BU HKAWM 16:22 - Jinghpaw Hanson Version Bible

²² Shan chyawm gaw dingnyawm dagup let, “Karai Wa e, hkrung mahkrung a asak sumri shum ai Karai Kasang e, masha langai mi shut ai a majaw sha shawa hpung ting hpe masin pawt nga wu ni?” ngu nna hpyi nem mu ai.

Jinghpaw Common Language Bible 2009

²² Rai ti mung Mawshe yan Arun gaw ga de dingnyawm dagup let, “O Karai Kasang e, nang gaw asak yawng a hka hpawk rai nga ndai; marai langai shut ai a majaw shawa hpung ting hpe masin pawt nga n ni?,” ngu nna tsun ma ai.

BU HKAWM 16:22 ပူးပေါင်းရင်းမြစ်များ

NINGPAWT NINGHPANG 18:32

Bai Abraham gaw, “Nye a Madu masin hkum pawt et; ndai lang mi sha ngai naw tsun n-ga: dai mare hta marai shi mu hkrup na wu ai nhten,” ngu wu yang, shi gaw, “Dai marai shi a majaw dai shara hpe ngai n jahten na nngai,” ngu wu ai.

2 SAMUELA 24:1

Bai Yehowa gaw Israela amyu hpe pawt bu nna, shanhte hpe shut shangun na matu, Dawi hpe, Israela hte Yuda masha ni hpe hti yu na lam shadut wu ai.

2 SAMUELA 24:17

Ya Dawi, mung masha ni hpe ari jaw ai lamu kasa hpe mu jang, Ngai shut ni ai; ngai n shawp ai hku galaw kau se ai: ndai sagu ni chyawm gaw hpa lam shut nga ma ta? Na lata gaw ngai hte nye amyu hta sha jahkrat mi law, ngu nna Yehowa hpe hpyi nem wu ai.

YOBA 12:10

Shi a lata hta hkrung mahkrung rawng nga nna, nsoi nsa rawng ai shinggyim masha hpe shi jahkrung da nga ai.

SHAKAWN KUNGDAWN 99:6

Shi a hkinjawng ni hta lawm ai Mawshe yan Arun, Shi a amying hpe shaga ai ni hta lawm ai Samuela gaw, Yehowa hpe shaga ma ai rai nna, shi shanhte hpe htan ya mu ai.

HPAJI NINGLI 12:7

ga nhpu gaw ga de garai n htang wa ai hte, wenyi gaw, wenyi jaw ya ai Karai Kasang hpang de garai n wa wa gaw, Hpan Wa Ningsang hpe dum nga u law.

ESAIA 57:16

Ngai gaw tutnawng dangrang hkat na n rai, tutnawng pawt sindawng na n rai; shing n rai yang, wenyi gaw nye a man e mat mat nna, ngai hpan da ai myit masin gaw, hten mat hkrum na ra ai.

YEREMIA 38:16

Dai re ai majaw hkawhkam Zedekia gaw, Anhte hpe nsoi nsa ban da ai Yehowa hkrung nga ai hte maren, ngai nang hpe sat kau na n rai, na a asak hpe tam ai ni a lata hta mung, nang hpe ap kau na n rai, ngu nna Yeremia hpe mayun e dagam da wu ai.

EZEKELA 18:4

Yu mu, myit masin yawng hpe ngai madu nga nngai; kaji kawa a myit masin hpe ngai madu ai zawn, kashu kasha a myit masin hpe mung madu na nngai: yubak galaw ai myit masin gaw, si na ra ai.

JAW JAU 10:6

Bai Mawshe gaw Arun hte shi a shadang sha Eleaza yan Ihtama hpe, Nanhte n si wa myit ga hte dai shawa hpung ting a ntsa e Yehowa a pawt ai sindawng n du u ga, nanhte a baw kara hkum hpyan kau myit, palawng mung hkum gang je myit; nanhte a kahpu kanau Israela kashu kasha ni nlang hte gaw Yehowa e dat ai wan hkru lam a majaw hkrap ngu hkrap ngoi rai nga mu ga.

JAW JAU 4:3

Namman chya hkam sai hkinjawng wa nan, shawa masha ni hta mara kap hkra, shut hpyit tawt lai kau ai rai yang, shi shut hpyit ai lam a matu htingrai hkungga di na, Yehowa kaw ra n rawng ai usu uram sa jaw na rai wu ai.

ZEHKARIA 12:1

Israela amyu hpe sha-ang ai, Yehowa a shingran mungga, da ndai rai nga ai: Sumsing lamu hpe kahpyan nna, ginding aga a npawt nhpang gaw da ai hte, masha a kraw kata e, wenyi hpan da ai Yehowa gaw, ning nga ai:

BU HKAWM 14:5

Dai rai nna Mawshe yan Arun gaw Israela kashu kasha ni a shawa hpung nlang a man e dingnyawm dagup nna nga ma ai.

BU HKAWM 16:23

Shing rai Yehowa Mawshe hpe tsun wu ai gaw,

BU HKAWM 16:4

Mawshe gaw dai na jang dingnyawm dagup nga ai:

BU HKAWM 16:45

“Ndai shawa hpung hpe ya jang ngai sat kau we ga, shanhte kaw na yen mu,” ngu wu ai: shan gaw dingnyawm dagup nga ma ai.

BU HKAWM 27:16

“Yehowa a shawa hpung gaw madu n nga ai sagu zawn n rai mu ga, hkrung mahkrung a asak wenyi sumri shum ai Karai Kasang Yehowa gaw,

ROMA 5:18

Dai rai nna, tawt lai ai langai mi a majaw, masha nlang hte gaw dawdan ai hkrum ma ai hte maren, dinghpring ai amu langai mi a majaw, masha nlang hte gaw dinghpring lu na asak sumdam lu la manu ai.

1 KORINHTU 13:7

yawng mayawng hpe hkam mana nga ai, yawng mayawng hpe kamsham nga ai, yawng mayawng hpe myit mada nga ai hte yawng mayawng hpe shakut sharang nga ai.

HEBRE 12:9

Bai lam mi gaw, anhte hpe daru sharin ya na matu, hkum shan hte seng ai kanu kawa anhte lu ga ai rai nna, anhte shanhte hpe hkungga lara di ga ai: dai hta grau nna, asak hkrung nga lu hkra, wenyi ni a Kawa npu e anhte mai taw nga ga ai, n rai ni?

YAWSHU 22:18

nanhte dai ni Yehowa hpe gumlau ai majaw, hpawt ni Israela shawa hpung ting hta shi a pawt ai sindawng du na ra ai.