BU HKAWM 13:31 - Jinghpaw Hanson Version Bible

³¹ Shi a manang gale ni chyawm gaw, “Dai mung masha ni hpe anhte n dang lu law; shanhte anhte hta n-gun grau ja nga ma ai mi,” nga ma ai.

Jinghpaw Common Language Bible 2009

³¹ Rai ti mung Hkaleb hte rau hkawm sa ai ni chyawm gaw, “N rai law, shanhte hpe htim gasat na anhte hta n-gun atsam n law nga ga ai; dai mungdan na masha ni gaw anhte hta grau n-gun ja ma ai,” ngu nna tsun ma ai.

BU HKAWM 13:31 ပူးပေါင်းရင်းမြစ်များ

BU HKAWM 13:30

Shaloi Hkaleb gaw, “Sa, ya jang rawt nna dai mung hpe lung madu la sagaw; a dang kau lu na ga ai,” nga nna Mawshe a man e amyu masha ni hpe jasim wu ai.

BU HKAWM 32:7

Yehowa jaw ai mung hpe Israela kashu kasha ni n rap la na hku, shanhte a myit hpe hpa rai jahten na myit ta?

BU HKAWM 32:9

Shanhte gaw Eshkola kadit du hkra sa nna, dai mung hpe mada yu da nhtawm, Yehowa jaw ai mung de Israela kashu kasha ni n shang sha na hku, shanhte a myit hpe jahten ya mu ai.

TARA JAHPRANG 1:28

Anhte gade wa lung wa na i? anhte a hpunau ni mung, Dai mung na masha ni gaw, anhte hta grau kaba ma ai, shing-yan mung grau galu ma ai; mare ni mung kaba ai hte, bunghku ni gaw lamu dep malu ai; dai hta kaga, dai mung hta e Anakim amyu masha ni hpe anhte mu gaw ai, nga nna anhte hpe minla byaw shangun ma ni ai,’ nga nna nanhte gaw tinang a sum ni hta aput myit dai.

TARA JAHPRANG 9:1

Israela amyu e, madat mara la u: nang hta grau kaba nna, n-gun grau ja ai amyu ni hpe mung, lamu ganghkau dep ai bunghku e shinggrup ai mare kaba ni hpe mung,

HEBRE 3:19

Dai rai nna, kamsham ai myit n rawng ai majaw, shanhte n shang lu ma ai hpe, anhte chye lu ga ai.

YAWSHU 14:8

Ngai hte rau lung wa ai hpunau manang ni amyu masha ni a myit hten na lam tsun ma timung, ngai chyawm gaw nye a Karai Kasang Yehowa ahkang htep lahti hkan ni ai.

1 SAMUELA 17:33

Shawlu gaw, “Nang dai Hpilisti masha hpe n sa gasat lu law; nang ma sha naw rai nga ndai; dai wa gaw, kaji kaw nna majan gun man sai,” ngu nna Dawi hpe tsun wu ai.