BU HKAWM 13:33 - Jinghpaw Hanson Version Bible

³³ Nehpelim ngu ai amyu hta na prat ai Anak a kashu kasha Nehpelim masha ni hpe mung anhte mu da sagaw ai: shanhte a man e anhte gaw hkagrit hkadawn zawn she nawn ai wa rai nga ai; shanhte mung anhte hpe dai zawn sha a nawn kau na mi ai,” nga nna tinang sa yu da ai mung a lam Israela kashu kasha ni hpe shiga chyahten wa tsun dan mu ai.

Jinghpaw Common Language Bible 2009

³³ dai mung na Anak a amyu matu ngu na hkum hkrang galu kaba ai ni hpe pyi anhte mu da ga ai. Anhte gaw shanhte a man e kaji la ai hkagrit hkadawn ni zawn rai nna shanhte hpe anhte sharawt mada na pyi n gwi ga ai,” ngu nna tsun dan ma ai.

BU HKAWM 13:33 ပူးပေါင်းရင်းမြစ်များ

NINGPAWT NINGHPANG 6:4

Dai aprat e Nehpelim ngu ai ni ga n ntsa e nga nga ma ai; Karai Kasang a shadang sha ni shinggyim masha ni a shayi sha ni hte nga nna, kashu kasha shaprat ya mu ai hpang e mung, dai ni gaw naw nga nga ma ai: shanhte gaw moi nna n-gun nsam kaba ai hte kajai gumhkawng ai ni rai nga ma ai.

1 HKAWHKAM LABAU 11:23

Hkum shing-yan dawng manga tsaw ai Egutu masha langai mi hpe mung shi sat kau wu ai: dai Egutu masha a lata hta dahkaw daram kaba ai ri numdu lang nga timung, Benaia gaw dawhkrawng sha lang let, sa wa nna, Egutu masha a lata na ri kashum la nhtawm, dai ri hte shi hpe sat kau wu ai.

ESAIA 40:22

Lamu madin ntsa e dung nna, de a npu e shanu nga ai ni hpe, dinggam-yaw zawn nawn ai wa gaw, Shi nan rai nga ai: shi gaw sumsing lamu hpe nba zawn grang nna, shanu na matu sum zawn kahpyen da wu ai.

BU HKAWM 13:22

Shing rai shanhte dingda maga hku jawt hkawm wa nna, Hebron mare de du ma ai; dai yang e Anak a kashu kasha Ahiman, Sheshai, Talmai ni nga ma ai: Hebron mare chyawm gaw, Egutu mung na Zoan mare garai n de yang sanit ning a shawng e de sai rai nga ai.

BU HKAWM 13:28

Rai timung, dai mung na masha ni gaw n-gun ja ai hkrai rai ma ai: mare ni mung, bunghku kum ai hte grai kaba malu ai; dai hta n-ga Anak a amyu masha ni hpe mung anhte mu da sagaw ai.

BU HKAWM 14:1

Shaloi dai shawa hpung yawng tinang a nsen shaja nna jahtau shabam ma ai; amyu masha ni dai shana tup hkrap nga ma ai.

TARA JAHPRANG 1:28

Anhte gade wa lung wa na i? anhte a hpunau ni mung, Dai mung na masha ni gaw, anhte hta grau kaba ma ai, shing-yan mung grau galu ma ai; mare ni mung kaba ai hte, bunghku ni gaw lamu dep malu ai; dai hta kaga, dai mung hta e Anakim amyu masha ni hpe anhte mu gaw ai, nga nna anhte hpe minla byaw shangun ma ni ai,’ nga nna nanhte gaw tinang a sum ni hta aput myit dai.

TARA JAHPRANG 2:10

(Moi shawng de, Anakim masha ni zawn hkum shing-yan tsaw ai hte galu kaba nna law htam nga ai Emim amyu masha ni gaw dai mung hta e nga nga ma ai.

TARA JAHPRANG 3:11

(Kaning rai nme law, Rehpim ngu ai amyu hta na hkrat ai, Bashan hkawhkam Oga chyu sha ngam nga sai; yu u, shi a yup ku gaw hpri yup ku rai nga ai: dai gaw Amon kashu kasha ni a mung na Raba mare hta nga nga lu ai n rai ni? masha a dawng hku sawn yang, dai gaw galu de dawng jahku, nda de dawng mali rai nga ai.)

TARA JAHPRANG 9:2

‘Anak masha ni a man e kadai wa tsap lu a ta?’ nga ai ga nang na yu nna chye lu ai, dai Anakim ngu ai galu kaba ai hte shing-yan hkra ai amyu hpe mung gasat gawt kau lu na matu, dai ni Yawdan hka wora hkran rap lu ningtawn rai nit dai.

YAWSHU 11:21

Dai hte yang Yawshu sa nna, Anak masha ni hpe bum ga hkan na mung, Hebron, Debira hte Anab mare na mung, Yuda bum ga hkan na mung, Israela bum ga hkan na mung, jahtum kau wu ai: Yawshu gaw shanhte hte shanhte a mare ni hpe atsai awai shamyit kau mu ai.

YAWSHU 14:12

Dai rai nna, dai shani e Yehowa tsun ai bum ndai ngai hpe jaw e; dai bum hta Anak masha ni nga ai mung, mare bunghku ngang ai mare kaba ni nga ai mung, dai shani nang na nit dai: Yehowa ngai hte rau nga nga yang gaw, Yehowa a ga hte maren ngai shanhte hpe shachyut kau lu na a dawng,” ngu nna Yawshu hpe hpyi wu ai.

YAWSHU 15:14

Hkaleb gaw dai mare na Anak a kasha masum, Sheshai, Ahiman, Talamai hte hpe shachyut kau nhtawm,

1 SAMUELA 17:24

Israela masha ni yawng dai wa hpe mu jang, nachying hkrit ai hte hprawng ma ai.

1 SAMUELA 17:42

Dai Hpilisti wa chyawm gaw Dawi hpe mu jang n gawn n sawn rai nga ai; kaning rai nme law, Dawi mahtang hkum naw hkalung ai hte, myi man hkyeng nna, ahpraw tsawm nga ai.