BU HKAWM 18:23 - Jinghpaw Hanson Version Bible

²³ Lewi masha ni gaw shawa sum a amu gun hpai nna, tinang shut ai mara tinang gun lu na rai ma ai: Israela kashu kasha ni hta sali wunli ga mung madu lu na n rai; dai gaw nanhte a shu mashi shu masha prat dingsa hkan nga na matsun maroi rai na rai nga ai.

Jinghpaw Common Language Bible 2009

²³ Ya kaw nna Lewi masha ni chyu sha Sum hpe yu lajang nhtawm dai hte seng ai magam lit ni hpe tup hkrak gun hpai na rai ma ai. Dai gaw nanhte amyu matu ni prat dingsa hkan sa galaw na tara rai nga ai.

BU HKAWM 18:23 ပူးပေါင်းရင်းမြစ်များ

PRU MAT 27:21

Dai shawa sum kata, sakse a man e grang ai nba shinggang a shinggan maga e, Arun hte shi a shadang sha ni, shana de nna jahpawt du hkra Yehowa a man e dai hpe hpajang lu na rai mu ai: dai gaw Israela kashu kasha ni hta prat mi hte prat mi anga nga na matsun hkringhtawng rai na rai nga ai.”

EZEKELA 44:10

Israela amyu gaw lam yit wa jang, tinang a hpara sumla ni hpe hkan nang ai majaw, ngai kaw na tsan mat wa ai Lewi masha ni gaw, tinang a yubak hkam sha na mara ai.

BU HKAWM 18:1

Bai, Yehowa Arun hpe tsun wu ai gaw, “Dai chyoi pra ai nta hte seng ai shut hpyit mara gaw, nang hte na nshu nsha ni, na nwa a amyu dap na ni gun lu na rai myit dai; hkinjawng aya hte seng ai shut hpyit mara gaw, nang hte na nshu nsha ni gun lu na rai myit dai.

BU HKAWM 18:20

Bai Yehowa Arun hpe, “Israela kashu kasha ni madu ai mung hta e, nang gaw sali wunli ga lu na n rai, shanhte hta, na a kumhtaw lawm na n rai: ngai gaw shanhte hta, na a kumhtaw, na a sali wunli rai nga nngai.

BU HKAWM 19:21

Ndai gaw, shanhte a matu prat dingnawng na matsun rai nga ai: shawan shasan ai ntsin lapri ai wa mung, shi a hpun palawng hkrut na rai wu ai; ntsin dai hkra ai wa mung, shana de du hkra n san n seng rai nga ai.

BU HKAWM 26:62

Shanhte hta na asak shata mi hta jan ai jahpan hta hti lawm ai lasha nlang hte gaw mun lahkawng e hkying masum rai ma ai: shanhte gaw Israela kashu kasha ni hte rau lamu ga sali n lu la na re ai majaw, Israela kashu kasha ni a jahpan hta n lawm ma ai.

BU HKAWM 3:7

Shanhte gaw dai sumpan sum a amu shachyen na matu, Arun hte seng ai amu mung, shawa hpung ting hte seng ai amu mung, dai shawa sum a man e gun hpai na rai mu ai.

BU HKAWM 35:29

Ndai gaw nanhte a nga shara shagu hta, shu mashi shu masha prat dingsa hkan nga na tara matsun rai na rai nga ai.

TARA JAHPRANG 10:9

Dai re ai majaw Lewi masha ni gaw kahpu kanau ni zawn kumhtaw madu lu na n rai, Sali wunli dagraw sha lu na n rai; na a Karai Kasang Yehowa shi hpe tsun dan ai hte maren, Yehowa gaw shi a Sali wunli rai nga ai.)

YAWSHU 13:14

Lewi amyu hpe chyawm gaw lamu ga Sali n jaw wu ai: Yehowa shanhte hpe tsun da ai hte maren, Israela Karai Kasang Yehowa hpe wan hte nawng jau ai hkungga gaw, shanhte a sali rai malu ai.