BU HKAWM 16:9 - Jinghpaw Hanson Version Bible

⁹ Nanhte gaw Yehowa a sumpan sum a amu gun hpai lu nna, shawa hpung a man e tsap let shanhte a malai jaw jau ya lu hkra, Israela Karai Kasang gaw nanhte hpe shi hpang de shani la na nga, Israela shawa hpung hta na nanhte hpe jahka la nhtawm;

Jinghpaw Common Language Bible 2009

⁹ Nanhte gaw dai Madu a Sum hta daw jau amu gun hpai lu nna shawa hpung a man e hkringmang tai let shanhte hpe daw jau na nga nanhte shi hpang de shani sa wa lu hkra Israela a Karai Kasang gaw shawa hpung hta na nanhte hpe jahka la ai amu gaw kaji kajaw amu zawn nanhte nawn da myit ni?

BU HKAWM 16:9 ပူးပေါင်းရင်းမြစ်များ

NINGPAWT NINGHPANG 30:15

Dai rai nna Lea gaw Nye madu wa la kau ya da nhtawm, hpa n re ai zawn nawn wu ni? ya ngai sha a dudim si mung nang naw la mayu n hka i? Ngu wu ai. Rahkela gaw, Dai rai taw, ning sha a dudim si matu, dai na nang kaw shi yup u ga, ngu wu ai.

2 SAMUELA 7:19

Dai hta n-ga Madu Yehowa e, dai chyeju hpe naw n ram ai zawn, nawn wu ai majaw, na mayam a amyu matu ni a mara, ju majat prat janat, shinggyim masha a tsun ai hku hta, nang Yehowa Madu e, tsun ya ni hka!

2 HKAWHKAM LABAU 35:3

Israela amyu masha ni hpe sharin achyin ya ai hte, Yehowa matu chyoi pra nga ai Lewi masha ni hpe shaga nna, “Israela hkawhkam Dawi a kasha Shawlumon galaw da ai nta ka ta de Chyoi pra ai Sumpu hpe tawn da mu: ya kaw nna nanhte a lahpa hta lit mara sa na n rai: nanhte a Karai Kasang Yehowa hte, shi a amyu Israela hpe daw jau nga mu.

NEHEMIA 12:44

Shaloi hkinjawng ni hte Lewi masha ni gaw, daw jau ai amu hpe gun hpai nga ma ai majaw, Yuda masha ni kabu gara nga ma ai rai nna, hkinjawng ni hte Lewi masha ni mare ni kaw na hkam la ang ai, shawng ngai ai nsi naisi hte nwat hkungga ni hte htamshi hta htammi lahkawn la nna mahkawng da ai sutdek hpe up na matu, shanhte gaw dai ni jang up ai masha ni hpe san da mu ai.

ESAIA 7:13

Shaloi shi gaw, “Dawi a dap ni e, madat mu: nanhte gaw masha hpe n kaw n law di na, hpa n nawn ai hta n-ga, nye a Karai Kasang hpe mung, n kaw n law di na myit ni?

EZEKELA 34:18

Nanhte gaw kaja ai udat shara hta ushat sha ai hta n-ga, naw ngam nga ai tsingdu hpe nanhte a lagaw hte kabye kau nna, san ai ntsin hpe lu lu ai hta n-ga, naw ngam nga ai hka hpe kabye hkanu kau na gaw, nanhte a matu amu kaji zawn nawn nga myit ni?

EZEKELA 44:16

“shanhte gaw nye a chyoi pra ai shara de shang lu nna, nye a amu gun hpai na matu, nye ku makau de sit sa nna, daw jau na mara ai.

BU HKAWM 1:53

Israela kashu kasha ni a shawa hpung a ntsa e pawt ai myit n du malit ga, Lewi masha ni gaw dai sakse sum a makau grup e but nna, shanhte gaw dai sakse sum hte seng ai amu gun hpai na rai mu ai, ngu wu ai,”

BU HKAWM 16:13

ndai nam mali hta nang anhte hpe sat kau lu hkra, nga chyu hte lagat jahku lwi ai mung nna nang anhte hpe shapraw kau ai wa pyi n ram dum ai; ya mung anhte a ntsa e du agyi naw tai mayu n hka i?

BU HKAWM 16:8

Bai Mawshe gaw Kora hpe, “Lewi a kashu kasha ni e, madat mu:

BU HKAWM 3:6

“Lewi amyu hpe shaga la nna, hkinjawng Arun a amu hpe galaw shangun na matu, shi a man e shanhte hpe woi tawn ya u.

BU HKAWM 3:9

Lewi masha ni hpe Arun hte shi a shadang sha ni a lata hta ap da na rai ndai: shing rai, Israela kashu kasha ni hta na shanhte hpe lata la nna, shi hpe madu shangun na rai ndai.

KASA 13:2

Ya shanhte Madu hpe nawku let lusha gam nga yang, Chyoi pra ai Wenyi gaw, “Barnaba yan Shawlu hpe, ngai shaga da ai amu gun hpai na matu, san da mu,” nga ai.

1 KORINHTU 4:3

Nanhte hte, masha e da ai nhtoi hta e, ngai hkum jeyang ai hkrum dam timung, dai gaw nye a matu amu kaji naw rai nga ai: nye a hkum hpe pyi ngai jeyang nngai n rai.

TARA JAHPRANG 10:8

Dai shaloi e Yehowa gaw, shi a ga shaka sumpu hpai na matu mung, shi a man e tsap nna amu gun hpai na matu mung, shi a amying ningsang gang nna shaman ya lu mu ga mung, dai ni du hkra Lewi masha ni hpe san da nu ai.

1 SAMUELA 18:23

Shawlu a ali ama ni mung, Dawi hpe shing ngu tsun mu ai. Dawi chyawm gaw, “Ngai zawn re ai, arawng n lu ai matsan masha wa mi, hkawhkam a kahkri tai lu na gaw, amai sha rai nga a ni?” ngu nna htan mu ai.