BU HKAWM 14:16 - Jinghpaw Hanson Version Bible

¹⁶ Yehowa dai masha ni hpe, shi jaw na nga nna dagam da ai mung de, n jashawn lu wu ai majaw, nam mali e shanhte hpe sat kau da wu ai, nga nna tsun shajang na mara ai.

Jinghpaw Common Language Bible 2009

¹⁶ ga sadi jaw da ai mungdan de nang n woi wa lu ndai majaw na a amyu masha ni hpe nam mali kata e sat kau nu hka, nga nna tsun na mara ai.

BU HKAWM 14:16 ပူးပေါင်းရင်းမြစ်များ

PRU MAT 32:12

Karai Kasang gaw myit magaw myit nna shanhte hpe nam mali hkan e sat kau ai hte ga ntsa na shanhte hpe shaprai kau na sha shaw wa wu ai, nga nna Egutu masha ni tsun shara hpa rai sharawng na rai ta? Na a pawt bu ai masin hpe shakawp la u; na a amyu hpe ning rai ari jaw na myit gaw kayin kau u.

BU HKAWM 14:17

Dai re ai majaw, Yehowa gaw myit galu kaba ai hte matsan dum n-gaw nwai rawng ai wa, yubak hte tara tawt lai ai lam hpe raw dat kau ya timung, mara lu ai wa hpe kaman san san n dat kau ai sha, kawa ni a yubak kasha ni hta prat masum prat mali du hkra, htang jaw nga ai wa,

TARA JAHPRANG 9:28

dai n rai yang, anhte hpe shaw wa ai mung na ni, Yehowa gaw shi a ga ndat jaw da ai mung de shanhte hpe n shawn lu wu ai majaw mung, nam mali hkan e sat kau na nga shanhte hpe shaw wa mu hka,’ nga na mara ai.

YAWSHU 7:7

Yawshu gaw, “Ala, Yehowa Madu e, ndai amyu masha ni hpe Amori masha ni a lata de ap nna jahten kau na matu, Yawdan hka ndai hkran de hpa rai nang woi rap wa n ta? anhte Yawdan hka wora hkran e myit shatawng nna nga nga sa na e le!

YAWSHU 7:9

Hkanani masha ni hte ndai mung na masha ni nlang ndai na na mara ai rai nna, anhte hpe sa wang nhtawm, anhte a mying hpe ga ntsa na shamyit kau ya na mara ai; dai rai nna na a galu kaba ai mying ningsang matu, kaning di na wu ta?” nga nna sa lajin wu ai.