BU HKAWM 13:26 - Jinghpaw Hanson Version Bible

²⁶ Bai wa ma yang shanhte gaw Mawshe yan Arun hte Israela kashu kasha hpung ting nga ai Paran mali Kadesha ngu ai shara de du wa nna, dai yan hte shawa hpung ting hpe shiga tsun dan let, dai mung na namsi ni madun dan mu ai.

Jinghpaw Common Language Bible 2009

²⁶ Kadesha shara hta nga ai Mawshe yan Arun hte Israela hpung shawa ting hpang de nhtang wa ma ai. Shanhte gaw shanhte mu mada sai lam ni hpe shiga wa jaw nhtawm la wa ai namsi namsaw ni wa madun dan ma ai.

BU HKAWM 13:26 ပူးပေါင်းရင်းမြစ်များ

NINGPAWT NINGHPANG 14:7

Dai de nna shanhte bai wa nhtawm, Kadesha ngu ai En-Mishpat de du ma yang, Amalek mung ting hpe mung, Hazazon-Htama e nga ai Amori masha ni hpe mung gasat dang kau mu ai.

SHAKAWN KUNGDAWN 29:8

Yehowa a nsen dai nam mali hpe ashun wu ai; Yehowa Kadesha nam mali hpe awam wu ai.

BU HKAWM 13:25

Ya shanhte gaw, nhtoi mali shi ya rai jang, dai mung hpe kin-yu yu ngut nna bai wa ma ai.

BU HKAWM 13:3

Shing rai Yehowa a ga hte maren, Mawshe gaw Paran mali kaw nna kin-yu masha shangun dat wu ai: shangun dat ai ni yawng gaw, Israela kashu kasha ni hta na du agyi ni hkrai rai ma ai.

BU HKAWM 20:1

Ya Israela kashu kasha ni a hpung nlang hte gaw, shata langai ngu na hta Zin ngu ai nam mali de du nna, amyu masha ni gaw Kadesha shara e nga nga ma ai: dai yang e Miriam si nna lup makoi ma ai.

BU HKAWM 20:14

Ya Mawshe gaw Kadesha kaw nna Edom hkawhkam hpang de kasa shangun dat nna, “Na nnau Israela ning nga dat ai: Anhte hkrum ai nni nkri yawng hpe nang chye nga ndai;

BU HKAWM 20:16

dai rai nna, anhte Yehowa hpe jahtau shaga yang shi lamu kasa shangun dat nna Egutu mung na anhte hpe hkrang shaw la mi ai: ya, yu u, na lamu ga shingnawm Kadesha mare e anhte nga nga ga ai.

BU HKAWM 32:8

Dai mung hpe yu yu na matu, nanhte a kawa ni hpe Kadesha-barnea kaw nna ngai shangun dat ai shaloi mung, ndai zawn rai masai.

BU HKAWM 32:9

Shanhte gaw Eshkola kadit du hkra sa nna, dai mung hpe mada yu da nhtawm, Yehowa jaw ai mung de Israela kashu kasha ni n shang sha na hku, shanhte a myit hpe jahten ya mu ai.

BU HKAWM 33:36

Ezion-gebera shara na htawt ai gaw Kadesha ngu ai Zin nam mali e but ma ai.

TARA JAHPRANG 1:19

Dai hpang Horeb bum na anhte htawt hkawm wa nhtawm, anhte a Karai Kasang Yehowa hkang dat mi ai hte maren, Amori masha ni nga ai bum hprang ai lam hku sa wa yang, nanhte mu da ai dai hkrithpa nam mali kaba ting hpe anhte ga lai kau da nna, Kadesha harnea de du ga ai.

TARA JAHPRANG 1:2

Horeb bum kaw nna Siera bum hku lung wa yang, Kadesha-barnea du hkra nhtoi shi langai ya sat rai nga ai.

YAWSHU 14:6

Shaloi Yuda a kashu kasha ni gaw Gilgala dap e Yawshu kaw sa nna, Kenizi lakung Yehpuna a kasha Hkaleb gaw, “Yehowa, Kadesha-barnea e nang hte an a lam Karai Kasang a shangun kasa Mawshe hpe tsun wu ai ga hpe nang chye nga ndai.

YAWSHU 14:7

Ndai mung hpe kin-yu sa yu na Kadesha-barnea kaw nna Karai Kasang a shangun kasa Mawshe ngai hpe shangun dat ai shaloi, nye a asak mali shi ning rai li ai; ngai mung, ngai myit lu ai hte maren wa tsun dan nngai.