BU HKAWM 18:20 - Jinghpaw Hanson Version Bible

²⁰ Bai Yehowa Arun hpe, “Israela kashu kasha ni madu ai mung hta e, nang gaw sali wunli ga lu na n rai, shanhte hta, na a kumhtaw lawm na n rai: ngai gaw shanhte hta, na a kumhtaw, na a sali wunli rai nga nngai.

Jinghpaw Common Language Bible 2009

²⁰ Dai Madu gaw Arun hpe, “Nang gaw lamu ga sali loi mi mung hkam la lu na n rai; Israela lamu ga daw chyen pyi na a matu masat ya hkrum na n rai. Ngai Madu nan na a sali rai nga nngai,” ngu nna tsun wu ai.

BU HKAWM 18:20 ပူးပေါင်းရင်းမြစ်များ

NINGPAWT NINGHPANG 15:1

Dai hpang Yehowa a ga gaw Abram kaw shingran hta du nna, “Abram e, hkum hkrit et; ngai gaw na a makawp ninggang rai nga nngai; nang lu la na shabrai kaba la nga lit dai,” ngu wu ai.

SHAKAWN KUNGDAWN 142:5

Yehowa e, ngai nang hpe jahtau nga nngai; Ngai shingbyi shawung shara hte, Hkrung nga ai ni a ga hta e nye a hkambum, Nang rai nga ndai, nga nna ngai tsun nga nngai.

SHAKAWN KUNGDAWN 16:5

Yehowa gaw nye a sali wunli hte, lusha gawm na hkambum rai nga ai: Nang gaw nye a sali kumhtaw hpe sin nga ndai.

SHAKAWN KUNGDAWN 73:26

Nye a hkum shan hte myit masin mat wa timung, Karai Kasang gaw nye a myit lunghkrung hte, prat dingsa na sali wunli rai nga ai.

SHARUNG SHAYAWT 3:24

Yehowa nye a kumhtaw rai nga ai, nga nna nye a myit masin tsun lu ai majaw, shi hta ngai myit mada nga nngai.

EZEKELA 44:28

Shanhte gaw sali wunli lu na mara ai; ngai gaw shanhte a sali wunli rai nga nngai: Israela mung hta shanhte hpe sali ga jaw na n rai; ngai shanhte a sali ga rai nga nngai.

BU HKAWM 18:7

Nang hte na a shadang sha ni gaw, tawn hkungri hte nba shinggang kata na jaw jau ra ai hkinjawng amu yawng gun hpai na rai myit dai; dai gaw nanhte a amu rai nga ai: jaw jau na hkinjawng amu ngai nanhte hpe kumhpa zawn ap ya masade ai: dai de htep sa ai masha gale gaw sat kau ai hkrum na rai ai,” ngu wu ai.

BU HKAWM 26:62

Shanhte hta na asak shata mi hta jan ai jahpan hta hti lawm ai lasha nlang hte gaw mun lahkawng e hkying masum rai ma ai: shanhte gaw Israela kashu kasha ni hte rau lamu ga sali n lu la na re ai majaw, Israela kashu kasha ni a jahpan hta n lawm ma ai.

TARA JAHPRANG 10:9

Dai re ai majaw Lewi masha ni gaw kahpu kanau ni zawn kumhtaw madu lu na n rai, Sali wunli dagraw sha lu na n rai; na a Karai Kasang Yehowa shi hpe tsun dan ai hte maren, Yehowa gaw shi a Sali wunli rai nga ai.)

TARA JAHPRANG 12:12

Dai shaloi e nanhte ni mung, nanhte a mayam num mayam la ni mung, kumhtaw n htu nna Sali ga n lu ai, nanhte kaw shingbyi nga ai Lewi masha mung, nanhte a Karai Kasang Yehowa man e kabu gara nga na rai myit dai.

TARA JAHPRANG 14:27

Nang kaw shingbyi nga ai Lewi wa hpe mung nang kau rap di lu na n rai: kaning rai nme law, shi gaw nang zawn kumhtaw hte Sali wunli lu nga ai n rai.

TARA JAHPRANG 14:29

dai hpe, nang zawn kumhtaw hte Sali wunli n lu ai Lewi wa hte nang kaw sa nga ai tsasam manam wa, jahkrai ningmai ni hte gaida gaina ni sa nna hkru hkru kat kat sha lu na rai ma ai: shing rai jang, na a Karai Kasang Yehowa gaw, nang galaw ai lam shagu hta nang hpe shaman ya na ra ai.

YAWSHU 13:14

Lewi amyu hpe chyawm gaw lamu ga Sali n jaw wu ai: Yehowa shanhte hpe tsun da ai hte maren, Israela Karai Kasang Yehowa hpe wan hte nawng jau ai hkungga gaw, shanhte a sali rai malu ai.

YAWSHU 13:33

Lewi amyu hpe chyawm gaw Mawshe sali n jaw wu ai; Yehowa shanhte hpe tsun dan mu ai hte maren, Israela Karai Kasang Yehowa gaw shanhte a sali wunli rai nga ai.

YAWSHU 14:3

Amyu lahkawng hte chyen mi hpe gaw, Yawdan hka wora hkran de Mawshe jaw da nu ai: Lewi amyu hpe gaw sali ga karan ai hta n shalawm mu ai.

YAWSHU 18:7

Lewi masha ni chyawm gaw nanhte zawn hkambum lu la na n rai; Yehowa a hkinjawng aya gaw shanhte a sali rai nga ai: Gad amyu, Rubin amyu hte Manashe amyu chyen mi gaw Yawdan hka sinpraw hkran de, Yehowa a shangun kasa Mawshe jaw da ai hte maren sali ga lu la masai,” ngu nna tsun mu ai.

SHINGRAN 21:3

Bai, dai tingnyang kata na nsen kaba gaw, “Yu mu, Karai Kasang a sum gaw shinggyim masha ni hte rau rai nga ai rai nna, shi shanhte hte rau hpawng de nga na hte, shanhte gaw shi a amyu ni tai na mara ai: Karai Kasang gaw shi hkum nan shanhte hte rau nga nga nna, shanhte a Karai Kasang tai na ra ai: