BU HKAWM 15:29 - Jinghpaw Hanson Version Bible

²⁹ Israela kashu kasha wa hte shanhte kaw shingbyi nga ai tsasam wa matu, n dum shami shut ai lam hta, tara langai sha rai na rai nga ai.

Jinghpaw Common Language Bible 2009

²⁹ Israela amyu masha mi rai ti mung, dai mung e nga nga ai maigan masha wa rai ti mung, n dum shami yubak mara shut hpyit kau ai masha shagu hkan sa na tara maren sha rai nga ai.

BU HKAWM 15:29 ပူးပေါင်းရင်းမြစ်များ

1 HKAWHKAM 8:41

“Dai hta n-ga, sumtsan mung na masha ni gaw, na a daru magam amying hpe mung, na n-gun ja ai lata hte ladawn ai lahpum hpe mung, chye wa lu nna,

PRU MAT 12:49

Amyu madung hta na wa a matu mung, nanhte kaw shingbyi nga ai manam a matu mung, tara lam langai sha rai nga ai, ngu wu ai.”

JAW JAU 16:29

Nanhte tutnawng hkan nga na matsun ndai rai nga ai: nanhte hkum nan rai timung, nanhte kaw shingbyi nga ai amyu kaga wa rai timung, shata sanit hta na nhtoi shi ya e hpa amu bungli mung n galaw ai sha, tinang a myit masin hpe shagrit let ban nga na rai mu ai:

JAW JAU 17:15

Nanhte hta na rai timung, shingbyi nga ai wa rai timung, shi hkrai si ai, shing n rai matse labye e kawa sat ai si mang hpya sha ai wa gaw, tinang a hpun palawng hkrut kau nna hka shin na rai wu ai: shana de du hkra n san n seng rai nga ai; dai hpang san seng na ra ai.

JAW JAU 4:2

Israela kashu kasha ni e ning ngu tsun u: Masha langai ngai Yehowa hkang da ai lam lama ma hta n dum shami tawt lai nna, n di mai ai amu galaw hkrup yang na lam gaw:

BU HKAWM 15:15

Shawa hpung shang ai lam hta, nanhte hte nanhte kaw sa shingbyi nga ai manam wa gaw, nanhte a shu mashi shu masha prat dingsa htung hking langai sha rai nga na rai nna, Yehowa a man e nanhte rai nga ai zawn, shingbyi nga ai wa mung rai nga na rai nga ai.

BU HKAWM 15:28

Shing rai hkinjawng wa gaw, Yehowa a man e n dum shami shut ai wa a matu, htingrai htingrat ya na rai nna, shi gaw yubak raw dat kau ya ai hkrum na rai wu ai.

BU HKAWM 15:30

Israela kashu kasha wa rai timung, amyu kaga wa rai timung, dingsa sa shut ai rai yang gaw, Yehowa hpe n gawn n sawn re ai rai nga ai majaw, dai wa gaw shi a amyu hta na sumri dan kau ya ai hkrum lu na rai wu ai.

BU HKAWM 9:14

Nanhte kaw shingbyi nga ai amyu kaga wa Yehowa a matu shalai dat ai poi galaw mayu yang, tawn da nga sai matsun hte maren ahtung ahking mahkra hte tup galaw lu na rai wu ai: shing rai nanhte hta shingbyi nga ai amyu kaga masha a matu mung, nanhte amyu a matu mung tara langai sha rai na rai myit dai,” ngu wu ai.

LUKA 12:48

n chye nna anu ging ai amu galaw kau ai mayam chyawm gaw, loi mi sha anu ai hkrum na ra ai. Law wa hkam la ai wa kaw na, law wa hpyi na ra ai; law wa ap ya shajang ai wa kaw na mung, grau nna bai hpyi na mara ai.

YAWSHU 8:33

Israela masha ni hpe shaman ya na lam, Yehowa a shangun kasa Mawshe shawng e hkang da sai hte maren, Israela amyu masha ni yawng hte shanhte a du salang ni tara agyi ni, shingbyi manam ni ngu ai, amyu jet hte n jet yawng mayawng hte gaw Yehowa a ga shaka sumpu hpai ai hkinjawng Lewi masha ni hte dai sumpu a man e lahkawng maga hpra ang ang rai nna ka-ang hkup gaw Gerizim bum maga de, ka-ang hkup gaw Ebala bum maga de tsap nga ma ai.