BU HKAWM 15:25 - Jinghpaw Hanson Version Bible

²⁵ Shing rai hkinjawng wa mung Israela kashu kasha ni a shawa hpung nlang hte a matu htingrai htingrat ya na rai nna, shanhte n dum shami shut ai majaw yubak raw dat kau ya ai hkrum na rai ma ai: shanhte mung tinang a n dum shami shut ai mara matu, Yehowa e htingrai hkungga hte hpawn, wan hte nat jau na kumhpa, Yehowa hpang de la sa da na rai mu ai:

Jinghpaw Common Language Bible 2009

²⁵ Shanhte n dum shami shut kau ai yubak mara a matu mung, dai Madu hpang de shanhte a htingrai hkungga hpe lusha hkungga zawn la sa ma ai majaw, hkinjawng wa gaw shawa hpung ting a matu jasan jaseng ai amu galaw ya ai hte shanhte mung mara raw dat ai hkrum na mara ai.

BU HKAWM 15:25 ပူးပေါင်းရင်းမြစ်များ

HPAJI NINGLI 5:6

Na n-gup gaw na hkum hpe hkum shut shangun et; ngai shut ni ai, nga nna lamu kasa a man e tsun na lam hkum shapraw et: Karai Kasang gaw na nsen hpe pawt sindawng nna, na a lata amu hpe hpa majaw jahten na rai ta?

JAW JAU 15:15

kinjawng wa mung htingrai hkungga a matu langai mi, wan nat hkungga a matu langai mi di nna, nawng ya na rai wu ai: shing rai hkinjawng wa gaw dai wa a ri ana matu Yehowa a man e htingrai htingrat ya na rai wu ai.

JAW JAU 4:20

Usu dai hpe shing di hkinjawng na rai wu ai; htingrai hkungga usu hkinjawng ai hku, dai hpe hkinjawng na rai wu ai; shing di shanhte a matu hkinjawng wa htingrai htingrat ya na rai nna, shanhte mara raw dat kau ya ai hkrum na mara ai.

JAW JAU 4:26

De a asau yawng hpe shi la nna, mahku hkungga a sau nawng ai hku tawn hkungri hta nat na rai wu ai: shing rai hkinjawng wa gaw shi a yubak a matu htingrai htingrat ya na rai nna shi mara raw dat kau ya ai hkrum na ra ai.

JAW JAU 4:31

Mahku hkungga a sau la ai zawn, de a sau yawng shi la nna, Yehowa manam pyaw na matu hkinjawng wa gaw tawn hkungri hta dai hpe nat na rai wu ai: shing rai hkinjawng wa gaw shi a matu htingrai htingrat ya na rai nna, shi gaw yubak raw dat kau ya ai hkrum na ra ai.

JAW JAU 4:35

Mahku hkungga a sagu kasha a sau shaw la ai zawn de a sau yawng hpe shi shaw la nna, hkinjawng wa gaw Yehowa hpe wan hte nat nawng ai kumhpa hte rau tawn hkungri hta nat na rai wu ai: shing rai hkinjawng wa gaw shi shut ai mara a matu htingrai htingrat ya na rai nna, shi gaw mara raw dat kau ya ai hkrum na ra ai.

LUKA 23:34

Shaloi Yesu gaw, “Wa e, shanhte a mara dat kau ya mu: shanhte galaw ai lam hpe shanhte n chye nga ma ai,” nga ai. Shanhte gaw shi a hpun palawng ni hpe mung, hpaida da nna karan la ma ai.

KASA 13:39

dai hta n-ga, Mawshe a tara hte dingman ai kaw n du lu ai, dai wa hpe kamsham ai ni nlang hte lam shagu hta dingman ai kaw du lu na rai nga ai.

ROMA 3:25

Karai Kasang gaw myit sharang nga nna moi shawng na yubak mara ni hpe shalai dat kau ai majaw, shi a dinghpring ai lam hpe shadan dan u ga;

TARA JAHPRANG 21:21

Shaloi mare na lasha ni nlang hte gaw dai kasha hpe nlung hte kabai sat kau na rai ma ai: shing di nang hta na n shawp ai yubak seng kau nna, Israela amyu nlang hte gaw dai shi na ai hte hkrit kang nga na mara ai.

HEBRE 2:17

Dai re ai majaw, shi gaw Karai Kasang hte seng ai lam hta, matsan dum chye ai hte kangka re ai hkinjawng agyi tai nna, shinggyim masha ni a matu mara gawng malai hkungga jaw lu u ga, lam shagu hta kahpu kanau ni hte bung lu na, sun ang nga ai.

HEBRE 9:7

lahkawng na shara kata de chyawm gaw, dai hkinjawng agyi wa hkrai sha, tinang a matu mara mung, masha ni a shut hpyit ai a matu mara mung, nawng ya ai asai lang let, laning mi hta e, lang mi sha, shang lu ai:

1 YAWHAN 2:2

shi gaw, anhte a yubak a matu mara gawng malai hkungga rai nga ai; anhte a yubak a matu mara sha n rai, mungkan ting a matu mara mung rai nga ai.