BU HKAWM 16:15 - Jinghpaw Hanson Version Bible

¹⁵ Shaloi Mawshe masin grai pawt nna Yehowa hpe, “Ndai masha ni jau ai kumhpa hkum hkap la ya et; shanhte a lawze langai mi muk ngai n la ya nngai; shanhte hta na langai mi hpe muk ngai n zingri yu nngai,” ngu nna tsun wu ai.

Jinghpaw Common Language Bible 2009

¹⁵ Mawshe gaw masin pawt ai hte dai Madu hpe, “Ndai masha ni la sa ai hkungga hpa hpe mung hkum hkap la ya et; ngai shanhte hte hpa mara mung n galaw shut yu nngai; shanhte a lawze langai mi hpe pyi n la yu nngai,” ngu nna tsun wu ai.

BU HKAWM 16:15 ပူးပေါင်းရင်းမြစ်များ

2 SAMUELA 22:22

Ngai mung Yehowa a lam a hkan nga nna, Nye a Karai Kasang hpe shut kau nngai, n rai;

PRU MAT 32:19

Shing rai dai dap de du wa yu yang, dumsu kasha hte ka nga ma la ai hpe wa mu wu ai; dai majaw Mawshe masin pawt bu nna, dai lungpa yan hpe shi lata na jahkrat kau ai hte dai bum lagaw e agrawp kau wu ai.

GA SHAGAWP 21:27

Tara n lang ai ni a shagu hkungga gaw, matsat shabat rai nga ai; Mara raw na matu nawng ya ai rai yang, grau nna rai nga ai.

BU HKAWM 12:3

Dai Mawshe ngu ai wa chyawm gaw, ga ntsa ting na masha nlang hta myit grau sumnung ai wa rai nga ai.

BU HKAWM 16:16

Bai Mawshe gaw Kora hpe, “Nang hte nang hpang maga na ni nlang hte gaw Arun hte rau hpawt de Yehowa man e nga nga mala:

MAHTE 5:22

Ngai mahtang nanhte hpe tsun made ai gaw, tinang a kahpu kanau wa hpe masin pawt ai wa kadai rai timung jeyang ai hte ging dan nga ai: tinang a kahpu kanau wa hpe, Raka, nga ai wa gaw, dai salang hpawng a dawdan ai hte ging dan nga ai: bai, Mana ndai, nga ai wa gaw, ngarai a wan hte ging dan nga ai.

MARKU 3:5

Shanhte chyawm gaw, atsin sha rai nga ma ai. Shing rai shanhte a myit ja ai majaw, shi myit yawn nna, masin pawt let shanhte hpe grup yin yu nhtawm, “Na a lata ladawn u,” ngu nna dai wa hpe tsun wu ai. Shi mung ladawn nna, shi a lata mai mat lu ai.

1 KORINHTU 9:15

Ngai chyawm gaw, ndai ahkang hpe loi mi mung n hkan nngai. Shing rai, ngai hpe dai zawn di mi ga mung, ngu nna ndai lam hte hpe ngai ka da nngai n rai; kaning rai nme law, marai langai ngai nye a gumrawng shara shayuk ai hta, ngai si wa na gaw, nye a matu grau mai nga ai.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 KORINHTU 7:2

Anhte hpe hkap hkalum la mi: anhte kadai hpe mung n shut n hpyit yu ga ai; kadai hpe mung n shabyak ga ai; kadai hpe mung hkalem hkalau sha ga ai n rai.

EHPESU 4:26

“Myit kahtet timung, yubak hkum galaw myit:” nanhte myit naw kahtet bu nga yang, jan hkum shadu myit:

1 HTESALONI 2:10

Kamsham nga ai ni nanhte a man e, anhte kaning rai chyoi pra ai hte dinghpring nna mara n kap ai rai nga ga ai hpe, nanhte mung, Karai Kasang mung, sakse rai nga myit dai.