BU HKAWM 13:27 - Jinghpaw Hanson Version Bible

²⁷ Shing rai shanhte gaw Mawshe hpe, “Nang anhte hpe shangun dat ai mung de anhte du saga ai; gaja wa dai mung gaw nga chyu hte lagat jahku lwi ai mung nan rai nga ai; namsi ndai ni gaw dai mung e si ai namsi rai nga ai.

Jinghpaw Common Language Bible 2009

²⁷ Shanhte gaw Mawshe hpe, “Anhte dai mungdan hpe hkan yu maram yu saga ai; dai mungdan gaw kaja wa ngamu ngamai ai sut hte ningru ningja ai ga rai nga ai hpe mu da saga ai. Yu mu, ndai namsi nkau mi gaw dai mung na rai nga ai.

BU HKAWM 13:27 ပူးပေါင်းရင်းမြစ်များ

NEHEMIA 9:25

Dai rai nna shanhte gaw, bunghku kum ai mare ni, ga sau rawng ai lamu ga, sutgan amyu myu hte hpring ai nta ni, tawk da ai hka htung ni, tsabyi sun ni, tsanlun sun ni hte namsi hpun law law wa lu la ma ai rai nna, shanhte hkru hkru kat kat sha lu ai hte, hpum wa let, na a galu kaba ai chyeju hta sharawng awng nga ma ai.”

PRU MAT 13:5

Nang hpe jaw na nga, na nji nwa ni hta dagam da ai, nga chyu hte latat jahku lwi ai, Hkanan, Hiti, Amuri, Hiwi, Yebusi masha ni nga ai mung de, Yehowa nang hpe woi tawn da ndai shaloi, ndai ta hta e ndai daw jau ai amu nang galaw lu na rai ndai.

PRU MAT 3:17

dai Egutu mung a ru tsang ai hta na ngai nanhte hpe shaw la nna, Hkanan, Hiti, Amori Hperizi, Hiwi hte Yebusi masha ni nga ai, nga chyu hte lagat jahku lwi ai mung de woi la na made ai, ngu nga nngai, nga nna ngai hpe tsun ai, ngu mu.

PRU MAT 3:8

shanhte hpe Egutu masha ni a lata na hkye hkrang la na hte dai mung kaw nna, Hkanan, Hiti, Amori, Hperizi, Hiwi hte Yebusi masha ni nga ai, ja kat ai hte kaba nga ai, nga chyu hte lagat jahku lwi ai mung de woi wa na ngai yu sa ring ngai.

PRU MAT 33:3

shing rai, nga chyu hte lagat jahku lwi ai mung de ngai nanhte hpe woi wa na made ai: rai timung, nang du ja ai amyu rai nga ndai majaw, lam hkan e ngai nang hpe n jahten kau n ga, ngai hkum nan nanhte a ka-ang e hkan sa lawm na n rai,” ngu nna tsun wu ai.

YEREMIA 11:5

nga nna hpri wan htung ngu ai Egutu mung kaw na nanhte a nji nwa ni hpe shaw woi wa ai shani e, nanhte hta ngai hkang da ai ga shaka hpe n madat ai wa gaw dagam dala hkrum mu ga, nga nna tsun yang, ngai gaw, Yehowa e, Amen, ngu nna htan we ai.

EZEKELA 20:15

Dai hta n-ga, mungdan ni mahkra hta grau kaja nna, ngai shanhte hpe jaw da sai, nga chyu hte lagat jahku lwi ai mung de, n woi wa na matu, nam mali e ngai shanhte hpe dagam ni ai:

EZEKELA 20:6

shanhte hpe Egutu mung na shapraw la nhtawm, mungdan ni mahkra hta grau kaja nna, shanhte a matu ngai san da ai, nga chyu hte lagat jahku lwi ai mung de woi jashawn na lam, ngai shanhte hpe dagam da nngai:

JAW JAU 20:24

Dai majaw, nga chyu hte lagat jahku lwi ai shanhte a mung hpe, nanhte dagraw la na sali wunli shatai na matu nanhte hpe jaw na ngu nna ngai tsun se ai: ngai gaw nanhte hpe amyu gale ni hte jahka la ai, nanhte a Karai Kasang Yehowa rai nga nngai.

BU HKAWM 14:7

Israela kashu kasha ni a shawa hpung ting hpe, Anhte kin-yu lung yu ai mung gaw nachying kaja ai mung rai nga ai:

BU HKAWM 14:8

Yehowa anhte hpe tsawra yang gaw, dai nga chyu hte lagat jahku lwi ai mung de, anhte hpe woi shawn nna madu shangun na mi ai.

BU HKAWM 16:13

ndai nam mali hta nang anhte hpe sat kau lu hkra, nga chyu hte lagat jahku lwi ai mung nna nang anhte hpe shapraw kau ai wa pyi n ram dum ai; ya mung anhte a ntsa e du agyi naw tai mayu n hka i?

BU HKAWM 16:14

Dai hta n-ga, nga chyu hte lagat jahku lwi ai mung de nang anhte hpe n woi wa; yi hkauna tsabyi sun sali mung n jaw re ai: ndai masha ni a myi baw kau ya mayu nni? an n lung na ga ai,” ngu nna htan dat mu ai.

TARA JAHPRANG 11:9

Yehowa nanhte a nji nwa ni hta, shanhte hte shanhte a amyu matu ni hpe jaw na nga dagam da ai mungdan, dai nga chyu hte lagat jahku lwi ai mung hta nanhte asak galu malit ga gaw, dai ni ngai nang hpe tawn da ya ai hkang da mada ga hpe nanhte hkan shatup lu na rai myit dai.

TARA JAHPRANG 26:9

Egutu mung na anhte hpe shaw woi wa nhtawm, nga chyu hte lagat jahku lwi ai ndai mungdan hta woi shawn tawn da ma ni ai.

TARA JAHPRANG 27:3

na nji nwa ni a Karai Kasang Yehowa ga ndat nga ai hte maren, nang hpe jaw ai mungdan, nga chyu hte lagat jahku lwi ai ga de shang sha na rap kawt lu jang, ndai jep ai tara ga nlang hte hpe dai nlung ni hta nang ka da na rai ndai.

TARA JAHPRANG 31:20

Kaning rai nme law, shanhte a kaji kawa ni hpe ngai dagam da ai hte maren, nga chyu hte lagat jahku lwi ai mung de shanhte hpe ngai shaw tawn nna, shanhte hkru hkru kat kat sha lu ai hte hpum sau ai shani e, Hpara shaje ni hpang de shanhte dam mat wa nna daw jau na mara ai; shanhte ngai hpe jahpoi nna nye a ga shaka run kau na mara ai.

TARA JAHPRANG 6:3

‘Israela amyu e, na nji nwa ni a Karai Kasang Yehowa a ga ndat nga nga sai hte maren, nga chyu hte lagat jahku lwi ai mung hta nanhte ngamu ngamai nna law htam wa myit ga,’ madat mara la nna hkan nang nga u.

YAWSHU 5:6

Kaning rai nme law, Egutu mung na pru wa ai Israela kashu kasha ni Yehowa a ga n madat ma ai rai nna, Yehowa anhte hpe jaw na nga nna kaji kawa ni hpe dagam da ai mungdan, nga chyu hte lagat jahku lwi ai ga hpe shanhte mu lu na n rai, nga nna Yehowa dagam kau ai majaw, shanhte hta na ri nhtu chye lang ai lasha wa-ngan nlang si htum ai du hkra, dai nam mali hkan e mali shi ning tup kayin hkawm wa ma ai.