BU HKAWM 14:13 - Jinghpaw Hanson Version Bible

¹³ Shaloi Mawshe Yehowa hpe, “Nang na a nsam kaba hte ndai amyu hpe Egutu masha ni a kata na shaw wa nit dai rai nna, shanhte ndai lam na yang, ndai mung na masha ni hpe bai htawn shana na maru ai:

Jinghpaw Common Language Bible 2009

¹³ Rai ti mung Mawshe chyawm gaw dai Madu hpe, “Shanhte hpe Egutu mung kaw na na a daru magam n-gun hte woi shapraw wa nit dai. Na a amyu masha ni hpe galaw ai lam Egutu masha ni na ma yang,

BU HKAWM 14:13 ပူးပေါင်းရင်းမြစ်များ

SHAKAWN KUNGDAWN 106:23

Shaloi shanhte hpe jahten na shi maw nga ai: Rai timung, shi lata la ai Mawshe gaw Shi a man e tsap nga nna, shanhte hpe n jahten mu ga, Shi a myit hpe shakawp ya wu ai.

YEREMIA 15:1

Bai Yehowa ngai hpe tsun ai gaw, Mawshe yan Samuela pyi nye a man e tsap timung, ndai amyu hpe ngai matsan dum na, n rai: ngai kaw na shanhte hpe shaden kau mu; shanhte pru wa mu ga.

EZEKELA 20:14

Rai timung, shanhte hpe shaw wa ai chyeju hpe mu ai maigan amyu ni a man e, nye a amying ningsang jahpoi kau ai n hkrum hkra, de a matu ngai shakut sharang nngai.

EZEKELA 20:9

Rai timung, shanhte nga ai maigan amyu ni a man e, nye mying ningsang jahpoi kau ai n hkrum hkra, de a matu ngai shakut sharang nna, maigan amyu ni a man e, shanhte hpe nye hkum shadan dan let, shanhte hpe Egutu mung na shaw woi wa nngai.”

TARA JAHPRANG 32:27

Shanhte hpe tsan tsan ga de ngai shabra kau nna, Masha amyu hta na kadai n dum hkra shamyit kau na, myit se ai.

1 SAMUELA 12:22

Yehowa gaw shi a ningsang mying hpe tau nna, shi a masha ni hpe n kau na wu ai: kaning rai nme law, nanhte hpe shi a amyu shatai da na matu, Yehowa ra da wu ai.