BU HKAWM 18:21 - Jinghpaw Hanson Version Bible

²¹ Lewi masha ni gaw, shawa sum a amu gun hpai nga ma ai majaw, shanhte a sali wunli shatai na, Israela kashu kasha ni lu ai hta na htamshi hta na htammi tup ngai jaw mase ai.

Jinghpaw Common Language Bible 2009

²¹ Dai Madu gaw, “Israela amyu masha ni ngai hpe sak jaw ai htam shi hta na htam mi shagu, Lewi masha ni hpe ngai jaw ni ai. Dai gaw nye a hpung shingkang shanu nga ai Sum hpe yu lajang ai shanhte a daw jau magam bungli a matu shabrai rai nga ai.

BU HKAWM 18:21 ပူးပေါင်းရင်းမြစ်များ

NINGPAWT NINGHPANG 14:20

na a gumlau ni hpe na a lata hta ap ya ai Tsaw Htum ai Karai Kasang mung a nga u ga law,” ngu nna shaman ya wu ai. Abram mung shi lu la ai mahkra hta na htamshi hta htammi shi hpe jaw da wu ai.

NINGPAWT NINGHPANG 47:24

nanhte a lamu ga hta galaw hkai mu: nsi naisi shu ai shaloi, htam manga hta htammi gaw Hpara-u kaw sak lu na rai myit dai: htam mali chyawm gaw nanhte la nna hpang na nli shatai na hte, nanhte hte nanhte a nta masha ni sha na matu mung, nanhte a ma kaji ni hpe bau na matu mung tai na malit dai, ngu nna tsun mu ai.

NINGPAWT NINGHPANG 47:26

Dai majaw htam manga hta htammi Hpara-u lahkawn sha u ga, nga nna dai ni du hkra Egutu mung e nga ai tara gaw Yawsep tawn da ai rai nga ai: hkinjawng ni a lamu ga chyu sha Hpara-u a ga n tai lu ai.

2 HKAWHKAM LABAU 31:12

Shing rai shanthe gaw kangka re ai myit hte, kumhpaw kam hpa ni, htamshi hta htammi hte majai da ai arai ni hpe jashawn da mu ai: Lewi masha Hkonania gaw dai hpe up nga nna, shi a kanau Shime gaw shi a shingtau wa rai nga ai.

NEHEMIA 10:29

tinang a kahpu kanau ni hte agyi salang ni hta manoi nga ma ai rai nna, Karai Kasang gaw shi a shangun ma Mawshe a lata hta ap ya ai tara hpe hkan shatup na hte, anhte a Madu Yehowa hkang da ai ga, matsun maroi ga hte madat da ai ga yawng hkan nang na mung;

NEHEMIA 10:37

shawng galaw ai muk katsing, nwat hkungga ni, namsi namsaw amyu myu, tsabyi jahku nnan hte sau ni hpe, anhte a Karai Kasang a nta gawk ni hta daw jau nga ai hkinjawng ni hpang de la sa na matu mung; Lewi masha ni gaw mare kahtawng ni a lamu ga hta na htamshi hta na htammi lusha nga ai majaw, dai htamshi hta na htammi, shanhte hpang de la sa na matu mung, nga nna anhte hkinjawng ni, Lewi masha ni hte amyu masha ni gaw hpaida da ai hte tawn da ga ai.

NEHEMIA 10:38

Lewi masha ni gaw htamshi hta htammi lahkawn sha ma yang, Arun amyu hkinjawng ni gaw, Lewi masha ni hte lawm na mara ai. Bai, Lewi masha ni gaw tinang lahkawn la ai hta na, htamshi hta htammi shaw la nna, anhte a Karai Kasang a nta gawk sutdek hta bang da na ma ai.

NEHEMIA 12:44

Shaloi hkinjawng ni hte Lewi masha ni gaw, daw jau ai amu hpe gun hpai nga ma ai majaw, Yuda masha ni kabu gara nga ma ai rai nna, hkinjawng ni hte Lewi masha ni mare ni kaw na hkam la ang ai, shawng ngai ai nsi naisi hte nwat hkungga ni hte htamshi hta htammi lahkawn la nna mahkawng da ai sutdek hpe up na matu, shanhte gaw dai ni jang up ai masha ni hpe san da mu ai.

NEHEMIA 12:47

Bai, Zerubabela aprat hta e mung, Nehemia aprat hta e mung, Israela masha ni yawng, chyinghka sin ai ni hte mahkawn mangoi ai ni hpe, lani hte lani ang ai jarit jaw da mu ai: Lewi masha ni hte seng ai hpe shanhte san tawn da mu ai; Lewi masha ni mung, Arun a kashu kasha ni hte seng ai hpe, san tawn da mu ai.

NEHEMIA 13:12

Shaloi Yuda masha ni yawng, nai mam, tsabyi jahku, sau, htamshi hta htammi, sutdek hta sa bang da ma ai.

NEHEMIA 13:5

Dai shara hta e shawng e shadung kumhpa ni, manam pyaw ai baw, hka wan ni, lahkawn la ai nai mam a htamshi hta htammi tawn da nna tara hte maren Lewi masha ni, mahkawn mangoi ai ni hte chyinghka sin ai ni hpe karan jaw mu ai; hkinjawng ni hte seng ai nwat kumhpa ni mung dai de tawn da ma ai.

MALAHKI 2:4

Shing rai nye a ga shaka, Lewi amyu hta grin wa lu na matu, ndai hkang da ai ga ngai nanhte hpang de shangun dat nngai gaw, nanhte chye lu na marin dai, nga nna Zaw nawng zaw wa up ai Yehowa tsun ai.

MALAHKI 3:10

Nye a nta hta lusha rawng nga na matu, htamshi hta htammi yawng, nye a sutdek hta bang da mu: shing rai ngai gaw, sumsing lamu hkuwawt hku hpaw nna, nanhte n dang hkap la lu hkra, nanhte a ntsa e shaman ai chyeju ru bun na, n ru bun na gaw, ya dai lam ngai hpe chyam yu mi, nga nna Zaw nawng zaw wa up ai Yehowa tsun ai.

BU HKAWM 18:6

Shing rai na nhpu nnau Lewi masha ni hpe, Israela kashu kasha ni hta na ngai lata shaw la nna, shawa sum a amu gun hpai shangun na matu, Yehowa hpe sak jau ai kumhpa hku ngai nanhte hpe jaw made ai.

BU HKAWM 3:6

“Lewi amyu hpe shaga la nna, hkinjawng Arun a amu hpe galaw shangun na matu, shi a man e shanhte hpe woi tawn ya u.

BU HKAWM 31:28

Bai, hpyen sa gasat ai hpyen ma ni hta na, Yehowa a kang matu shanhte lu ai masha hte dumsu, lawze, sagu bainam hkum manga tsa hta na hkum mi hta la nna,

GALATI 6:6

Dai mungga hpe sharin achyin la ai wa gaw, sharin achyin ya ai wa hpe mai kaja ai yawng mayawng hte karan kachyan nga u ga.

TARA JAHPRANG 18:8

shi a sali wunli dut nna lu ai arai hta kaga hpunau ni hte maren hkam sha lu na rai nga ai.

HEBRE 7:5

Hkinjawng aya lu la ai Lewi a kashu kasha ni gaw, Abraham a nshang na hkrat ai ni, ngu ai, tinang a hpunau ni kaw na, tara hte maren htamshi hta htammi, hta sha na ahkang lu ma ai.