BU HKAWM 15:14 - Jinghpaw Hanson Version Bible

¹⁴ Nanhte kaw sa manam ai tsasam wa rai timung, nanhte hta prat mi hte prat mi shingbyi nga ai wa kadai mung, Yehowa a matu manam pyaw sangau shatai na nga, wan hte nat jau mayu yang gaw, shi mung nanhte galaw ai hku galaw na rai wu ai.

Jinghpaw Common Language Bible 2009

¹⁴ Nanhte hta jahkring jahkra sa manam ai maigan masha rai ti mung, prat mi hte prat mi shachyaw nna nga ai ni rai ti mung, dai Madu a matu manam pyaw ai sangau tai na lusha hkungga nawng jau ai shaloi shanhte gaw dai tara ni hte maren hkan galaw na rai ma ai.

BU HKAWM 15:14 ပူးပေါင်းရင်းမြစ်များ

1 HKAWHKAM 8:42

na amyu nsang majaw sumtsan mung na pru ai masha tsasam wa gaw, ndai nta de yawng let akyu hpyi nga yang;

JAW JAU 22:18

Arun hte shi a shadang sha ni, Israela kashu kasha ni yawng hte hpe ning ngu tsun mu: Israela kashu kasha ni hta na rai timung, Israela amyu kaw shingbyi nga ai amyu kaga wa rai timung, ga shaka kumhpa rai yang rai, mayu kumhpa rai yang rai, wan nat ai hku Yehowa hpe jaw jau na rai yang gaw,

JAW JAU 22:25

Dai baw gaw hten ai hte ra rawng sai majaw, amyu kaga ni a lata na rai timung, nanhte a Karai Kasang a lusha matu jaw lu na n rai: jaw timung hkap la ya na n rai, ngu wu ai.

BU HKAWM 15:13

Mung masha ni yawng hte gaw Yehowa a matu manam pyaw sangau shatai na, wan hte nat jau yang, shing rai galaw na rai ma ai.

BU HKAWM 15:15

Shawa hpung shang ai lam hta, nanhte hte nanhte kaw sa shingbyi nga ai manam wa gaw, nanhte a shu mashi shu masha prat dingsa htung hking langai sha rai nga na rai nna, Yehowa a man e nanhte rai nga ai zawn, shingbyi nga ai wa mung rai nga na rai nga ai.