BU HKAWM 18:1 - Jinghpaw Hanson Version Bible

¹ Bai, Yehowa Arun hpe tsun wu ai gaw, “Dai chyoi pra ai nta hte seng ai shut hpyit mara gaw, nang hte na nshu nsha ni, na nwa a amyu dap na ni gun lu na rai myit dai; hkinjawng aya hte seng ai shut hpyit mara gaw, nang hte na nshu nsha ni gun lu na rai myit dai.

Jinghpaw Common Language Bible 2009

¹ Dai Madu gaw Arun hpe, “Nye a hpung shingkang shanu nga ai Sum kata hta daw jau amu hte seng ai shut hpyit mara hpe nang hte na a shadang sha ni hte Lewi masha ni hkam sha lu na rai ma ai; rai ti mung hkinjawng aya hte seng ai daw jau amu hte seng ai shut hpyit mara hpe chyawm gaw nang hte na a shadang sha ni chyu sha hkam sha lu na rai myit dai.

BU HKAWM 18:1 ပူးပေါင်းရင်းမြစ်များ

PRU MAT 28:38

Dai gaw Arun a lahtan e bam nga nna, Israela kashu kasha ni a chyoi pra ai alu hte seng ai, shachyoi shapra ai arai mahkra hta yubak mara, Arun gun ya nga na rai nga ai: shanhte gaw Yehowa a hkap la ai hkrum na matu, dai gaw Arun a lahtan hta tutnawng bam nga na rai nga ai.

ESAIA 53:11

Shi myit masin a shakut sharang ai a akyu shi mu lu nna, myit dik na ra ai: nye a dinghpring ai shangun ma gaw, shi chye chyang ai nyan hte, masha law law hpe dinghpring shangun na ra ai rai nna, shanhte a yubak mara hpe shi nan gun hpai na ra ai.

ESAIA 53:6

Anhte yawng sagu zawn lam dam mat saga ai; langai hte langai tinang lam hkan mat ga ai: Yehowa chyawm gaw anhte mahkra a yubak mara hpe, shi a ntsa e mara da nu ai.

EZEKELA 4:4

Dai hta kaga nang gaw, pai maga nhkrem de hkrawn taw nna, Israela amyu a shut hpyit ai hpe de a ntsa e mara da u; shing rai nang hkrawn taw nga ai nhtoi nambat hte maren, nang shanhte a shut hpyit ai hpe gun hpai na ndai.

JAW JAU 10:17

“Htingrai hkungga shan ngu ai gaw, chyoi pra htum ai re ai mi, nan gaw shawa hpung a mara gun ya nna Yehowa a man e shanhte a matu htingrai htingrat ya na she, hkungga shan dai nanhte hpe jaw myit dai rai yang, hpa rai chyoi pra ai shara e n sha myit ta?

JAW JAU 22:16

Israela kashu kasha ni Yehowa hpe jaw jau ai chyoi pra ai arai ni hpe hkum jahpoi kau mu ga: kaning rai nme law shanhte hpe shachyoi shapra nga ai Yehowa ngai rai nga nngai, ngu wu ai.

JAW JAU 22:9

Dai rai nna, ngai hkang da ai ga hpe n jahpoi nna, tinang yubak n hkrum sha ai hte si ai n hkrum mu ga, ngai hkang da ai ga shanhte hkan nang lu na rai mu ai: shanhte hpe shachyoi shapra nga ai Yehowa ngai rai nga nngai.

BU HKAWM 14:34

Dai mung hpe kin-yu yu ai nhtoi mali shi ya re ai hte maren, lani mi hpe laning mi shatai nna, mali shi ning tup, tinang a yubak gun let, nye e kabai kau ai chye lu na manit dai.'

BU HKAWM 16:10

nang hkum hpe mung, na nhpu nnau Lewi masha yawng hte hpe mung, shi hpang de sit wa shangun ai chyeju hpe n gawn n sawn rai nga myit hka i? hkinjawng aya mung naw tam nga myit ni?

BU HKAWM 17:13

Yehowa a sumpan sum de sit sa ai hkum shagu teng teng si ma na ga ai; anhte yawng mayawng wa si htum mat wa na kun?” nga nna tsun ma ai.

BU HKAWM 17:3

Lewi amyu a dawhkrawng hta Arun a amying ka shakap mu: shing rai amyu lakung du langai mi a dawhkrawng langai ngai rai na rai nga ai.

BU HKAWM 17:7

Mawshe gaw dawhkrawng dai ni hpe sakse sum a kata Yehowa man e tawn da wu ai.

BU HKAWM 18:11

Dai hta kaga, ndai gaw na a matu san san rai nga ai: Israela kashu kasha ni sak jaw ai kumhpa ni hta na manawt kumhpa hte nwat kumhpa shagu gaw, nang hte na a shayi shadang sha ni matu, htani htana kumhpa tai na ngai jaw nga nngai: na a nta na san seng ai ni nlang sha mai nga ai.

BU HKAWM 3:6

“Lewi amyu hpe shaga la nna, hkinjawng Arun a amu hpe galaw shangun na matu, shi a man e shanhte hpe woi tawn ya u.

TARA JAHPRANG 10:8

Dai shaloi e Yehowa gaw, shi a ga shaka sumpu hpai na matu mung, shi a man e tsap nna amu gun hpai na matu mung, shi a amying ningsang gang nna shaman ya lu mu ga mung, dai ni du hkra Lewi masha ni hpe san da nu ai.

HEBRE 13:17

Nanhte a lam woi ningshawng ni a ga madat mara nna, shanhte a npu e taw nga mu: kaning rai nme law, shanhte gaw jahpan dan na ni rai ma ai rai nna, nanhte a myit masin a matu mara a maja nga ma ai: jahpan dan ai shaloi e, nanhte a matu akyu n shabyin lu ai yawn madai ai hte n rai, kabu gara ai myit hte dan lu mu ga, shanhte a npu e taw nga mu.

HEBRE 4:15

Kaning rai nme law, anhte a gawng kya ai lam hpe matsan n chye dum ai hkinjawng agyi wa anhte lu ga ai n rai; lam shagu hta anhte zawn gunglau hkrum yu timung, yubak mara n kap ai hkinjawng agyi wa she lu ga ai.

1 PETRU 2:24

Anhte gaw yubak mara hta si mat wa nga ga ai rai nna, dinghpring ai hta e hkrung nga lu u ga, shi gaw, shi hkum hta nan, dai hpun ntsa e, anhte a yubak mara hpe gun kau nu ai: shi a nma a gawp hte e, anhte shamai shatsai ai hkrum ga ai.

TARA AGYI 17:12

Mihka mung dai Lewi masha hpe aya dang tawn wu ai rai nna, dai shabrang wa gaw shi hkinjawng tai let Mihka nta e nga nga ai.