BU HKAWM 15:4 - Jinghpaw Hanson Version Bible

⁴ hkungga jaw jau ai wa gaw, Yehowa a matu wan hte nat ai hku rai timung, gale hkungga hku rai timung, sagu kasha nawng jau ai rai yang hkungga hkum hte hpawn, shadung kumhpa ngu na namman loga mali hte kayau ai mani ai shadung uma mi ma,

Jinghpaw Common Language Bible 2009

^4-5 Dai Madu a matu wan nat hkungga shatai na sagu bainam hte jaw jau ai wa kadai mung dai hkungga yam nga shagu hte hpawn shadung hkungga ngu na tsanlun sau joi mi hte kayau ai mani ai shadung pawng lahkawng, sabyi ntsin palin lahkawng chyen hte hpawn la sa na rai ma ai.

BU HKAWM 15:4 ပူးပေါင်းရင်းမြစ်များ

EZRA 7:17

dai gumhpraw hte usu, sagu la sagu kasha hte hpawn, dai hta lawm ai lusha hkungga, dumhpung hkungga ni hpe alawan mari nna, Yerusalem mare e nga ai nanhte a Karai Kasang a nta na tawn hkungri ntsa e nawng ya lu na myit dai.

PRU MAT 29:40

sagu kasha langai mi nawng ai hta, htu la ai namman loga masum hte kayau ai hkaulan mam shadung uma langai mi hte, ru hkaw na kumhpa matu tsabyi jahku loga masum, rai na rai nga ai.

ESAIA 66:20

Dai hta kaga, Israela masha ni gaw, tinang a lusha hkungga hpe san seng ai wan hta Yehowa a nta de la sa ai hte maren, shanhte gaw, nanhte a kahpu kanau ni mahkra hpe, gumra hta mung, leng hta mung, krau ntsa e mung, lawze hte gawla-uk ntsa e mung htaw nna, Yehowa a lusha hkungga tai na matu, mung mi hte mung mi kaw na, nye a chyoi pra ai bum Yerusalem mare de woi wa na mara ai,” nga nna Yehowa tsun ai.

EZEKELA 46:14

Dai hte hpawn, jahpawt shagu shadung kumhpa, ehpa htam kru hta htammi, shadung hte kayau ai, namman hin htam masum hta htammi shapraw ya na ndai: da ndai gaw, htani htana hkang da ai ga hkan nna, Yehowa matu tutnawng na shadung kumhpa rai nga ai.

JAW JAU 1:13

pu sin ni hte lagaw ni hpe shi naw kashin kau nhtawm, hkinjawng wa gaw hkum ting hpe hkungri hta wan hte nawng na rai wu ai; dai gaw, Yehowa a matu manam pyaw sangau tai na, wan hte nawng ai wan nat hkungga rai nga ai.

JAW JAU 14:10

Ya matsat ya ngu na shani e dai wa gaw ra n rawng ai hte ladu hkrum ai sagu ala lahkawng, ayi langai mi hte shadung kumhpa matu sau hte kayau ai shadung uma masum, namman loga mi la sa na rai nna,

JAW JAU 2:1

Masha langai ngai Yehowa hpe shadung hte kumhpa nawng ai rai yang gaw, shi a kumhpa mani ai shadung rai na rai nna, dai hta namman ru jaw nhtawm lawban bang na rai wu ai.

JAW JAU 2:15

Dai hta nang namman ru bun nna lawban bang na rai wu ai: dai gaw shadung kumhpa rai nga ai.

JAW JAU 23:13

Dai hkungga hte seng ai Yehowa a manam pyaw matu wan hte nat nawng na shadung mani uma lahkawng rai na rai nga ai: ru hkaw kumhpa gaw tsabyi jahku loga masum rai na rai nga ai.

JAW JAU 3:7

Shi a kumhpa sagu kasha rai yang gaw, Yehowa a man de dai hpe sa jaw na rai wu ai.

JAW JAU 6:14

Ndai gaw shadung kumhpa a tara lam rai nga ai: Arun a shadang sha ni gaw, dai hpe Yehowa a man e tawn hkungri hta sa jau lu na rai mu ai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

BU HKAWM 28:12

shadung kumhpa matu, usu langai mi hta, sau hte kayau ai mani ai shadung uma masum sum; bai, shadung kumhpa matu, sagu la langai mi hta, sau hte kayau ai mani ai shadung uma lahkawng;

BU HKAWM 28:4

Sagu la kasha langai mi hpe jahpawt e, langai mi hpe shana de nawng na rai myit dai;

BU HKAWM 29:6

Shing rai, htung hking nga ai hte maren, shata praw shani na wan nat hkungga hte de a shadung kumhpa, tutnawng na wan nat hkungga hte de a shadung kumhpa, ru hkaw kumhpa re ai ni hta kaga Yehowa a manam pyaw sangau shatai na, wan hte nawng ai hkungga kahtap jaw na rai myit dai.

BU HKAWM 7:13

dai wa a kumhpa gaw, nawku nta na shekela shen ai hku hkan yang, shekela latsa e sumshi li ai gumhpraw ban langai mi; shekela sanit shi li ai gumhpraw gawm langai mi; shadung kumhpa matu dai yan hta jahpring dat ai namman hte gumrin ai mani ai muk shadung;

ROMA 15:16

Karai Kasang e ngai hpe jaw da ai chyeju majaw, nanhte hpe bai shadum jahprang na zawn, ngai nanhte hpe nden ja ai myit hte kau chyen ka dat made ai.

HEBRE 13:16

Mai kaja ai amu galaw na hte gam jaw gam ya ai lam, hkum malap kau myit; shing re ai hkungga hpe, Karai Kasang gaw sharawng awng nga ai.

TARA AGYI 9:9

Tsanlun hpun gaw, ‘Karai Kasang hpe mung, shinggyim masha hpe mung sharawng awng shangun ai, nye a sau tung hpe kau da nna, nanhte a ntsa e lung gram nga na rai ni?’ ngu nna htan wu ai.