BU HKAWM 12:6 - Jinghpaw Hanson Version Bible

⁶ Shaloi Yehowa gaw, “Nye a ga madat yu mu: nanhte hta myihtoi nga ai rai yang, ngai Yehowa dai wa hta shingran hte nye hkum madun na rai nngai;

Jinghpaw Common Language Bible 2009

⁶ dai Madu gaw, “Ya chyawm gaw ngai tsun na ga na la mu! Nanhte hta myihtoi nga ai rai yang ngai hkum nan shanhte hpe shingran hta shadan dan nna yup mang ni hta tsun dan na nngai.

BU HKAWM 12:6 ပူးပေါင်းရင်းမြစ်များ

NINGPAWT NINGHPANG 15:1

Dai hpang Yehowa a ga gaw Abram kaw shingran hta du nna, “Abram e, hkum hkrit et; ngai gaw na a makawp ninggang rai nga nngai; nang lu la na shabrai kaba la nga lit dai,” ngu wu ai.

NINGPAWT NINGHPANG 20:7

Ya dai wa a madu jan shi hpe bai ya u; shi myihtoi rai nga ai rai nna, na a matu shi akyu hpyi yang, nang hkrung lu na rin dai: nang bai n ya yang gaw, nang mung nang hte seng ai ni mahkra mung teng teng si na marin dai, chye da u,” ngu wu ai.

NINGPAWT NINGHPANG 28:12

Shing rai yup nga yang shi yup man mu wu ai gaw, yu u, ga ntsa na lakang langai mi htan nga ai: lakang baw gaw htaw sumsing lamu du hkap nga ai: Karai Kasang a lamu kasa ni mung dai hta e lung wa yu wa rai nga ma ai.

NINGPAWT NINGHPANG 28:16

Shaloi Yaku yup hprang nna, “Gaja wa, nang e Yehowa nga nga a hka; nga wa gaw dai n chye nngai,” nga ai.

NINGPAWT NINGHPANG 37:5

Lang mi na Yawsep gaw yup mang mu nna shi a kahpu ni hpe hkai dan wu ai; dai rai nna shanhte shi hpe grau nna n dawng mu ai.

NINGPAWT NINGHPANG 37:9

Yup man langai mi shi bai mu nna, shi a kahpu ni hpe, Yu mu, yup mang langai mi ngai bai mu se ai; jan shata hte shagan shi langai ngai hpe nawku ma ai, ngu nna hkai dan wu ai.

NINGPAWT NINGHPANG 46:2

Karai Kasang mung shana e shingran hta Israela hpe shaga nna, Yaku e, Yaku e, ngu wu ai: shi gaw, Nang rai nga nngai, ngu wu ai.

2 SAMUELA 7:4

Dai shana e pyi Yehowa a mungga Nahtan kaw du nna tsun ai gaw:

1 HKAWHKAM 3:15

Shaloi Shawlumon yup hprang nna, yu u, dai gaw yup mang rai nga ai: Yerusalem mare de shi bai wa nna, Madu a ga shaka sumpu man e tsap nga let, wan nat hkungga hte mahku hkungga nawng ya ai hte, shi a ali ama ni mahkra a matu poi galaw wu ai.

1 HKAWHKAM 3:5

Gibeon shara e Yehowa gaw shana e yup mang hta Shawlumon kaw dan pru ai rai nna, Karai Kasang gaw, “Ngai nang hpe hpa jaw na hpyi e,” ngu wu ai.

YOBA 33:15

Masha ntsa e yup a ai yu hkrat wa nna, shi a yup ku ntsa e yup pyaw nga yang, yup mang mu nna shana na shingran hte,

YOBA 4:13

Masha ni yup a ai aten hta e, shana na shingran majaw, myit aru nga yang,

SHAKAWN KUNGDAWN 105:15

“Nye a namman chya hkam ai ni hpe hkum hkra myit, Nye a myihtoi ni hpe hkum shatsang myit,” nga nna shi tsun nga ai.

SHAKAWN KUNGDAWN 89:19

Kalang mi hta shingran hte nang tsun nna, Kamsham ai ni hpe tsun ndai gaw: “Share wa langai mi hpe ngai shadaw se ai, Dai amyu hta na shabrang wa hpe shagrau da se ai:

PRU MAT 7:1

Dai re ai majaw Karai Kasang gaw Mawshe hpe, “Yu u, Ngai nang hpe Hpara-u a ntsa e Karai Kasang zawn san da sade ai rai nna, na nhpu Arun gaw na a myihtoi tai na ra ai.

YEREMIA 23:25

Ngai yup mang mu ni ai, yup mang mu ni ai, nga nna nye a mying gang let masu ai hku htoi ai myihtoi ni a ga hpe ngai na ni ai.

YEREMIA 23:28

Yup mang mu ai myihtoi gaw, yup mang hkai dan u ga; nye ga hkam la ai wa gaw, tengman ai hku htawn tsun u ga: yi hku gaw mam hte kaning rai kayau lu a ta? nga nna Yehowa tsun ai.

EZEKELA 1:1

Ya sumshi ning ngu na hta, shata mali a manga ya shani e, Hkebara hka kau e bawng dung ai ni hte rau ngai nga nga yang, sumsing lamu hpaw malang wa nna, Karai Kasang a shingran hpe ngai mu nngai.

Daniela 10:8

Shing rai ngai hkrai hti nga nna, dai shingran kaba hpe mu ai majaw, gawng kya nngai; nye a myi man mung sum wa nna, hpa n-gun n rawng nngai.

Daniela 2:19

Dai rai nna shana aten e, shingran hte, Daniela hpe dai lam shapraw dan wu ai.

Daniela 7:1

Babelon hkawhkam Belashaza hkaw dung ai shawng shaning e, Daniela gaw yup mang mu nna, shi yup ku ntsa e shingran mu nga ai: shaloi shi gaw dai yup mang lam ka da nna, de a ga kanu shapraw dan wu ai.

Daniela 8:2

Ngai mu ai shingran gaw da ndai rai nga ai; ngai hkum nan Elam mungdaw na Shushan htingnu hta e rai nga nna, shingran mu yang gaw, Ulai hka kau e rai nga nngai.

HOSEA 12:11

Ngai gaw myihtoi ni hpe ga tsun ni ai; shingran law law hpe ngai madun ni ai; myihtoi ni a n-gup hte ga shadawn hku tsun nngai;

YOELA 3:1

Kaning rai nme law, yu u, Yuda mung hte, Yerusalem mare na, bawng dung hkrum ai ni hpe ngai nhtang wa shangun ai ladaw aten e,

ZEHKARIA 1:8

Ngai gaw shana e shingran mu nna, yu u, gumra ahkyeng jawn ai wa langai mi hpe ngai mu nngai; dai wa gaw murtu maling na shingnip htat ai shara e hkring nga nna, shi a hpang e hkyeng ai, mut ai hte hpraw ai gumra tsap nga ma ai.

BU HKAWM 24:4

Karai Kasang a mungga na lu nna, N-gun chyalai rawng ai wa a shingran mu ai hte, Myit nawng yawng nna myi hpaw ai wa, ning nga tsun ra ai:

MAHTE 1:20

Ndai lam ni hpe naw myit aru nga yang, yu u, Madu a lamu kasa langai mi yup mang hta shi hpe hkum madun dan nna, “Dawi a kasha Yawsep e, na a madu jan Mari hpe la na myit hkum ru et; shi a na-um nasin gaw, dai Chyoi pra ai Wenyi kaw na rai nga ai:

MAHTE 2:19

Ya Herod nsa hkyet mat ai hpang, yu mu, dai madu a lamu kasa langai mi, Egutu mung hta e, yup mang hte Yawsep kaw dan pru nna,

MAHTE 23:31

Shing nga timung myihtoi ni hpe sat kau ai ni a kashu kasha ni nanhte rai nga myit dai gaw, nanhte nan sakse hkam nga myit dai.

MAHTE 23:34

Dai rai nna, yu mu, myihtoi ni, hpaji rawng ai ni hte, laika ka ai sara ni hpe, ngai nanhte hpang de shangun dat mawe ai rai nna, shanhte hta na nkau mi hpe nanhte sat kau nna wudang hta jen da na hte, nkau mi hpe nanhte a tara jawng ni hta anu kayat di nna, mare mi hte mare mi de zingri zingrat di na maru ai:

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e!- u kanu gaw, u hkai ni hpe singkaw npu e jahpawng da ai zawn, na a nshu nsha ni hpe ngai gade lang jahpawng da mayu timung nanhte n hkraw nga myit dai.

MAHTE 27:19

Ya, dai tara tingnyang hta e shi naw dung nga yang, shi a madu jan shi kaw shangun nna, Dai dinghpring ai wa hpe hpa mung hkum di u; dai ni pyi, yup mang hta e shi a majaw, ngai nni nkri law law wa hkrum nngai, ngu nna htet dat wu ai.

LUKA 1:11

Shaloi dai Madu a lamu kasa gaw, manam pyaw nat ai hkungri a hkra maga de, shi hpe tsap shadan dan wu ai.

LUKA 1:22

Shi pru wa yang shanhte hpe ga n tsun lu ai rai nna, dai nawku Htingnu nhku e shingran mu nu ai hpe, shanhte dum ya ma ai: shi gaw shanhte hpe a dingsi dan nga nna, ma-a let nga nga ai.

LUKA 20:6

Masha hta na re ai, ngu yang mung, Yawhan gaw myihtoi re ai, nga nna mung masha ni nlang myit kam nga ma ai majaw, anhte hpe nlung hte kabai sat na ma ai,” nga nna jawm myit la nhtawm,

KASA 10:11

sumsing lamu hpaw wa ai hte, hpajawng kaba zawn, jut mali de jum nna, ga de shayu dat ai arai hpe mu wu ai:

KASA 10:17

Ya Petru gaw, shi mu ai shingran hpa rai na ra ai i? nga nna myit sumru yu nga yang, yu mu, Korneli shangun dat ai ni gaw, Simun a nta tam san let, chyinghka makau e tsap nna,

EHPESU 4:11

Hkristu a hkum hpe shagrin jat wa u ga, gun hpai ang ai bungli a matu, chyoi pra ai ni hpe shakup shatsup na,

TARA JAHPRANG 18:15

Na a Karai Kasang Yehowa gaw, ngai zawn re ai myihtoi langai mi, na a hpunau ni hta na, na a matu paw pru shangun na ra ai: dai wa a ga nanhte madat lu na rai myit dai.

TARA JAHPRANG 18:18

Shanhte a kahpu kanau ni hta na nang zawn re ai myihtoi langai mi, shanhte a matu ngai paw pru shangun na we ai rai nna, dai wa a n-gup hta nye a ga ngai hti bang na hte, ngai hkang da mada hte maren shi shanhte hpe htawn tsun na ra ai.

HEBRE 1:1

Karai Kasang gaw moi na lakhtak e, myihtoi ni a n-gup hte, ga htap law law hte lam amyu law law hta, ji wa ni hpe ga tsun da nhtawm e,

SHINGRAN 11:10

Ga ntsa e nga ai ni gaw shan a majaw kabu gara rai nna pyaw pyaw nga ma ai; shanhte shada da mung kumhpaw kumhpa galai jaw chyai na mara ai: kaning rai nme law, dai myihtoi yan gaw ga ntsa e nga ai ni hpe grai sharu shatsang masai, nga ai.

SHINGRAN 11:3

Bai, nye a sakse yan lahkawng hpe ngai ahkang jaw na mawe ai rai nna, shan gaw lachyit nba bu hpun let, nhtoi hkying mi ni tsa e kru shi ya tup, myihtoi htoi na mara ai.”

1 SAMUELA 28:6

Shawlu gaw Yehowa kaw san wu timung, Yehowa n htan ya wu ai; yup mang hta mung, Urim hta mung, myihtoi hta mung, n htan ya wu ai.

1 SAMUELA 3:15

Samuela chyawm gaw jahpawt du hkra yup nga nna, Yehowa nta chyinghka ni hpaw wu ai. Dai shingran Eli hpe tsun dan na, Samuela n wam wu ai.

1 SAMUELA 3:21

Yehowa mung Shilo shara e bai dan pru nga ai: kaning rai nme law, Yehowa gaw shi a mungga hte, Shilo shara e, Samuela kaw shi hkum shapraw dan wu ai. Samuela aga mung Israela mung ting chyam nga ai.