BU HKAWM 14:9 - Jinghpaw Hanson Version Bible

⁹ Dai re ai majaw Yehowa hpe hkum gumlau myit; dai mung na masha ni hpe mung hkum hkrit myit; shanhte gaw anhte a shat sha tai na ra ai: shanhte hta makawp maga n nga malu ai; anhte hpang de chyawm gaw Yehowa nga nga ai; shanhte hpe hkum hkrit myit,” ngu nna tsun mu ai.

Jinghpaw Common Language Bible 2009

⁹ Dai Madu hpe hkum gumlau nga myit; dai mung e nga ai masha ni hpe mung hkum hkrit nga myit. Anhte gaw shanhte hpe aloi sha dang kau lu na ga ai. Dai Madu gaw anhte hte rau anga nga ai majaw shanhte hpe makawp maga la na karai ni hpe dang kau na nu ai; dai re ai majaw hkum hkrit nga myit,” ngu nna tsun ma ai.

BU HKAWM 14:9 ပူးပေါင်းရင်းမြစ်များ

NINGPAWT NINGHPANG 48:21

Bai Israela gaw, Ya ngai si wa na ni ai; rai timung Karai Kasang nanhte hte rau nga nga nna, nanhte a nji nwa ni nga nga ai ga de, nanhte hpe bai woi wa na marin dai.

2 HKAWHKAM LABAU 13:12

Yu mu, Karai Kasang anhte a hpaawn wa rai nga nna, shi a hkinjawng ni mung pahtau dum let nanhte hpe shadum na nga, anhte hta rai nga ma ai. Israela masha ni e, kaji kaw ni a Karai kasang Yehowa hpe hkum dai myit, hkap daw yang sum na myit dai ngu mu ai.

2 HKAWHKAM LABAU 15:2

shi gaw Asa hpe tau la na pru let, Asa e, Yuda hte Ben-yamin masha nlang hte e, nye a ga madat mara mu: nanhte gaw Yehowa hpang maga nga ai hte yang, shi gaw nanhte hte rau nga na ra ai; nanhte shi hpe tam yang mu na mu ai; shi hpe kau da yang, shi nanhte hpe mung kau da na myit dai.

2 HKAWHKAM LABAU 20:17

Rai timung nanhte gasat shara n nga ai: Yuda hte Yerusalem masha ni e, asim sha tsap nga mi: Yehowa nanhte hpe hkye hkrang la ai lam mada yu mu: hkum hkrit myit, myit hkum kaji; hpawt ni jang shanhte hpe htim mu; Yehowa nanhte hte rau rai nga ai,” ngu mu ai.

2 HKAWHKAM LABAU 32:8

shi a maga e masha lahpum hkrai rai nga ai; anhte a maga de chyawm gaw, hpyen majan hta anhte hpe makawp maga lu ai, anhte a Karai Kasang Yehowa rai nga ai, nga nna tsun ai ga majaw, mung masha ni gaw Yuda hkawhkam Hezekia ga hta shamyet shanat nga ma ai.

NEHEMIA 4:14

Bai, amu ni hpe yu hpajang ngut nhtawm, ngai rawt nna, agyi salang ni, du ni hte naw ngam nga ai mung masha ni hpe shaga la nna, “Hpyen ni hpe hkum hkrit myit, galu kaba ai hte hkrit mai ai Madu hpe dum mu; nanhte a nhpu nnau ni, shayi shadang sha ni, kasha kanu ni hte tinang nta ni a matu gasat mu,” nga nna tsun nngai.

SHAKAWN KUNGDAWN 106:24

Dai pyaw ai mungdan hpe, shanhte matsat kau mu ai, Shi a ga hpe mung n kam n sham ma ai.

SHAKAWN KUNGDAWN 121:5

Yehowa gaw nang hpe bau sin ai wa rai nga ai; Yehowa na a hkra lata a shingnip rai nga ai.

SHAKAWN KUNGDAWN 14:4

N hkru ai amu galaw ai hte, Nye a amyu masha ni hpe muk hpe zawn sha kau nna, Yehowa hpe n hpyi jahtau ai ni mahkra gaw Hpa mung n chye nga ma hka!

SHAKAWN KUNGDAWN 46:11

Zaw nawng zaw wa up ai Yehowa anhte hte rau nga nga ai. Yaku a Karai Kasang gaw anhte a langchyi rai nga ai. [Selah.]

SHAKAWN KUNGDAWN 46:7

Zaw nawng zaw wa up ai Yehowa, anhte hte rau nga nga ai, Yaku a Karai Kasang gaw anhte a langchyi rai nga ai. [Selah.]

SHAKAWN KUNGDAWN 46:8

Sa marit, Yehowa a amu hpe mada yu mu; Ga ntsa e shi akrin atsai di kau nu ai.

SHAKAWN KUNGDAWN 74:14

Baren ni abaw hpe nang agrawp kau nna, Nam mali na amyu ni a shahpa shatai nu ai.

SHAKAWN KUNGDAWN 91:1

Tsaw Htum ai Wa a shim ai shara e dung nga ai wa gaw, Chyalai n-gun rawng ai Karai Wa a shingnip hta anga nga lu ai.

PRU MAT 14:13

Mawshe chyawm gaw, “Hkum hkrit myit, asim sha she nga mu; Yehowa dai ni nanhte a matu hpaw ya na hkye hkrang la lam hpe yu yu ma la: dai ni nanhte mu lu ai Egutu masha ni hpe htawm hpang de galoi mung bai mu la na sai n rai.

PRU MAT 33:16

Kaning rai nme law, ngai hte ndai amyu, na man e myit man pa lu ai gaw, kaning rai chye na a ta? Ngai hte na a amyu, ga ntsa na amyu nlang hte hte shai na gaw, nang anhte hte rau lung wa jang she chye lu na n rai ni?” ngu wu ai.

ESAIA 1:2

Yehowa ga tsun nga ai majaw, sumsing lamu e, na la u, ginding aga e, madat u: “ngai gaw kashu kasha hpe lanu lahku nna, kaba wa shangun timung, shanhte ngai hpe gumlau ma ai.

ESAIA 32:2

Shanhte langai hte langai, nbung chyip nna laru marang shingbyi shara hte, hkraw hkun ai shara hta lwi ai hka, zaibru jang hta shingnip ai lunghkrung kaba, tai na mara ai.

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 41:14

Shingtai ngu ai Yaku e, Israela masha ni e, hkum hkrit myit; ngai nang hpe karum na nngai; Israela Chyoi pra ai Wa gaw na a Hkye hkrang la ai wa rai nga ai,” nga nna Yehowa tsun nga ai.

ESAIA 63:10

Shanhte chyawm gaw gumlau nna, shi a Chyoi pra ai Wenyi hpe shayawn mu ai: dai re ai majaw, shi shanhte hpe hpyen ai wa tai nna, shi nan shanhte hpe hpyen gasat mu ai.

YEREMIA 1:19

Shanhte nang hpe hkap gasat timung, dang kau lu na n rai; nang hpe mawai la na matu, ngai nang hte rau rai nga nngai,” nga nna Yehowa tsun ai.

YEREMIA 42:11

nanhte hkrit nga ai Babelon hkawhkam hpe hkum hkrit myit; Yehowa ning nga ai, Dai hkawhkam a lata na nanhte hpe hkye la nna mawai la na matu, ngai nanhte hte rau nga nga nngai majaw, shi hpe hkum hkrit myit.

YEREMIA 48:45

Hprawng pru ai ni gaw n-gun yawm ai majaw, Heshbon a shingnip hta shingbyi nga timung, Heshbon kaw na awan, Sihon ka-ang na wan shinglet grung pru nna, Moba mung na njut nnaw hkan e mung, hkru kau wu ai.

Daniela 9:5

anhte yubak galaw saga ai; anhte shut hpyit nga saga ai; anhte n hkru nga ai hte gumlau nna, na a matsun maroi ga hte, na a hkang da ai ga hpe pyi, kau da saga ai:

Daniela 9:9

Matsan dum ai hte yubak raw dat kau ai lam, anhte a Madu Karai Kasang hte seng nga ai: anhte mahtang shi hpe gumlau saga ai.

BU HKAWM 13:30

Shaloi Hkaleb gaw, “Sa, ya jang rawt nna dai mung hpe lung madu la sagaw; a dang kau lu na ga ai,” nga nna Mawshe a man e amyu masha ni hpe jasim wu ai.

BU HKAWM 17:6

Mawshe mung Israela kashu kasha ni hpe tsun dat mu ai rai nna, du agyi ni yawng gaw, kaji kawa lakung hkan nna, du langai mi a dawhkrawng langai ngai la nhtawm dawhkrawng shi lahkawng sa ya mu ai. Arun a dawhkrawng mung shanhte a dawhkrawng ni hte rau rai nga ai.

BU HKAWM 20:2

Dai yang e, dai shawa hpung a matu ntsin n nga malu ai: dai majaw shanhte Mawshe yan Arun kaw sa nna,

BU HKAWM 24:8

Karai Kasang Egutu mung na shi hpe shaw nna, Israela gaw dumbau zawn n-gun ja nga ai: Shi hpe hpyen ai amyu ni hpe sha kau nna, Shanhte a nra ni hpe agrawp kau na wu ai; Shi a pala ni hte gap dinghkren kau na wu ai.

MAHTE 1:23

Shi gaw, “Yu u, dai hkawnsek gaw na-um nasin rai wa na rai nna, shadang sha shangai na ra ai, Shi a amying, Emanuela shamying ya na maru ai,” nga ai: de a ga lachyum, “Karai Kasang anhte hte rau rai nga ai,” nga ai re ai.

ROMA 8:31

Dai rai yang gaw, ndai hte hta anhte hpa tsun na ga ta? Karai Kasang gaw anhte a maga e nga nga a yang gaw, anhte hpe hpyen ai maga de kadai wa mi nga lu na a ta?

TARA JAHPRANG 1:21

Yu u, na a Karai Kasang Yehowa gaw na a man e dai mungdan tawn ya nit dai: lung wa su, na nji nwa ni a Karai Kasang Yehowa nang hpe tsun dat ai hte maren, wa madu la nu; hkum hkrit et, myit mung hkum mang et,’ ngu made ai.

TARA JAHPRANG 1:26

Rai timung, nanhte gaw n lung hkraw myit dai hte, nanhte a Karai Kasang Yehowa hkang da ai ga hpe nhtan jashai nna,

TARA JAHPRANG 1:29

Shaloi ngai gaw, ‘Myit hkum kahpra myit; shanhte hpe hkum hkrit myit;

TARA JAHPRANG 31:6

Dai rai nna, nanhte n-gun da ting mu, myit nden shaja mu; hkum tsang myit, shanhte hpe hkum hkrit myit: nanhte hte rau hkawm sa nga ai wa gaw na a Karai Kasang Yehowa nan rai nga ai: shi nang hpe kau da na n rai, nang hpe kau rap rai na n rai,” ngu nna tsun mu ai.

TARA JAHPRANG 31:8

Na a man e hkawm sa ai wa Yehowa rai nga ai; shi nang hte rau nga nga ai rai nna, shi nang hpe kau da na n rai, nang hpe kau rap di na n rai; hkum tsang et, myit hkum htum e;” ngu nna Israela amyu ting a man e tsun da wu ai.

TARA JAHPRANG 32:42

Si mana ai ni hte bawng yam ni a, Hpyen du ni hte du gyi ni a asai hte, Nye a pala hpe ngai shanang na we ai; Nye a nhtu mung, shanhte a shan sha na ra ai, ngu nna ngai tsun nga nngai.

TARA JAHPRANG 7:18

na a Karai Kasang Yehowa Hpara-u hte Egutu mung ting hta galaw nu ai amu ni, nang dai myi chyi mu lu ai chyam dinglik lam kaba ni;

TARA JAHPRANG 7:21

Nang hta rawng nga ai na a Karai Kasang Yehowa gaw galu kaba ai hte hkrithpa Karai Wa rai nga lit dai majaw, nang shanhte hpe hkrit ra ndai n rai.

TARA JAHPRANG 9:7

Nang na a Karai Kasang Yehowa hpe dai nam mali hkan e kaning rai shapawt pawt rai ndai gaw nang adum nga u, hkum malap kau et: Egutu mung na nang pru wa ai shani kaw nna ndai yang du ai du hkra, Yehowa hpe nang a gumlau nga nit dai.

HPILIPI 1:27

Dai hta n-ga, nanhte a arawn alai gaw Hkristu a kabu gara shiga a lam hte ging dan nga u ga: shing rai jang, ngai du nna nanhte hpe hkrum lu rai timung, naw tsan gang nga rai timung, Wenyi langai sha hte nanhte lahpran tsap nga nna, myit masin langai sha hte dai kabu gara shiga a makam masham a lam hkying hkat nga myit dai gaw, ngai nanhte a lam na lu na nngai:

YAWSHU 1:5

Nang naw hkrung nga dingsa nang hpe kadai daw lu na n rai: Mawshe hte rau ngai nga nga ai zawn, nang hte rau ngai nga nga na ring ngai; ngai nang hpe kau da na n rai, nang hpe kau rap rai na n rai.

YAWSHU 14:12

Dai rai nna, dai shani e Yehowa tsun ai bum ndai ngai hpe jaw e; dai bum hta Anak masha ni nga ai mung, mare bunghku ngang ai mare kaba ni nga ai mung, dai shani nang na nit dai: Yehowa ngai hte rau nga nga yang gaw, Yehowa a ga hte maren ngai shanhte hpe shachyut kau lu na a dawng,” ngu nna Yawshu hpe hpyi wu ai.

TARA AGYI 1:22

Yawsep a kashu kasha ni mung, Behtela de hpyen rawt ma ai rai nna, Yehowa shanhte hte rau rai nga ai.