

JAW JAU 19:8

Sha ai wa gaw Yehowa a chyoi pra ai arai hpe awu asin di kau nu ai majaw, yubak hkrum lu na rai nna, dai wa hpe shi a amyu hta na sumri dan kau ya na rai wu ai.

JAW JAU 22:2

Arun hte shi a shadang sha ni gaw, nye a shachyoi shapra ai arai ni a majaw, nye a chyoi pra ai mying ningsang hpe n jahpoi kau mu ga, Israela kashu kasha ni a la sa ai chyoi pra ai arai hte tinang hkum hpe shatsan shagang mu, ngu nna shanhte hpe tsun mu: ngai gaw Yehowa rai nga nngai.

MALAHKI 1:7

Nanhte gaw, n san n seng ai muk, nye a tawn hkungri ntsa e nawng ya myit hka; rai timung nanhte gaw, Anhte nang hpe kaning rai awu asin di ga ta? nga nna san myit dai. Yehowa a sha ku gaw hpa lam n la ai, nga nna mung;

BU HKAWM 18:22

Ya kaw nna Israela kashu kasha ni hta tinang a shut hpyit ai hte si ai yubak n hkrum hkra shawa sum de hkum htep sa manu ga.

BU HKAWM 18:31

Dai gaw tinang hte tinang a nta masha ni sha-ang ai shara shagu hta sha lu na rai ma ai: kaning rai nme law, shawa sum a amu gun hpai ai matu, dai gaw nanhte a shabrai rai nga ai.

BU HKAWM 19:1

Bai, Yehowa Mawshe yan Arun hpe tsun wu ai gaw,

1 KORINHTU 11:27

Dai rai nna, kadai rai timung n ging n dan ai hte dai Madu a muk sha nna gawm lu a yang gaw, dai Madu a hkum hte asai hpe shut kau da wu ai.

1 KORINHTU 11:29

Kaning rai nme law, sha nna lu ai wa gaw, dai hkum hpe n gawn ginhka a yang gaw, tinang dai tara dara na hku lu sha nga ai.