BU HKAWM 13:30 - Jinghpaw Hanson Version Bible

³⁰ Shaloi Hkaleb gaw, “Sa, ya jang rawt nna dai mung hpe lung madu la sagaw; a dang kau lu na ga ai,” nga nna Mawshe a man e amyu masha ni hpe jasim wu ai.

Jinghpaw Common Language Bible 2009

³⁰ Mawshe hpe aput nga ai amyu masha ni hpe shazim na matu Hkaleb mahtang, “Anhte ya jang htim gasat nna dai mungdan hpe madu la saga; dai mungdan hpe dang la lu na n-gun atsam anhte hta alaw wa lu nga ga ai,” ngu nna tsun wu ai.

BU HKAWM 13:30 ပူးပေါင်းရင်းမြစ်များ

SHAKAWN KUNGDAWN 60:12

Karai Kasang hte anhte nlaw lu na ga ai, Shi anhte a hpyen ni hpe, kabye kau na mu ai.

BU HKAWM 13:29

Amalek masha ni gaw dingda maga de; Hiti, Yebusi, Amori masha ni gaw bum ga hkan e; Hkanani masha ni gaw nammukdara makau hte Yawdan hkan kau hkan e nga nga ma ai,” ngu nna tsun dan mu ai.

BU HKAWM 13:31

Shi a manang gale ni chyawm gaw, “Dai mung masha ni hpe anhte n dang lu law; shanhte anhte hta n-gun grau ja nga ma ai mi,” nga ma ai.

BU HKAWM 14:24

nye a shangun ma Hkaleb chyawm gaw, kaga re ai myit masin rawng ai hte nye a hpang htep lahti hkan nang ai majaw, shi kabye yu sai mung de ngai woi shawn nna, shi a kashu kasha ni dai hpe madu lu na mara ai.

BU HKAWM 34:19

Shanhte a amying gaw ndai rai nga ai: Yuda amyu hta na Yehpuna a kasha Hkaleb.

ROMA 8:31

Dai rai yang gaw, ndai hte hta anhte hpa tsun na ga ta? Karai Kasang gaw anhte a maga e nga nga a yang gaw, anhte hpe hpyen ai maga de kadai wa mi nga lu na a ta?

ROMA 8:37

N rai law, anhte hpe tsawra nga ai wa a majaw, ndai yawng hte hpe anhte grau nna hkap dang kau lu ai ni rai ga ai.

HPILIPI 4:13

ngai hpe n-gun lagaw shaja ya ai wa a majaw, lam shagu hpe ngai hkam lu nngai.

HEBRE 11:33

dai ni gaw, kamsham ai hte masha mungdan ni hpe dang kau lu ma ai, dinghpring ai lam shachyen lu ma ai, ga ndat ni hkam la lu ma ai, hkanghkyi a n-gup pat tawn lu ma ai: