BU HKAWM 18:12 - Jinghpaw Hanson Version Bible

¹² Shanhte Yehowa hpe jaw jau ai shawng ngai ai nsi naisi a kaja htum ai namman, kaja htum ai tsabyi jahku hte nai mam, ngai nang hpe jaw sade ai.

Jinghpaw Common Language Bible 2009

¹² “Israela amyu masha ni ngai hpe shaning shagu jaw jau ai shawng ngai ai nsi naisi a kaja htum ai tsanlun sau, sabyi ntsin hte nai mam ngai nang hpe jaw nga nngai.

BU HKAWM 18:12 ပူးပေါင်းရင်းမြစ်များ

NINGPAWT NINGHPANG 27:28

Karai Kasang gaw lamu na mari hte Ga na sau tung mung, nai mam law law hte tsabyi jahku mung, nang hpe jaw na nit dai:

2 HKAWHKAM 4:42

Bai lang mi Bala-shalisha kaw nna masha langai mi gaw, Karai Kasang a masha wa hpe, shawng ngai ai muk-yaw mam muk tawng hkun hte shi a htingpa hta nlung nnan sa jaw wu ai.

2 HKAWHKAM LABAU 31:5

Israela kashu kasha ni dai ga hpe na ma yang, shanhte gaw shawng ngai ai nai mam, tsabyi jahku nnan, sau lagat jahku hte yi hkauna hkai nmai shagu hpe n daw n hta jaw mu ai hte, arai yawng hta na htamshi hta htammi, law law wa jaw da mu ai.

SHAKAWN KUNGDAWN 147:14

Na a lamu ga jarit hpe shi shangwi ya nna, Sau ai mam hte nang hpe shakat nit dai.

SHAKAWN KUNGDAWN 81:16

Sau ai hkaulan mam hte ngai shanhte hpe bau nna, nlung hku na lagat jahku hte shanhte hpe jahkru na mawe ai.

PRU MAT 22:29

Shawng myin ai nsi naisi, shawng shup ai tsabyi jahku, n shim n dang ai sha jaw lu na ndai. Shawng shaprat ai shadang sha mung ngai e jaw lu na ndai.

PRU MAT 23:19

Na a yi hkauna na shawng ngai ai nsi naisi, na a Karai Kasang Yehowa a nta de nang la sa lu na rai ndai. Bainam kasha hpe kanu a chyu hte hkum shapyaw et.

PRU MAT 34:26

Na a yi hkauna na shawng ngai ai kaja htum ai nsi naisi hpe, na a Karai Kasang Yehowa a nta de nang la wa lu na rai ndai. Bainam kasha hpe kanu a chyu hte hkum shapyaw et,” ngu wu ai.

EZEKELA 44:30

Shawng ngai ai nsi naisi amyu myu hte, shawng nawng ya ai nwat hkungga amyu myu hpe, hkinjawng wa lu la na ra ai; na nta ntsa e shaman ai nga nga u ga, shawng gumrin ai shadung hkinjawng wa hpe jaw u.

JAW JAU 2:12

Shawng ngai ai nsi naisi sak jaw ai lam hta Yehowa hpe matsi hte lagat jahku sak jaw lu ai rai timung, manam pyaw hkra nga tawn hkungri hta nat mai na n rai.

JAW JAU 2:14

Shawng ngai ai nsi naisi hte Yehowa hpe shadung kumhpa hku nawng mayu yang gaw, shawng myin ai mam gungsi hpe wan hta kakang nna, dai mam gungsi hta na n-gu tum rip la na rai wu ai.

JAW JAU 23:17

Yehowa a matu shawng ngai ai nsi naisi shatai na, shadung mani uma lahkawng hpe matsi hte shawawm nna kabaw ai nwat kumhpa muk tawng lahkawng hkawng nanhte a nta na shapraw na rai myit dai.

JAW JAU 23:20

Shaloi hkinjawng wa gaw shawng ngai ai nsi a muk hte rau, dai sagu la lahkawng hpe Yehowa man e nwat hkungga di nna nwat na rai wu ai: dai gaw hkinjawng wa a matu Yehowa a man na chyoi pra ai arai rai nga ai.

TARA JAHPRANG 18:3

Mung masha ni hkungga jaw ai shaloi dumsu hta na rai timung, sagu hta na rai timung, hkinjawng wa a kumhtaw matu jaw na tara gaw ndai rai nga ai: jaw jau ai wa gaw hkinjawng wa hpe lahpa magyi mi, shabyi lahkawng maga hte pu hpam pu kan mung;

TARA JAHPRANG 18:4

shawng shu la ai nai mam, tsabyi jahku hte namman mung; shawng rep ai sagu mun mung jaw na rai wu ai.

TARA JAHPRANG 26:2

na a Karai Kasang Yehowa nang hpe jaw ai mungdan hta shawng myin ai nsi naisi amyu shagu hta na nang la nhtawm, ka hta bang da nna, na a Karai Kasang Yehowa a mying ningsang tawn da na matu san da ai shara de sa na rai ndai.

TARA JAHPRANG 32:14

Dumsu hta na htawbat hte sagu bainam hta na madoi chyu shat, Sagu kasha a sau tung, Bashan sagu la hte bainam sau dung, Kaja htum ai hkaulan mam lung, jaw sha wu ai: Tsabyi jahku mung, tsabyi si sai hta na nang lu ndai.