BU HKAWM 16:40 - Jinghpaw Hanson Version Bible

⁴⁰ dai rai nna, Arun lakung n re ai, amyu lakung gale ni Yehowa man e lawban nat nawng ai hte, Kora hte shi hpang maga na ni zawn n rai mu ga nga, Yehowa Mawshe a n-gup hta tsun da ai hte maren, dai gaw Israela kashu kasha ni hta shadum jahprang nga na kumla rai nga ai.

Jinghpaw Common Language Bible 2009

⁴⁰ Dai Madu hpe manam pyaw ai baw nat nawng na nga, Arun a amyu matu n re ai Israela masha langai mi mung tawn hkungri nga ai de n sit sa lu na matu sadi jaw ai lam rai nga ai. Shing n rai yang, dai wa gaw Kora hte shi a masha ni hpe zawn shamyit kau ai hkrum na rai wu ai. Ndai lam yawng gaw Mawshe hku nna Eleaza galaw na matu dai Madu hkang da ai lam rai nga ai.

BU HKAWM 16:40 ပူးပေါင်းရင်းမြစ်များ

EZRA 2:62

Shanhte gaw tinang a ahtik labau jahpan laika tam timung, n mu ma ai; dai re ai majaw shanhte hpe n san n seng ngu mu ai rai nna, hkinjawng amu n galaw lu ma ai.

SHAKAWN KUNGDAWN 115:10

Arun a dap e, Yehowa hpe shamyet shanat nga u: Shi gaw shanhte a karum ai wa hte n-gang rai nga ai.

EZEKELA 40:46

dingdung de man yawng ai gawk gaw, tawn hkungri e daw jau ai hkinjawng ni a matu, rai nga ai: dai ni gaw, Yehowa hpe daw jau na matu, Lewi amyu masha ni hta na lata la ai, Zadok a kashu kasha ni rai nga ma ai,” nga nna ngai hpe tsun ai.

EZEKELA 43:19

Ngai hpe daw jau na matu, ngai hte htep rai nga ai Lewi amyu, Zadok kashu kasha hkinjawng ni hpe, mara raw hkungga matu usu uram langai mi ap ya u:

JAW JAU 22:10

Masha tsasam kadai rai timung chyoi pra ai arai ni sha lu na n rai: hkinjawng wa kaw shingbyi nga ai manam hte nchyang wa mung sha lu na n rai.

BU HKAWM 1:51

Sum htawt na rai jang, Lewi masha ni gun run na rai mu ai; but na rai jang mung, Lewi masha ni sharawt shachyaw na rai mu ai: amyu kaga masha dai de sa htep yang sat kau ai hkrum lu na rai wu ai.

BU HKAWM 16:39

Shaloi hkinjawng Eleaza gaw wan hkru si ai ni nawng ai magri wan ban ni hpe la nna, tawn hkungri magap dup mu ai:

BU HKAWM 3:10

Arun hte shi a shadang sha ni hpe nang aya dang tawn nna, shanhte gaw tinang a hkinjawng amu sin nga na rai ma ai: dai de htep sa ai amyu kaga masha gaw sat kau ai hkrum lu na wu ai,” ngu wu ai.

BU HKAWM 3:38

Mawshe yan Arun hte Arun a shadang sha ni chyawm gaw, Israela kashu kasha ni a matu dai chyoi pra ai nta hpe sin let shawa sum a sumpan nta a sinpraw man e but de ai ni rai nga ma ai: amyu kaga masha dai de sa htep yang, sat kau ai hkrum lu na rai wu ai.

HEBRE 5:4

Dai hta kaga, kadai wa mung dai aya a arawng hpe tinang dai dang la lu ai n rai; Arun hpe zawn Karai Kasang shaga yang she, dang ya lu ai:

YAWSHU 4:7

dai rai nna, nlung dai ni gaw, Israela kashu kasha ni matu prat dingsa dum nga na masat dingsat tai na ra ai,” ngu mu ai.

YUDA 1:11

Shanhte gaw dingnye lu mu ga! kaning rai nme law, Ka-in a lam hta e shanhte hkan hkawm ma ai rai nna, shabrai lu la na matu Balam a lam dam mat ai hta gumbawm ma ai hte, Kora a gumlau gumle ai amu hta e hten bya mat ma ai.