BU HKAWM 16:46 - Jinghpaw Hanson Version Bible

⁴⁶ Bai Mawshe gaw Arun hpe, “Na a wan ban la nna tawn hkungri na wan hta bang nhtawm, lawban mara lang let, shawa hpung de alawan gat nna shanhte a matu htingrai htingrat su: Yehowa a pawt ai sindawng pru ra ai; ana zinli mung du rau ra ai,” ngu nna shangun dat wu ai.

Jinghpaw Common Language Bible 2009

⁴⁶ Mawshe gaw Arun hpe, “Na a wan ban la nna tawn hkungri na grung nga ai wan n-ga dai hta la bang nhtawm, dai wan n-ga ntsa e manam pyaw ai baw loi mi mara tawn na rai ndai. Dai hpang amyu masha ni hpang de tin tin kagat sa nhtawm shanhte a matu jasan jaseng ai amu galaw ya na rai ndai. Tin tin rawt sa wa su! Dai Madu a pawt sindawng ai gaw pru wa nu ai; ana zinli mung du rau ra ai,” ngu nna tsun wu ai.

BU HKAWM 16:46 ပူးပေါင်းရင်းမြစ်များ

1 HKAWHKAM LABAU 27:24

Zeruia kasha Yoab gaw dai jahpan la hpang timung, n shangut lu wu ai: dai lam majaw Israela ntsa e tsin-yam tsindam du pru ai; hti lu ai nambat hpe mung, hkawhkam Dawi a labau laika hta n ka shalawn wu ai.

SHAKAWN KUNGDAWN 106:29

Shanhte a amu majaw masin pawt pru nna, Shanhte hpe ana zinli e zingri mu ai.

SHAKAWN KUNGDAWN 141:2

Ngai akyu hpyi ai ga, na a man e, manam pyaw ai baw zawn, Ngai lata ladawn ai gaw, shana na hkungga zawn, rai nga u ga.

JAW JAU 10:6

Bai Mawshe gaw Arun hte shi a shadang sha Eleaza yan Ihtama hpe, Nanhte n si wa myit ga hte dai shawa hpung ting a ntsa e Yehowa a pawt ai sindawng n du u ga, nanhte a baw kara hkum hpyan kau myit, palawng mung hkum gang je myit; nanhte a kahpu kanau Israela kashu kasha ni nlang hte gaw Yehowa e dat ai wan hkru lam a majaw hkrap ngu hkrap ngoi rai nga mu ga.

JAW JAU 9:24

Yehowa kaw na wan pru nna tawn hkungri na wan nat hkungga hte sau man ni hpe hkru kau wu ai: shing rai byin wa ai hpe amyu masha ni mu jang, shanhte jahtau garu nna dingnyawm dagup nga ma ai.

HABAKU 3:5

Ana zinli gaw shi a shawng e sa wa nna, Grung ai wan n-ga shi a lagaw na pru wa ai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

BU HKAWM 1:53

Israela kashu kasha ni a shawa hpung a ntsa e pawt ai myit n du malit ga, Lewi masha ni gaw dai sakse sum a makau grup e but nna, shanhte gaw dai sakse sum hte seng ai amu gun hpai na rai mu ai, ngu wu ai,”

BU HKAWM 11:33

Rai timung u preng shan dai garai n mayu yang, dai amyu masha ni hpe Yehowa pawt bu nna nachying yak ai zinli hte ari jaw mu ai.

BU HKAWM 18:5

Htawm hpang de pawt bu ai Israela kashu kasha ni a ntsa e n pru hkra, dai chyoi pra ai nta hte tawn hkungri hpe, nanhte sin lu na rai myit dai.

BU HKAWM 25:13

shi a Karai Kasang hpang maga shi myit kaba ai hte, Israela kashu kasha ni a matu htingrai htingrat nu ai majaw, shi hte shi a shu mashi shu masha ni gaw, dai ga shaka ngu ai, htani htana hkinjawng aya hte seng ai ga shaka lu la na manu ai,” ngu wu ai.

BU HKAWM 25:8

dai Israela masha hpe shi a sum nhku de hkan nna, dai Israela la wa hpe hkrang nna num jan a kan baw hkra galun htinggrang kau wu ai. Shing di ai a majaw Israela kashu kasha ni hta na dai ana zinli sim mat ai.

BU HKAWM 8:19

Shing rai Israela kashu kasha ni dai chyoi pra ai nta de sit sa yang shanhte yubak ari n hkrum hkra, dai shawa sum hta Israela kashu kasha ni a matu jaw jau na amu gun hpai nna, shanhte a matu htingrai htingrat ya mu ga, ngu nna Israela kashu kasha ni hta na Lewi masha ni hpe Arun hte shi a shadang sha ni e kumhpa hku ngai jaw da we ai,” ngu wu ai.

TARA JAHPRANG 9:22

Dai hta kaga, Tabera, Masa hte Kibrot-hatawa shara hkan e mung nanhte Yehowa hpe shapawt manit dai.