BU HKAWM 14:34 - Jinghpaw Hanson Version Bible

³⁴ Dai mung hpe kin-yu yu ai nhtoi mali shi ya re ai hte maren, lani mi hpe laning mi shatai nna, mali shi ning tup, tinang a yubak gun let, nye e kabai kau ai chye lu na manit dai.'

Jinghpaw Common Language Bible 2009

³⁴ Dai mung hpe kin-yu hku hkan yu maram ai nhtoi mali shi ya tup rai nga ai hte maren, lani mi hpe laning mi shatai nhtawm mali shi ning tup nanhte shut hpyit kau ai yubak mara a nni nkri hkam sha na rai myit dai. Shaloi nanhte hpe ngai ninghkap nna kabai kau na a lachyum hpe chye na na rai myit dai!

BU HKAWM 14:34 ပူးပေါင်းရင်းမြစ်များ

1 HKAWHKAM 8:56

“Shi a amyu Israela hpe, tsun da ai hte maren, ngwipyaw lam jaw da ai Yehowa gaw, a nga u ga law; shi a shangun ma Mawshe a lata hte shi jaw da ai ga ndat langai mi muk, nhten n run nga ai.

2 HKAWHKAM LABAU 36:21

Shing rai, Yeremia htawn tsun ai Yehowa aga dik wa u ga, “Israela lamu ga gaw tinang hte seng ai laban shaning ni shagu shatup na mara ai: kaning rai nme law, dai mungdan gaw katsi katsang naw nga nga yang, dai gaw ban nga nna, sanit shi ning du hkra hkam nga ai.”

SHAKAWN KUNGDAWN 105:42

Kaning rai nme law, shi tsun da ai chyoi pra ai ga hte, Shi a mayam Abraham hpe shi dum nga ai.

SHAKAWN KUNGDAWN 38:4

Ngai shut hpyit ai gaw nye a baw lim nga nna, li ai lit zawn nye a matu nau wa li la nga ai.

SHAKAWN KUNGDAWN 77:8

Shi a chyeju tutnawng e htum mat sahka? Shi a ga ndat prat mi hte prat mi hten mat lu na kun?

SHAKAWN KUNGDAWN 95:10

Ngai gaw mali shi ning tup ndai amyu hpe n yawt nga nna; “Shanhte gaw tinang a myit hte lam dam mat ai amyu hte, Nye a lam hpe mung n chye ai ni, rai nga ma ai,” nga nna ngai tsun nga nngai.

EZEKELA 14:10

Shanhte gaw mara hte maren ari hkrum na mara ai; myihtoi wa hkrum na ari gaw, shi hpe sa grau ai wa a ari hte bung na ra ai:

EZEKELA 23:35

“Dai rai nna, Nang ngai hpe malap kau nna, na a shingdu de ngai hpe dat kau ai majaw, na n se n sa ai hte na shawa num amu a mara hpe hkam sha u,” nga nna Madu Yehowa tsun ai.

EZEKELA 4:5

Kaning rai nme law, shanhte yubak hkrum sha ai shaning ni a nambat hpe ngai na a matu shani san da nna, dai gaw nhtoi masum tsa jahku shi rai nga ai: dai laman e nang gaw Israela amyu shut hpyit ai hpe gun hpai na ndai.

EZEKELA 4:6

Bai, dai nhtoi ni gu ai hpang, nang hkra maga nhkrem de hkrawn taw nna, mali shi ya tup, Yuda amyu a shut hpyit ai hpe gun hpai na ndai: laning mi a malai lani mi, ngai na a matu san da nngai.

Daniela 9:24

Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

HOSEA 9:12

Kasha ni hpe bau maka timung, langai mi n ngam hkra, ngai shanhte hpe dawm la kau na nngai: gaja wa, ngai shanhte hpe kau da yang, shanhte dingnye hkrum sha mu ga.

JAW JAU 20:19

Tinang kawa a kajan, shing n rai kanu a kanau kana hte nga sha lu na n rai: shing rai kamoi kanu ni hte nga sha ai rai yang, shan gaw tinang a yubak hkrum sha lu na rai nga ai.

ZEHKARIA 11:10

masha amyu mahkra hte ngai tawn da ai ga shaka hpe run kau na matu, Chyeju ngu ai dawhkrawng hpe ngai la nna, atawk kau nngai.

BU HKAWM 13:25

Ya shanhte gaw, nhtoi mali shi ya rai jang, dai mung hpe kin-yu yu ngut nna bai wa ma ai.

BU HKAWM 18:23

Lewi masha ni gaw shawa sum a amu gun hpai nna, tinang shut ai mara tinang gun lu na rai ma ai: Israela kashu kasha ni hta sali wunli ga mung madu lu na n rai; dai gaw nanhte a shu mashi shu masha prat dingsa hkan nga na matsun maroi rai na rai nga ai.

BU HKAWM 32:13

Yehowa mung Israela amyu hpe pawt bu ai rai nna, Yehowa a man e n shawp ai hku galaw ai ni nlang htum mat ga du hkra, shi shanhte hpe dai nam mali hkan e mali shi ning tup kayin hkawm shangun kau ai, rai nga ai.

KASA 13:18

Bai, mali shi ning daram, nam mali hkan e shanhte a akyang hpe sharang ya nna,

TARA JAHPRANG 2:7

Kaning rai nme law, na a Karai Kasang Yehowa gaw lam shagu hta nang hpe shaman ya nit dai; ndai nam mali kaba hta e nang hkawm sa wa ai lam hpe shi dum ya nga ai; ndai mali shi ning tup na a Karai Kasang Yehowa gaw nang hte rau nga nga sai rai nna, nang hpa mung n ra hkra rai nit dai,’ ngu nngai.

HEBRE 4:1

Dai re ai majaw, shi a ban sa ai de shang lu na, ga sadi naw nga nga dingsa, nanhte hta na langai ngai dai de hkoi n dep lu na hpe, anhte myit tsang nga ga.

YAWSHU 14:10

Ya, yu u, Israela masha ni nam mali hkan e kayin hkawm nga ai nhtoi hte ting hta, Yehowa Mawshe hpe shing nga tsun ai shani kaw nna ya du hkra, Yehowa a ga hte maren, mali shi manga ning tup nye a asak hpe jahkrung da ya ni ai rai nna, dai ni nye a asak matsat shi manga ning du sali ai.

SHINGRAN 11:3

Bai, nye a sakse yan lahkawng hpe ngai ahkang jaw na mawe ai rai nna, shan gaw lachyit nba bu hpun let, nhtoi hkying mi ni tsa e kru shi ya tup, myihtoi htoi na mara ai.”

1 SAMUELA 2:30

Dai hku galaw myit dai majaw, Israela Karai Kasang Yehowa tsun ai gaw, ‘Na amyu, nanhte lakung gaw nye a man e tut tut hkawm sa lu na ra ai,’ ngu nna ngai tsun kau rai timung, Yehowa bai tsun u ga: ‘ngai e shagrau ai ni hpe sha ngai shagrau na we ai; ngai hpe n gawn n sawn re ai ni gaw arawng hpoi mat na mara ai.