BU HKAWM 16:30 - Jinghpaw Hanson Version Bible

³⁰ Dai n rai, lam ningnan Yehowa hpan shapraw nna, lamu ga gaw tinang a n-gup hpaw mahka ai hte, ndai ni hte shanhte hte seng maseng hpe mayu kau nna, shanhte katsan ga de chyahkrung yu wa ma yang chyawm gaw, ndai masha ni Yehowa hpe n gawn n sawn di ai, nanhte chye lu na marin dai,” ngu wu ai.

Jinghpaw Common Language Bible 2009

³⁰ Rai ti mung lamu ga hpaw malang wa nna shanhte hte shanhte madu da ai arai yawng mayawng hte hpe mayu kau nhtawm Katsan ga de jahkrung yu mat wa mu ai rai yang gaw, dai masha ni mahtang dai Madu hpe n gawn n sawn di mu ai majaw rai nga ai hpe nanhte chye lu na rai myit dai,” ngu nna tsun wu ai.

BU HKAWM 16:30 ပူးပေါင်းရင်းမြစ်များ

YOBA 31:2

Kaning rai nme law, matsaw ntsang na Karai Wa gaw hpa gam jaw na rai ta? Ntsa de na n-gun chyalai rawng ai wa gaw, hpa sali wunli karan na rai ta?

YOBA 31:3

N hkru n hkra ai ni hpe, zingri zingrat jahkrum na hte, n shawp ai amu galaw ai ni hpe, ana zinli gam jaw na n rai ni?

SHAKAWN KUNGDAWN 124:3

Shanhte gaw anhte hpe masin pawt nna, Naw hkrung nga yang pyi, mayu kau na mi ai.

SHAKAWN KUNGDAWN 55:15

Shanhte hten byak mat ai hkrum mu ga; Shanhte a shara e mung, kraw kata e mung, N hkru ai hkrai rai nga malu ai majaw, Katsan ga de jahkrung yu hkrat wa mu ga.

ESAIA 28:21

Yehowa gaw shi a amu ngu ai, mauhpa amu, shi a bungli ngu ai, lak lai ai amu shangut lu hkra, Perazim bum e rawt ai zawn shi rawt nna, Gibeon kadit e pawt bu ai zawn, pawt bu na ra ai.

ESAIA 43:19

Yu mu, amu ningnan ngai galaw na nngai; ya pyi byin pru na ra ai; dai hpe nanhte n chye myit ni? Gaja wa, nam mali hkan e nmaw lam, hkraw hkun ai shara e hka nu hka shi, ngai shapraw na we ai.

ESAIA 45:12

Ngai gaw ginding aga hpe galaw da nna, de a ntsa e shinggyim masha hpe hpan da se ai: nye a lata nan sumsing lamu hpe hpyan da nna, de a Zaw nawng zaw wa up ai ni yawng hpe, ngai hkang da ni ai.

ESAIA 45:7

Ngai nan nhtoi hpe jahtoi nna, nsin hpe hpan da we ai; ngai nan ngwipyaw lam shatai nna, gumle gumlau lam shabyin nngai: ndai lam yawng mayawng hpe shabyin ai Yehowa gaw, ngai nan rai nga nngai.

YEREMIA 31:22

Htak mat ai shayi sha e, gaten du hkra kahkrang hkawm nga na n ta? Yehowa gaw ga ntsa e htung nnan tawn da nna, numsha gaw la wa hpe makawp lu na ra ai.

EZEKELA 31:14

shing rai, hka e tu ai hpa hpun mung, tinang tsaw kaba ai majaw, n gumrawng na ra ai; tinang a ndung ni hpe sumwi de n shadep nna, hka majaw kaba wa ai daru magam wa kadai mung, tinang myit kaba ai hta tsap nga na n rai: kaning rai nme law, nlang hte gaw nsung hku de shang wa ai shinggyim kasha ni hte hpawn, lamu ga lawu tsang e, si hkrung si htan du hpang de yu wa na matu, ap kau ai hkrum masai.”

BU HKAWM 16:31

Ga dai htum jang shanhte kabye nga ai ga gaw ga wa nna,

BU HKAWM 16:33

Shing rai shanhte hkum dai hte shanhte hte seng maseng nawng katsan ga de chyahkrung yu hkrat wa ma ai: lamu ga mung shanhte a ntsa e bai chyip mat nna, shanhte gaw shawa hpung na jahtum kau ai hkrum ma ai.