BU HKAWM 13:32 - Jinghpaw Hanson Version Bible

³² Bai shanhte gaw, “Anhte sa yu ai mung gaw, tinang a mung masha ni hpe sha kau ai mung rai nga ai: dai hta anhte mu ai masha yawng gaw hkumhkrang galu kaba ai hkrai rai ma ai:

Jinghpaw Common Language Bible 2009

³² Dai rai nna shanhte gaw shanhte hkan yu maram da sai mungdan hte seng nna Israela masha ni a lapran hta n teng ai shiga hpe shamawng dat ma ai. Shanhte gaw, “Dai mungdan hta nga nga ai masha ni sha na lusha pyi dai mung kaw nna alaw alam shapraw ya lu nga ai n rai. Anhte mu kau da sai masha shagu mung hkum hkrang grai galu kaba nga ma ai hte

BU HKAWM 13:32 ပူးပေါင်းရင်းမြစ်များ

2 SAMUELA 21:20

Bai kalang mi Gat mare hta e gasat nga ai rai nna, hkum shing-yan galu ai hte lata maga mi layung kru kru, lagaw maga mi layung kru kru, yawng layung hkun mali tu ai, Rehpim masha langai mi mung,

1 HKAWHKAM LABAU 20:6

Gat mare hta e hpyen majan bai baw pru sai: dai yang e hkum shing-yan tsaw ai hte lagaw lata maga mi kru kru tu nna, yawng hkun mali tu ai wa langai mi nga ai; shi mung Rehpim amyu na rai nga ai.

SHAKAWN KUNGDAWN 106:24

Dai pyaw ai mungdan hpe, shanhte matsat kau mu ai, Shi a ga hpe mung n kam n sham ma ai.

EZEKELA 36:12

Gaja wa, nye a amyu Israela masha ni hpe, ngai nanhte a ntsa e hkawm chyai shangun na nngai; shanhte gaw nanhte hpe madu lu nna, nanhte gaw shanhte a sali wunli ga tai na myit dai: htawm hpang e nanhte a majaw shanhte a kashu kasha ni si na n rai.”

AMO LAIKA (AMOS) 2:10

Amori masha ni a mungdan hpe madu lu na matu, ngai nanhte hpe Egutu mung na woi shapraw nna, mali shi ning tup, nam mali hkan e woi lakawn wa nngai.

AMO LAIKA (AMOS) 2:9

Rai timung ngai gaw, arit hpun hte maren tsaw nna, wamyi hpun zawn ja ai Amori masha ni hpe, shanhte a man e shaza kau ni ai: gaja wa, ndung de na asi hpe mung, npawt de na aru hpe mung ngai shaza kau nngai.

BU HKAWM 13:28

Rai timung, dai mung na masha ni gaw n-gun ja ai hkrai rai ma ai: mare ni mung, bunghku kum ai hte grai kaba malu ai; dai hta n-ga Anak a amyu masha ni hpe mung anhte mu da sagaw ai.

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

TARA JAHPRANG 1:28

Anhte gade wa lung wa na i? anhte a hpunau ni mung, Dai mung na masha ni gaw, anhte hta grau kaba ma ai, shing-yan mung grau galu ma ai; mare ni mung kaba ai hte, bunghku ni gaw lamu dep malu ai; dai hta kaga, dai mung hta e Anakim amyu masha ni hpe anhte mu gaw ai, nga nna anhte hpe minla byaw shangun ma ni ai,’ nga nna nanhte gaw tinang a sum ni hta aput myit dai.