BU HKAWM 18:19 - Jinghpaw Hanson Version Bible

¹⁹ Israela kashu kasha ni Yehowa hpe jaw jau ai chyoi pra ai kumhpa ni hta na manawt kumhpa yawng gaw, nang hte na a shayi shadang sha ni hpe htani htana kumhtaw shatai na matu ngai jaw da masade ai: dai gaw nang hte na amyu matu ni hte Yehowa a man e jum hte shangang da ai htani htana ga shaka rai nga ai,” ngu wu ai.

Jinghpaw Common Language Bible 2009

¹⁹ “Israela amyu masha ni ngai hpe sak jaw ai laksan kumhpa ni yawng gaw nang hte na a shayi shadang sha ni hpe prat dingsa ngai jaw ya nga nngai. Dai gaw nanhte mung, na a amyu matu ni hte mung ngai tawn da ai n hten n run mat ai ga shaka rai nga ai,” ngu nna tsun wu ai.

BU HKAWM 18:19 ပူးပေါင်းရင်းမြစ်များ

2 HKAWHKAM 12:16

Dai hta n-ga, amu galaw ai ni hpe karan jaw na matu, gumhpraw sim da ai ni gaw, kangka rai nga ma ai majaw, shanhte hpe jahpan n hpyi mu ai.

2 HKAWHKAM LABAU 13:5

Israela Karai kasang Yehowa gaw, Jum hte jawn da ai ga shaka hte, Israela mungdan Dawi hte shi a kashu kasha ni hpe prat dingsa du hkra jaw da nga ai hpe nanhte dum mai myit dai, n rai myit ni?

2 HKAWHKAM LABAU 31:4

Bai shi gaw, hkinjawng ni hte Lewi masha ni gaw, Yehowa a tara hpe sharin achyin ya lu na matu, shanthe hte seng ai daw mi jaw na lam, Yerusalem e nga ai ni hpe hkang dat mu ai.

PRU MAT 29:27

shing di Arun hte shi a shadang sha ni a aya dang ai sagu la hta na, nwat hkungga di nna nwat ai sinda hte, manawt hkungga di nna manawt ai magyi hpe nang shachyoi shapra na rai wu ai:

EZEKELA 43:24

Dai lahkawng hpe Yehowa man e nang dun la nna, hkinjawng ni gaw jum mun ai hte, Yehowa matu wan nat hkungga nawng ya mu.

JAW JAU 2:13

Shadung kumhpa nawng shagu jum bang lu na rai ndai: na a shadung kumhpa nawng ai hta, na a Karai Kasang a ga shaka jum n bang ai nawng jau lu na ndai n rai: nang nawng jau ai kumhpa shagu hta, jum bang lu na rai ndai.

JAW JAU 21:22

Chyoi pra ai hte chyoi pra htum ai hte seng ai, shi a Karai Kasang a muk gaw shi sha lu na rai wu ai:

JAW JAU 7:14

Dai kumhpa amyu nlang hta na muk tawng langai langai la nhtawm Yehowa a manawt kumhpa di nna, dai gaw mahku hkungga a asai lapri bun ya ai hkinjawng wa la na rai wu ai.

BU HKAWM 18:11

Dai hta kaga, ndai gaw na a matu san san rai nga ai: Israela kashu kasha ni sak jaw ai kumhpa ni hta na manawt kumhpa hte nwat kumhpa shagu gaw, nang hte na a shayi shadang sha ni matu, htani htana kumhpa tai na ngai jaw nga nngai: na a nta na san seng ai ni nlang sha mai nga ai.

BU HKAWM 18:8

Bai, Yehowa Arun hpe tsun wu ai gaw, “Yu u, Israela kashu kasha ni shachyoi shapra sak ai kumhpa nlang hta na ngai e manawt jaw ai kumhpa gaw nang hpe ap ya sade ai; dai gaw, namman chya hkam ai a matu nang hte na a shadang sha ni hpe htani htana kumhtaw tai na, ngai jaw nga nngai.

BU HKAWM 31:29

shanhte lu ai ka-ang hkup ting na shaw la nhtawm, Yehowa a manawt hkungga di na hkinjawng Eleaza hpe ap ya mu.

BU HKAWM 31:41

Yehowa Mawshe hpe hkang da wu ai hte maren, Yehowa a matu manawt hkungga di na kang hkinjawng Eleaza hpe Mawshe ap ya wu ai.

TARA JAHPRANG 12:26

shing rai, na a wan nat hkungga hpe, ashan hte asai nawng, na a Karai Kasang Yehowa a tawn hkungri ntsa e nang nat jau na rai ndai: hkungga gale chyawm gaw, asai hpe na a Karai Kasang Yehowa a tawn hkungri hta nang ru hkaw nna, ashan hpe gaw nang sha lu na rai ndai.

TARA JAHPRANG 12:6

dai de, nanhte a wan nat hkungga hte shagu hkungga; htamshi hta na htammi jaw ai kumhpa hte nanhte a lata na manawt kumhpa; ga shaka kumhpa hte mayu jaw jau ai kumhpa; sagu dumsu hpung ni hta na shawng hkrat ai kasha alat re ai kumhpa ni hpe la sa na rai myit dai: