BU HKAWM 16:13 - Jinghpaw Hanson Version Bible

¹³ ndai nam mali hta nang anhte hpe sat kau lu hkra, nga chyu hte lagat jahku lwi ai mung nna nang anhte hpe shapraw kau ai wa pyi n ram dum ai; ya mung anhte a ntsa e du agyi naw tai mayu n hka i?

Jinghpaw Common Language Bible 2009

¹³ Ndai nam mali hta anhte hpe sat kau lu hkra nga, ngamu ngamai ai Egutu mung kaw na nang anhte hpe woi shapraw wa ai pyi n ram dum nga n ni? Ya mung anhte a ntsa e madu naw tai mayu nga n ni?

BU HKAWM 16:13 ပူးပေါင်းရင်းမြစ်များ

PRU MAT 1:11

Dai rai nna Egutu du ni gaw amu bungli hte shanhte hpe sharu shatsang na matu shanhte a ntsa e hpareng tawn da mu ai: shanhte mung Hpara-u a matu rai tawn da na mare Hpihtum hte Ramese de ya mu ai.

PRU MAT 1:22

Bai Hpara-u gaw shi a mung masha ni nlang hte hpe hkang da nna, Shangai tawn ai lasha ma yawng hte hpe hka hta kabai bang kau ya mu; numsha ma hpe chyawm gaw jahkrung da ya mu, ngu nna tsun dan mu ai.

PRU MAT 16:3

Shanhte gaw, “Egutu mung e shan di ni a makau e anhte dung nna hkru hkru kat kat muk sha lu nga yang, Yehowa a lata hte si mat yang grau mai ai: ndai shawa hpung ting hpe kawsi ai hte sat kau na, nga nna ndai nam mali de nan anhte hpe woi wa myit hka,” nga nna shan hpe tsun mu ai.

PRU MAT 17:3

Dai kaw e amyu masha ni hpang kara nna, Mawshe hpe aput let tsun ma ai gaw, “Anhte hte anhte a kashu kasha ni hpe mung, anhte a yamnga ni hpe mung hpang kara ai hte sat kau na rai yang gaw, hpa majaw Egutu mung na anhte hpe woi wa n ta?” ngu mu ai.

PRU MAT 2:14

Shaloi dai wa gaw, “Anhte a ntsa e du hte tara agyi tai na nang hpe gade e san tawn da a ta? Dai Egutu masha hpe nang sat kau ai zawn, ngai e mung sat kau na maw nga n ni?” ngu nna htan wu ai. Dai majaw Mawshe gaw, Gaja wa, ndai amu brawng sam sai, nga nna hkrit nga ai.

PRU MAT 2:23

Ya nhtoi tsawmra wa na wa sayang she Egutu hkawhkam si mat ai: Israela a kashu kasha ni mung dai mayam lit a majaw, madai nna hkrap sharung ai ga gaw dai mayam lit kaw nna Karai Kasang hpang de hkrang lung wa malu ai.

EZEKELA 34:18

Nanhte gaw kaja ai udat shara hta ushat sha ai hta n-ga, naw ngam nga ai tsingdu hpe nanhte a lagaw hte kabye kau nna, san ai ntsin hpe lu lu ai hta n-ga, naw ngam nga ai hka hpe kabye hkanu kau na gaw, nanhte a matu amu kaji zawn nawn nga myit ni?

BU HKAWM 11:20

nanhte a ladi hta manam pru nna ajin anang nga hkra shata mi tup sha lu na myit dai: kaning rai nme law, Nanhte hta rawng nga ai Yehowa hpe nanhte n hpu n lu nga nna, Egutu mung na anhte hpa rai pru wa ga ai i? nga nna shi a man e hkrap myit dai, ngu mi,” ngu wu ai.

BU HKAWM 11:4

Ya shanhte hta lawm nang wa ai kayau kaya re ai amyu masha ni gaw grai marit nga ma ai: Israela kashu kasha ni mung bai hkrap nna, “Anhte sha na shan kadai jaw sana i?

BU HKAWM 11:5

Egutu mung e pagawn sha lu ai anga, kumgyin, gyinshau, gaubawng, shakau, hparaw re ai ni anhte dum ga ai:

BU HKAWM 13:27

Shing rai shanhte gaw Mawshe hpe, “Nang anhte hpe shangun dat ai mung de anhte du saga ai; gaja wa dai mung gaw nga chyu hte lagat jahku lwi ai mung nan rai nga ai; namsi ndai ni gaw dai mung e si ai namsi rai nga ai.

BU HKAWM 14:2

Israela kashu kasha ni yawng gaw Mawshe yan Arun hpe aput apai nga nna, dai shawa hpung ting shan hpe, “Anhte Egutu mung e si mat ga taw le: shing n rai, ndai nam mali hkan e si mat ga taw le:

BU HKAWM 14:3

Yehowa gaw anhte hpe ri nhtu hta si hkra, hpa majaw ndai de woi wa mi ai i? anhte a num ni hte ma chyangai ni gaw lanep tai ma na masai; Egutu mung de bai nhtang wa yang grau mai ai n rai ni?” nga nna tsun ma ai.

BU HKAWM 16:12

Shaloi Mawshe gaw, Eliaba kasha Dahtan yan Abira hpe shaga na masha shangun dat wu ai: shan chyawm gaw, “An n lung na ga ai:

LUKA 19:14

Shi a mung masha ni chyawm gaw, shi hpe n dawng da mu ai rai nna, ‘Ndai wa anhte a ntsa e up nga na, anhte n ra ga ai,’ ngu nna shi a hpang e kasa hkan shangun dat mu ai.

KASA 7:35

Dai rai nna, Nang hpe du hte tara agyi tai na, kadai san da a ta? nga nna shanhte ndang kau ai, dai Mawshe hpe, Karai Kasang gaw singwum e dan pru ai lamu kasa a lata hte, du hte hkye hkrang la ai wa shatai nna shangun dat nu ai.