BU HKAWM 13:22 - Jinghpaw Hanson Version Bible

²² Shing rai shanhte dingda maga hku jawt hkawm wa nna, Hebron mare de du ma ai; dai yang e Anak a kashu kasha Ahiman, Sheshai, Talmai ni nga ma ai: Hebron mare chyawm gaw, Egutu mung na Zoan mare garai n de yang sanit ning a shawng e de sai rai nga ai.

Jinghpaw Common Language Bible 2009

²² Shanhte gaw dingda daw de shawng shang sa nna Anak ngu ai galu kaba ai amyu matu mara ni rai nga ai Ahiman, Sheshai hte Talamai lakung lama ni nga ai Hebron mare de du shang ma ai. (Hebron mare gaw Egutu mung na Zoan mare garai n de yang sanit ning shawng nna de nga sai mare re.)

BU HKAWM 13:22 ပူးပေါင်းရင်းမြစ်များ

NINGPAWT NINGHPANG 13:18

Shaloi Abram gaw shi a sum htawt nna, Hebron mare na wamyi hpun tu ai Mamre ngu ai shara a makau e shang nga nga ai: dai yang e mung Yehowa a matu tawn hkungri shi galaw wu ai.

2 SAMUELA 2:1

Dai hpang Dawi gaw, Yehowa hpe, “Ngai Yuda mare langai ngai de sa wa mai na a ni?” Ngu nna san yu wu ai. Yehowa mung, “Wa su,” nga ai. Bai Dawi gaw, “Gara mare de wa yang mai na a ta?” ngu nna bai san wu yang, “Hebron mare de wa su,” nga ai.

2 SAMUELA 2:11

Dawi gaw, Yuda amyu hpe up nna Hebron mare e dung nga ai gaw, sanit ning e shata kru rai nga ai.

2 SAMUELA 21:16

Dai re ai majaw, Rehpim amyu matu rai nna, magri shekela latsa li ai ri tu lang let, hpyen hking ningnan sumraw ai Ishbi-beno gaw Dawi hpe sat na maw nga ai.

SHAKAWN KUNGDAWN 78:12

Shi gaw shanhte a kaji kawoi ni a man e, Egutu mung na Zuan prang hta e, mauhpa amu galaw wu ai.

SHAKAWN KUNGDAWN 78:43

Shi gaw, Egutu mung hta e shi a lamik, Zuan prang hta e shi a kumla, madun dan mu ai.

ESAIA 19:11

Gaja wa, Zoan du ni gaw mana wa masai; Hpara-u a bawmung ni hta hpaji grau rawng ai wa gaw, angawk ai hpaji daw nga ai; Ngai gaw hpaji rawng ai amyu, moi na hkawhkam ni a aru arat, rai nga nngai, nga nna Hpara-u hpe hpa majaw tsun myit ta?

ESAIA 19:13

Zoan du ni gaw mana masai; Nopa du ni gaw, shut masai; Egutu mung a amyu ni a njut nlung ni gaw, shi hpe lam shadam mu ai.

ESAIA 30:4

Shanhte a du ni gaw Zoan mare de, shanhte a kasa ni gaw Hanet mare de, du masai.

BU HKAWM 13:17

Shing rai Mawshe gaw Hkanan mung hpe kin-yu sa yu na matu shanhte hpe shangun dat nna, Ya nanhte dingda maga lam hku sa wa nna, bum ga de lung wa masu:

BU HKAWM 13:28

Rai timung, dai mung na masha ni gaw n-gun ja ai hkrai rai ma ai: mare ni mung, bunghku kum ai hte grai kaba malu ai; dai hta n-ga Anak a amyu masha ni hpe mung anhte mu da sagaw ai.

BU HKAWM 13:33

Nehpelim ngu ai amyu hta na prat ai Anak a kashu kasha Nehpelim masha ni hpe mung anhte mu da sagaw ai: shanhte a man e anhte gaw hkagrit hkadawn zawn she nawn ai wa rai nga ai; shanhte mung anhte hpe dai zawn sha a nawn kau na mi ai,” nga nna tinang sa yu da ai mung a lam Israela kashu kasha ni hpe shiga chyahten wa tsun dan mu ai.

TARA JAHPRANG 9:2

‘Anak masha ni a man e kadai wa tsap lu a ta?’ nga ai ga nang na yu nna chye lu ai, dai Anakim ngu ai galu kaba ai hte shing-yan hkra ai amyu hpe mung gasat gawt kau lu na matu, dai ni Yawdan hka wora hkran rap lu ningtawn rai nit dai.

YAWSHU 10:36

Bai Yawshu gaw Israela masha ni mahkra hte rau Eglon mare nna Hebron de htawt nhtawm dai de gasat ma ai:

YAWSHU 21:13

Shing rai hkinjawng Arun a kashu kasha ni hpe, masha hkala sat hkrup ai wa a shingbyi mare tai na matu Hebron hte de a ginwang ga, Libna hte de a ginwang ga;

TARA AGYI 1:10

Bai Yuda masha ni gaw Hebron e nga ai Hkanani masha ni hpe sa gasat nna, Sheshai, Ahiman hte Talamai hpe sat kau mu ai: Hebron mare a shawng na amying gaw Kiriat-arba rai nga ai.

1 SAMUELA 30:31

Hebron mare ni hte, Dawi shi hkum hte shi a masha ni shingbyi nga ga ai kahtawng mare shagu de jaw dat wu ai.