BU HKAWM 14:35 - Jinghpaw Hanson Version Bible

³⁵ Ngai Yehowa ning nga nga nngai: gaja wa teng teng ngai hpe gumlau ai, ndai n hkru ai shawa hpawng hpe shing di na we ai; ndai nam mali hkan e shanhte si mat na masai; ndai yang e nyawp mat na masai, nga ai, ngu mu,” ngu wu ai.

Jinghpaw Common Language Bible 2009

³⁵ Nanhte gaw jawm hpawng de let ngai hpe gumlau ai n hkru ai amyu masha nanhte hpe dai zawn ngai di na we ai ngu nna dagam da se ai. Dai rai nna ndai yang na nam mali hta nanhte hkum shagu si mat na rai myit dai. Ngai Madu nan tsun ni ai,’” ngu nna tsun wu ai.

BU HKAWM 14:35 ပူးပေါင်းရင်းမြစ်များ

SHAKAWN KUNGDAWN 78:33

Dai majaw shi gaw shanhte a nhtoi ni hpe nbung zawn, Shanhte a shaning ni hpe hkrithpa hte e, jahtum ya mu ai.

PRU MAT 23:21

Shi a man e sadi nga mu, shi a ga madat mu; shi hpe hkum gumlau et; nanhte shut ai mara shi raw dat dau na n rai; kaning rai nme law, nye a amying shi hta nang nga ai.

EZEKELA 20:36

Nanhte a nji nwa ni hpe, Egutu mung na nam mali e dawdan ai hte maren, ngai nanhte hpe dawdan na nngai,” nga nna Madu Yehowa tsun ai.

BU HKAWM 23:19

Karai Kasang masu na gaw, shi masha n rai, Myit malai lu na gaw masha kasha n rai: Tsun kau ngut sayang, n shagrin ai nga na a ni? Ndat da ngut sayang, n shatup ai nga na a ni?

BU HKAWM 26:65

Kaning rai nme law, ‘Dai ni gaw nam e teng teng si mat na re ai,’ nga nna shanhte a lam Yehowa tsun nu ai. Dai rai nna Yehpuna a kasha Hkaleb yan Nun a kasha Yawshu hta kaga shawng na masha langai mi muk n ngam ma ai.

1 KORINHTU 10:11

Dai lam hte gaw shari tai u ga, shanhte hta shabyin nga ai rai nna, hpang jahtum ai aprat dep lu ai ni anhte hpe shadum jahprang na matu, ka da nga ai.

1 KORINHTU 10:5

Rai timung, shanhte hta na malaw maga hte hpe Karai Kasang gaw n sharawng awng da mu ai rai nna, shanhte dai nam mali hkan e run byak mat ai hkrum ma ai.

HEBRE 3:19

Dai rai nna, kamsham ai myit n rawng ai majaw, shanhte n shang lu ma ai hpe, anhte chye lu ga ai.

YAWSHU 5:6

Kaning rai nme law, Egutu mung na pru wa ai Israela kashu kasha ni Yehowa a ga n madat ma ai rai nna, Yehowa anhte hpe jaw na nga nna kaji kawa ni hpe dagam da ai mungdan, nga chyu hte lagat jahku lwi ai ga hpe shanhte mu lu na n rai, nga nna Yehowa dagam kau ai majaw, shanhte hta na ri nhtu chye lang ai lasha wa-ngan nlang si htum ai du hkra, dai nam mali hkan e mali shi ning tup kayin hkawm wa ma ai.