BU HKAWM 17:5 - Jinghpaw Hanson Version Bible

⁵ Shaloi ngai lata la ai wa a dawhkrawng gaw apu pu na ra ai: ning rai jang she, Israela Kashu Kasha ni nang hpe aput apai nga ai ga, ngai na pu shara n nga na sai,” ngu wu ai.

Jinghpaw Common Language Bible 2009

⁵ Dai hpang ngai lata la ai wa a dawhkrawng gaw maku ku na ra ai. Dai lam hku nna nang hpe ninghkap ai ndai Israela masha ni a n htum n mat hkraw ai aput angun ga hpe ngai shangap kau lu na rai nngai,” ngu nna tsun wu ai.

BU HKAWM 17:5 ပူးပေါင်းရင်းမြစ်များ

2 HKAWHKAM LABAU 26:16

Ya shi gaw hpung shingkang lu la jang, shi a akyu hten hkra myit kaba wa nna shi a Karai Kasang Yehowa hpe shut kau wu ai: kaning rai nme law, manam pyaw ai baw nat nawng ai hkungri ntsa e, manam pyaw ai baw nat nawng na matu, Yehowa a nawku htingnu kata de shi shang wa ai.

EZRA 2:62

Shanhte gaw tinang a ahtik labau jahpan laika tam timung, n mu ma ai; dai re ai majaw shanhte hpe n san n seng ngu mu ai rai nna, hkinjawng amu n galaw lu ma ai.

SHAKAWN KUNGDAWN 105:26

Shi a mayam Mawshe hte, Shi lata la ai Arun hpe, shi shangun dat mu ai.

PRU MAT 16:7

hpawt de mung Yehowa a hpung shingkang nanhte mu na marin dai: Yehowa hpe nanhte a put ai ga gaw shi na nu ai: an hpe aput na gaw an hpa hkaw ai yan rai ga ta?” ngu nna Israela kashu kasha ni hpe tsun mu ai.

ESAIA 11:1

Rai timung, Yese amyu a ndu hta nnaw rawt nna, shi a aru ni hta na makrung gaw, asi si na ra ai.

ESAIA 13:11

Ngai gaw mungkan ga a yubak hpe mung, tara n lang ai ni a shut hpyit ai hpe mung, sagawn yu nna, gumrawng ai ni a gumrawng gumtawng ai hpe shasim kau ai hte, n hkru ai ni a myit kaba ai hpe shagrit kau na we ai.

ESAIA 27:6

Yaku gaw htawm hpang prat e aru jung na ra ai; Israela gaw tsit lali nna pu majawm na ra ai: shan gaw mungkan ga hpe nsi naisi hte jahpring na mara ai.

ESAIA 5:24

Dai rai nna shanhte gaw Zaw nawng zaw wa up ai Yehowa a tara hpe gang kau nna, Israela a Chyoi pra ai Wa a mungga hpe n kaw n law di kau ma ai majaw, wan shinglet gaw yi hku hpe hkru kau ai hte, tsingdu chyahkraw gaw wan mang hta hkat mat wa ai zawn, shanhte a ru ni tsam mat wa nna, shanhte a pu ni, ga nhpu zawn kamawng mat na ra ai.

EZEKELA 16:41

Shanhte gaw na a nta ni hpe nat kau nna, numsha law law a man e nang hpe ari jaw na mara ai; nang htawm hpang e shawa num n tai lu hkra, ngai galaw na nngai: htawm hpang de kumhpa hte masha hpe lau lu na n rai.

EZEKELA 23:27

Shing rai, htawm hpang de nang n mada yu ai hte, Egutu mung hpe pyi n dum lu hkra, na a n se n sa ai myit hte, Egutu mung na nang la wa ai shawa num hking hpe, ngai jahtum kau na nngai.

HOSEA 14:5

Ngai gaw Israela ntsa e mari zawn tai na nngai: shi gaw hkalaw pan zawn pu nna Lebanon zawn ru jung na ra ai.

BU HKAWM 1:51

Sum htawt na rai jang, Lewi masha ni gun run na rai mu ai; but na rai jang mung, Lewi masha ni sharawt shachyaw na rai mu ai: amyu kaga masha dai de sa htep yang sat kau ai hkrum lu na rai wu ai.

BU HKAWM 11:1

Ya dai amyu masha ni gaw aput apai nga nna, Yehowa a na hta n shawp ai ga tsun ma ai: Yehowa dai na jang masin pawt bu nna, Yehowa a wan shanhte hta grung wa ai hte dap shingnawm e hkru mat wa ai.

BU HKAWM 16:11

Dai rai nna, nang hte nang hpang maga na ni yawng, Yehowa hpe gumlau nga myit hka; Arun hpe shara na gaw shi hpa wa rai nga a ta?” ngu wu ai.

BU HKAWM 16:5

Kora hte shi hpang maga na ni hpe mung, “Kadai wa Yehowa a masha re ai mung, kadai wa chyoi pra nga ai mung, kadai wa hpe shi hpang de shani la na mung, hpawt de Yehowa madun na ra ai: shi lata la ai wa hpe shi hpang de shani la na ru ai:

BU HKAWM 17:10

Shaloi Yehowa Mawshe hpe, “Aput apai nga nna nye a na shapu ai ga sim mat nna shanhte si ai n hkrum mu ga, gumlau ai masha ni a matu sakse kumla shatai na Arun a dawhkrawng dai hpe sakse a man e bai tawn da u,” ngu wu ai.

BU HKAWM 17:6

Mawshe mung Israela kashu kasha ni hpe tsun dat mu ai rai nna, du agyi ni yawng gaw, kaji kawa lakung hkan nna, du langai mi a dawhkrawng langai ngai la nhtawm dawhkrawng shi lahkawng sa ya mu ai. Arun a dawhkrawng mung shanhte a dawhkrawng ni hte rau rai nga ai.

BU HKAWM 17:8

Hpang jahpawt e dai sakse sum kata de Mawshe shang yu yang, yu u, Lewi nta ngu na Arun a dawhkrawng gaw alap lap ai hte pu majawm nna, pu lagra ai hte myin ai batan si si nga ai.

1 KORINHTU 10:10

Shanhte nkau mi put ngun nna, jahten ai wa a lata e hten byak hkrum ma ai zawn, nanhte gaw put ngun hkum rai myit.

YAWSHU 4:7

dai rai nna, nlung dai ni gaw, Israela kashu kasha ni matu prat dingsa dum nga na masat dingsat tai na ra ai,” ngu mu ai.