BU HKAWM 14:11 - Jinghpaw Hanson Version Bible

¹¹ Shaloi Yehowa Mawshe hpe, “Ndai amyu gaw gaten du hkra ngai hpe n gawn n sawn rai nga na ma ta? shanhte hta ngai madun ai lamik kumla ni hpe mu lu ninglen gaten du hkra ngai hpe naw n kam na ma ta?

Jinghpaw Common Language Bible 2009

¹¹ Dai Madu gaw Mawshe hpe, “Ndai amyu masha ni galoi aten du hkra ngai hpe n hkap la na rai ma ta? Shanhte hpe ngai galaw dan sai mauhpa lamik kumla law law hpe mu nga ninglen ngai hpe kam sham na matu galoi aten du hkra shanhte ningdang nga na rai ma ta?

BU HKAWM 14:11 ပူးပေါင်းရင်းမြစ်များ

SHAKAWN KUNGDAWN 106:24

Dai pyaw ai mungdan hpe, shanhte matsat kau mu ai, Shi a ga hpe mung n kam n sham ma ai.

SHAKAWN KUNGDAWN 78:22

Karai Kasang hpe shanhte n kam nna, Shi a hkye hkrang la ai lam hta, n hpa ma ai.

SHAKAWN KUNGDAWN 78:32

Rai timung, shanhte yubak naw galaw nna, Shi a mauhpa amu n kam n sham ma ai.

SHAKAWN KUNGDAWN 95:8

Meriba hte, nam e nga ai Masa a makau na zawn, Nanhte a myit masin hpe hkum shaja myit.

PRU MAT 10:3

Shaloi Mawshe ya Arun gaw Hpara-u kaw sa shang nna, Hebre masha ni a Karai Kasang Yehowa ning nga ai: “Nang nye a man e na a myit n shagrit ai galoi du hkra nga na ta? nye a amyu ngai hpe sa naw jau mu ga, shanhte hpe dat dat u:

PRU MAT 16:28

Dai majaw Yehowa gaw Mawshe hpe, “Ngai hkang da ai lam hte nye a tara hpe nanhte galoi du hkra ndang nga na myit ta?

PRU MAT 23:21

Shi a man e sadi nga mu, shi a ga madat mu; shi hpe hkum gumlau et; nanhte shut ai mara shi raw dat dau na n rai; kaning rai nme law, nye a amying shi hta nang nga ai.

PRU MAT 32:9

Dai hta kaga Yehowa gaw Mawshe hpe, “Ndai amyu hpe ngai yu yu mase ai, du ja ai baw rai nga ma ai:

GA SHAGAWP 1:22

Myit n su ai ni e, nanhte gaw myit n su ai amu hta sharawng nga nna, Jahpoi asawng ai ni gaw jahpoi asawng ai lam hta pyaw nga na hte, Angawk angak re ai ni chye chyang ai lam hpe n dawng nga na gaw, gaten du hkra rai ta?

YEREMIA 13:10

Nye a ga n madat hkraw ai, tinang a myit ja ai hta hkan hkawm nna, hpara tsasam ni hpe nawku ai hte, daw jau na matu hkan nang ai, ndai n hkru ai amyu gaw, akyu n rawng ai, ndai shingkyit zawn tai mat na ra ai.

YEREMIA 4:14

Yerusalem e, nang hkye hkrang la ai hkrum lu hkra, na a kraw lawang na n hkru n hkra ai hpe kashin kau u: na a n shawp ai myit mang gaw, gaten du hkra nang hta shanu nga na rai ta?

EZEKELA 20:13

Rai timung, Israela dap gaw nam mali hkan e ngai hpe gumlau nga ai: shanhte gaw nye a matsun maroi ga hpe n hkan, nye a tara dara ai lam hpe kau da ma ai: dai lam ni chyawm gaw hkan nang ai wa a hkrung nga na lam rai nga ai; nye a laban nhtoi ni hpe mung shanhte grau awu asin di kau mu ai. Dai rai nna, shanhte hpe shamyit kau na matu, nye a pawt bu ai hpe, nam mali hkan e shanhte a ntsa e ru dat na, ngai tsun nngai.

HOSEA 8:5

Samari e, na a dumsu kasha hpe shi kau da nu ai; nye a pawt sindawng ai myit, nawku ai ni hpe kahtet nga ai: shanhte gaw gaten du hkra, san seng ai myit n rawng na ma hka?

ZEHKARIA 8:14

Kaning rai nme law, Zaw nawng zaw wa up ai Yehowa ning nga ai: “Nanhte a nji nwa ni gaw, ngai hpe pawt bu shangun yang, shanhte hpe ari ahpri jaw na, ngai myit shatawng da nna, myit n malai nga ai hte maren,

BU HKAWM 14:23

shanhte a kaji kawa ni hpe ngai jaw na ngu dagam da ai mung hpe, gaja wa teng teng n mu lu na ma ai; ngai hpe n gawn n sawn re ai ni langai mi muk dai hpe mu lu na n rai.

BU HKAWM 14:27

“Ngai hpe aput apai nga ai, ndai n hkru ai shawa hpung hpe galoi du hkra ngai sharang nga na rai ta? Israela kashu kasha ni ngai hpe aput apai nga ai gaw ngai na se ai.

BU HKAWM 32:10

Dai shani e Yehowa pawt bu ai hte,

MAHTE 17:17

Yesu htan nna “Makam masham n rawng ai hte nhtan shai ai amyu e, ngai nanhte hte rau gaten du hkra nga nga lu na rai ta? gaten du hkra, nanhte hpe sharang nga lu na rai ta? ngai hpang de shi hpe woi sa marit,” ngu wu ai.

MARKU 9:19

Dai rai nna Yesu gaw, “Makam masham n rawng ai amyu e, gaten du hkra ngai nanhte hte rau nga nga lu na rai ta? gaten du hkra nanhte hpe sharang nga lu na rai ta? shi hpe ngai hpang de woi sa marit,” ngu nna htan mu ai.

YAWHAN 10:38

Dai ngai galaw nngai rai yang gaw, ngai e n kam timung, ngai hta nye Wa nga nga ai mung, nye Wa hta ngai nga nga ai mung, nanhte mu chye nna chye na lu myit ga, dai amu ni hpe kamsham mu,” ngu nna shanhte hpe htan mu ai.

YAWHAN 12:37

Lamik kumla ndai hte wa shanhte a man e shi madun dan mu timung,

YAWHAN 15:24

Masha kaga n di lu ai amu, ngai shanhte hta n di nngai rai taw gaw, shanhte hta mara n nga na re ai: ya chyawm gaw shanhte ngai hte nye Wa hpe mu da ninglen, an lahkawng hpe n dawng n yawt rai masai.

TARA JAHPRANG 1:32

Rai timung, nanhte sum gap na dabang tam nna, nanhte sa wa na lam hpe madun ya na nga, shana e wan hta, shani e sumwi hta nanhte a shawng e hkawm sa wa ai nanhte a Karai Kasang Yehowa hpe

HEBRE 3:16

na la lu ninglen pawt bu shangun ai ni gaw, kadai ni rai nga ma ta? Mawshe a lata e Egutu mung na pru wa lu ai ni nlang hte, n rai ma ni?

HEBRE 3:18

Shi a ban sa ai de n shang lu na ma ai, nga nna dagam kau hkrum ai ni gaw, madat mara ai myit n rawng ai ni sha, n rai ma ni?

HEBRE 3:8

Nam e chyam yu nna, pawt bu shangun ai nhtoi e zawn, Nanhte a myit masin hpe hkum shaja myit.