BU HKAWM 16:48 - Jinghpaw Hanson Version Bible

⁴⁸ Shing rai hkrung ai ni hte si ai ni a lapran e shi tsap nga nna, ana zinli sim mat wa ai.

Jinghpaw Common Language Bible 2009

⁴⁸ Dai gaw ana zinli hpe shazim kau nhtawm shi mung hkrung nga ai ni hte si ai ni a lapran e tsap nga wu ai.

BU HKAWM 16:48 ပူးပေါင်းရင်းမြစ်များ

2 SAMUELA 24:25

Dawi mung dai yang e Yehowa a matu tawn hkungri galaw nna, wan nat hkungga hte mahku hkungga nawng jau wu ai. Yehowa gaw, Israela mung ting a matu hpyi nem ai ga madat mara ya nna, ana zinli hpe jasim kau ya wu ai.

SHAKAWN KUNGDAWN 106:30

Dai shaloi Hpinaha rawt dawdan nna, Dai ana zinli hkoi mat wa ai.

BU HKAWM 16:18

Shing rai shanhte langai hte langai tinang a wan ban la nna, wan hte lawban mara nhtawm, Mawshe yan Arun hte rau shawa sum chyinghka e tsap nga ma ai.

BU HKAWM 16:35

Lawban nat nawng ai masha ni tsa e manga shi hpe mung, Yehowa kaw na wan pru nna hkru kau mu ai.

BU HKAWM 16:47

Mawshe a ga hte maren Arun mung dai la nna, shawa hpung de gat wu ai; yu u, masha ni hta ana zinli du rau sai rai nna, lawban mara lang let masha ni a matu shi htingrai htingrat ya wu ai.

BU HKAWM 16:49

Shing rai Kora a lam majaw si ai ni hta kaga, dai ana zinli hte si ai ni yawng, mun mi hkying mali e sanit tsa rai ma ai.

YAWHAN 5:14

Dai hpang Yesu gaw nawku Htingnu e dai wa hpe mu hkrup nna, “Yu u, nang ya hkam kaja nit dai: shawng na hta grau ai tsin-yam n hkrum n ga, yubak hkum bai galaw et,” ngu nna shi hpe tsun wu ai.

1 HTESALONI 1:10

sumsing lamu de na shi a Kasha hpe ala nga ai lam, tsun hkat nga ma ai: dai Kasha gaw si mat ai ni kaw na sharawt la nna, du na ra ai pawt sindawng ai hta na anhte hpe mawai la sai Yesu nan rai nga ai.

YAKU 5:16

Nanhte shamai shatsai hkrum myit ga, nanhte a yubak mara hpe shada da shapraw dan nna, shada da a matu mara akyu hpyi nga mu.