BU HKAWM 18:11 - Jinghpaw Hanson Version Bible

¹¹ Dai hta kaga, ndai gaw na a matu san san rai nga ai: Israela kashu kasha ni sak jaw ai kumhpa ni hta na manawt kumhpa hte nwat kumhpa shagu gaw, nang hte na a shayi shadang sha ni matu, htani htana kumhpa tai na ngai jaw nga nngai: na a nta na san seng ai ni nlang sha mai nga ai.

Jinghpaw Common Language Bible 2009

¹¹ “Dai sha n-ga, Israela masha ni nye a matu sak jaw ai kaga laksan kumhpa ni mung na a matu rai na rai nga ai. Dai ni hpe nang hte na a shayi shadang sha ni a matu ngu nna prat dingsa ngai jaw ya nga nngai. Na a dinghku kata na san seng ai masha shagu hte mung dai ni hpe sha mai nga ai.

BU HKAWM 18:11 ပူးပေါင်းရင်းမြစ်များ

JAW JAU 10:14

Dai nwat sinda hte manawt magyi hpe chyawm gaw, nang hte na a shayi shadang sha ni yawng san seng ai shara e sha na rai myit dai: dai gaw Israela a kashu kasha ni jaw jau ai mahku hkungga hta na nang hte na a shadang sha ni lu la ging ai hkumhtaw rai nga ai.

JAW JAU 7:14

Dai kumhpa amyu nlang hta na muk tawng langai langai la nhtawm Yehowa a manawt kumhpa di nna, dai gaw mahku hkungga a asai lapri bun ya ai hkinjawng wa la na rai wu ai.

BU HKAWM 18:1

Bai, Yehowa Arun hpe tsun wu ai gaw, “Dai chyoi pra ai nta hte seng ai shut hpyit mara gaw, nang hte na nshu nsha ni, na nwa a amyu dap na ni gun lu na rai myit dai; hkinjawng aya hte seng ai shut hpyit mara gaw, nang hte na nshu nsha ni gun lu na rai myit dai.

BU HKAWM 18:10

Dai hpe chyoi pra htum ai ngu nna sha na rai myit dai; lasha nlang hte sha mai nga ai; dai gaw nanhte a matu chyoi pra nga ai.

BU HKAWM 18:19

Israela kashu kasha ni Yehowa hpe jaw jau ai chyoi pra ai kumhpa ni hta na manawt kumhpa yawng gaw, nang hte na a shayi shadang sha ni hpe htani htana kumhtaw shatai na matu ngai jaw da masade ai: dai gaw nang hte na amyu matu ni hte Yehowa a man e jum hte shangang da ai htani htana ga shaka rai nga ai,” ngu wu ai.

BU HKAWM 18:8

Bai, Yehowa Arun hpe tsun wu ai gaw, “Yu u, Israela kashu kasha ni shachyoi shapra sak ai kumhpa nlang hta na ngai e manawt jaw ai kumhpa gaw nang hpe ap ya sade ai; dai gaw, namman chya hkam ai a matu nang hte na a shadang sha ni hpe htani htana kumhtaw tai na, ngai jaw nga nngai.

TARA JAHPRANG 18:3

Mung masha ni hkungga jaw ai shaloi dumsu hta na rai timung, sagu hta na rai timung, hkinjawng wa a kumhtaw matu jaw na tara gaw ndai rai nga ai: jaw jau ai wa gaw hkinjawng wa hpe lahpa magyi mi, shabyi lahkawng maga hte pu hpam pu kan mung;