BU HKAWM 17:7 - Jinghpaw Hanson Version Bible

⁷ Mawshe gaw dawhkrawng dai ni hpe sakse sum a kata Yehowa man e tawn da wu ai.

Jinghpaw Common Language Bible 2009

⁷ Dai hpang Mawshe gaw Sum kata na dai Madu a Ga Shaka Sumpu a man e dai dawhkrawng ni yawng tawn da wu ai.

BU HKAWM 17:7 ပူးပေါင်းရင်းမြစ်များ

PRU MAT 38:21

Ndai hte gaw, Mawshe hkang da ai hku hkan nna, dai sakse sumpan sum hte Lewi masha ni daw jau na amu a matu, hkinjawng Arun a kasha Ihtama hti tawn ai hte maren, sumpan sum hte seng ai arai ni a jahpan rai nga ai.

BU HKAWM 1:50

Lewi masha ni hpe dai sakse sum, de a arai ni hte dai hte seng maseng yawng a ntsa e san tawn da mu: shanhte gaw dai sum hte sum rai yawng hpai na rai ma ai: dai hta jaw jau ai amu shanhte gun hpai nna, dai sum a grup yin e but na rai ma ai.

BU HKAWM 1:53

Israela kashu kasha ni a shawa hpung a ntsa e pawt ai myit n du malit ga, Lewi masha ni gaw dai sakse sum a makau grup e but nna, shanhte gaw dai sakse sum hte seng ai amu gun hpai na rai mu ai, ngu wu ai,”

BU HKAWM 14:10

Shawa hpung ting chyawm gaw shan hpe nlung hte kabai sat na maw ma ai. Shaloi jang Yehowa a hpung shingkang gaw, Israela kashu kasha ni yawng a man e dai shawa sum hta dan hkung nga ai.

BU HKAWM 17:4

Dai dawhkrawng ni hpe ngai nanhte hte jahkrum ai shara, dai shawa sum kata na sakse a man e nang tawn da na rai ndai.

BU HKAWM 17:6

Mawshe mung Israela kashu kasha ni hpe tsun dat mu ai rai nna, du agyi ni yawng gaw, kaji kawa lakung hkan nna, du langai mi a dawhkrawng langai ngai la nhtawm dawhkrawng shi lahkawng sa ya mu ai. Arun a dawhkrawng mung shanhte a dawhkrawng ni hte rau rai nga ai.

BU HKAWM 18:2

Na nji nwa, Lewi amyu dap na, nhpu nnau ni, nang hte shingtau nna nang hpe karum na matu, shanhte hpe sit sa shangun mu: rai timung sakse sum a man e gaw, nang hte na a shadang sha ni chyu sha jaw jau lu na rai myit dai:

BU HKAWM 9:15

Ya dai sumpan sum sharawt ai shani e dai sumwi gaw sumpan sum ntsa e jung nna sakse sum hpe ka-up nga ai: dai sumwi gaw shana de nna jahpawt du hkra dai sumpan sum ntsa e wan zawn htoi nga ai.

KASA 7:44

Nang mu ai kasi hte maren hkan galaw u, nga nna Mawshe hpe hkang dat ai hku galaw ai sakse sum hpe, dai nam mali e anhte a ji wa ni lu la ma ai rai nna;