BU HKAWM 13:20 - Jinghpaw Hanson Version Bible

²⁰ dai mung na lamu ga gaw hpun rawng malu ai kun, n rawng malu ai kun; nam maling law ai kun, n law ai kun, yu wa marit. Nden ja ai myit hte sa wa mu; dai mung na namsi loi mi mung la wa yu mi, ngu nna hkang dat mu ai. Dai ten gaw tsabyi si nnan myin wa ai aten rai nga ai.

Jinghpaw Common Language Bible 2009

²⁰ Namhpun kaja ai, nam maling law ai mung yu wa mi. Dai mung hta tu ai namsi namsaw nkau mi hpe la wa na hkum malap kau myit,” ngu nna htet dat wu ai. (Dai aten gaw sabyi si myin hpang wa ai aten rai nga ai.)

BU HKAWM 13:20 ပူးပေါင်းရင်းမြစ်များ

1 HKAWHKAM LABAU 22:11

Ya ngai sha e, Yehowa nang hte rau rai nga u ga; nang galu kaba wa nna, Yehowa na a lam tsun ai hte maren, na a Karai Kasang Yehowa a nta hpe galaw da u.

NEHEMIA 9:25

Dai rai nna shanhte gaw, bunghku kum ai mare ni, ga sau rawng ai lamu ga, sutgan amyu myu hte hpring ai nta ni, tawk da ai hka htung ni, tsabyi sun ni, tsanlun sun ni hte namsi hpun law law wa lu la ma ai rai nna, shanhte hkru hkru kat kat sha lu ai hte, hpum wa let, na a galu kaba ai chyeju hta sharawng awng nga ma ai.”

NEHEMIA 9:35

Na a chyeju myit kaba a jaw e, nang shanhte hpe jaw da ai mungdan hte, ga sau rawng nna dam lada ai lamu ga hta nga lu timung, shanhte nang hpe n daw n jau ai hte, tinang a n hkru ai amu ni hpe koi kau da ma ai, n rai.

EZEKELA 34:14

Udat shara kaja hta ngai shanhte hpe rem na nngai; tsaw ai Israela bum ntsa e shanhte a wulawng rai na ra ai; dai yang e ulawng kaja hta, shanhte hpum nga nna mara ai; Israela bum ntsa e, tsit lali ai udat shara hta shanhte sha nga na mara ai.

Daniela 11:24

Ginwan gale ai aten e shi gaw dai mungdaw a ga sau htum ai shara ni hta du nna, shi a kawa mung, shi a kaji kawa ni mung, n galaw yu ai lam, shi galaw na ra ai: shi gaw hkan nang ai ni hpe lanep, arung arai hte sutgan karan ayai na ra ai: gaja wa shi gaw, hpyen majan baw na lam, tawng marang mi hpaji daw na ra ai.

MIHKA 7:1

Ngai dingnye lu nngai; kaning rai nme law, myin ai namsi di la kau ai hte, tsabyi si nlim gut ai hpang hti nga ai wa zawn ngai rai nga nngai: sha na matu tsabyi si sumbaw langai mi n nga ai; shawng myin ai lakum si hpe ngai marit nga nngai.

BU HKAWM 13:19

shanhte nga ai mung gaw kaja malu ai kun, n kaja malu ai kun; shanhte nga ai mare ni gaw kaning re ai mare rai malu ai kun; janghpang sum hta, shing n rai bunghku kum ai mare hta nga ma ai kun;

TARA JAHPRANG 1:24

shanhte mung bum ga hku kayin lung wa nna, Eshhkola kadit du hkra yu kau da mu ai.

TARA JAHPRANG 1:25

Shing rai dai mung na namsi shanhte di hpai nna, anhte hpang de la wa let, Anhte a Karai Kasang Yehowa anhte hpe jaw ai mungdan gaw mung kaja rai nga ai,’ ngai nna, wa tsun mi ai.

TARA JAHPRANG 31:23

Nun a kasha Yawshu hpe mung, “N-gun da ting u, myit nden shaja u; ngai dagam da ai mungdan de Israela kashu kasha ni hpe nang woi shawn na rai ndai; nang hte rau ngai nga nga na ring ngai,” ngu nna hkang da wu ai.

HEBRE 13:6

Dai re ai majaw, “Dai Madu ngai hpe karum ai wa rai nga ai, Ngai hpa mung n hkrit nga nngai: Masha wa ngai hpe hpa di lu na a ta?” ngu nna nden ja ai myit hte anhte tsun nga ga ai.

YAWSHU 1:6

“N-gun da ting u, myit nden shaja u kaji kawa ni e jaw na ngu nna shanhte hpe dagam da ai mungdan, ndai masha ni hpe madu sha shangun na rai ndai.

YAWSHU 1:9

Nang hpe ngai hkang sade ai, n rai ni? n-gun da ting nna myit nden shaja u; hkum hkrit et, myit hkum hten et: kaning rai nme law, nang sa wa ai lam magup hta na a Karai Kasang Yehowa rau rai nga ai,” ngu nna tsun wu ai.”

YAWSHU 2:1

Shaloi Nun a kasha Yawshu gaw Shitim shara kaw na kin-yu lahkawng hpe, “Ndai mung hte Yerihko mare hpe sa yu yu ma su,” ngu nna lagyim shangun dat wu ai. Shan gaw sa wa nna, Rahab ngu ai Shawa num a nta de shang nga nga ai.

YAWSHU 2:3

Dai rai nna, Yerihko hkawhkam gaw Rahab hpang de shangun nna, “Nang kaw sa nna, na nta de shang wa ai masha hpe shapraw ya mi: mungdan ting hpe kin-yu yu na nga, shan gaw sa ai rai ma ai,” ngu nna hkang dat wu ai.