BU HKAWM 12:2 - Jinghpaw Hanson Version Bible

² “Gaja wa Yehowa gaw Mawshe hta sha ga tsun lu ai re a hka? an a n-gup hta mung tsun sai n rai ni?” nga ma ai. Ga dai hpe Yehowa na wu ai.

Jinghpaw Common Language Bible 2009

² Shan gaw, “Dai Madu gaw Mawshe hku nna chyu sha ga shaga nga a ni? An hku nna mung tsun lu ai n rai ni?,” ngu nna tsun ma ai. Shan hpa tsun ai hpe dai Madu na wu ai.

BU HKAWM 12:2 ပူးပေါင်းရင်းမြစ်များ

NINGPAWT NINGHPANG 29:33

Bai shi na-um nasin rai nna shadang sha shangai wu ai. Shaloi shi gaw, “Ngai n dawng n yawt hkrum nngai hpe Yehowa na ya ni ai majaw, ngai hpe ndai ma mung jaw ni ai,” nga nna shi hpe Simun ngu shamying wu ai.

2 SAMUELA 11:27

Shi a sharung shayawt ai ladaw lai wa jang, Dawi masha shangun nna, num dai hpe hkaw de shaga la wu ai; shing rai shi gaw shi a madu jan tai nna, shadang sha shangai ya wu ai. Rai timung, Dawi galaw ai lam gaw, Yehowa a man e n shawp ai amu rai nga ai.

2 HKAWHKAM 19:4

Rai timung, ahkrung nga ai Karai Kasang hpe shatan na nga, Asuri hkawhkam shangun ai, shi a mayam Rabshake a ga yawng hpe na a Karai Kasang Yehowa na la u ga; na a Karai Kasang Yehowa nan na la ai ga hpe hkap daru na nhten: dai re ai majaw, naw ngam nga ai ni a matu mara akyu hpyi ya mi law,” ngu nna tsun mu ai.

PRU MAT 4:14

Shaloi Yehowa gaw Mawshe hpe masin pawt nna, “Lewi masha Arun gaw na nhpu rai nga ai n rai ni? shi atsawm sha chye tsun ai ngai chye nngai: shi mung nang hpe wa tau la na nga pru sa wa ra ai: shi nang hpe hkrum jang myit kabu na ra ai.

PRU MAT 4:30

Yehowa Mawshe hpe tsun dat ai ga yawng Arun htawn tsun nna, amyu masha ni a man e dai lamik kumla madun dan mu ai;

PRU MAT 5:1

Dai hpang Mawshe yan Arun gaw Hpara-u kaw shang nna, Israela a Karai Kasang Yehowa ning nga ai, “Nye a amyu masha ni nam e nye a matu poi sa galaw lu mu ga shanhte hpe dat dat mu, nga ai,” ngu nna sa tsun mu ai.

PRU MAT 7:10

Mawshe yan Arun mung Hpara-u kaw shang nna, Yehowa hkang dat ai hte maren galaw ma ai: Arun gaw shi a dawhkrawng hpe Hpara-u a man e mung, shi a agyi salang ni a man e mung kabai tawn wu ai rai nna, dai gaw lapu tai lu ai.

GA SHAGAWP 13:10

Gumrawng ai majaw, ga law ga la hkrai byin nga ai; Hpaji daw ai ni a ga hkan ai wa, hpaji rawng nga ai.

ESAIA 37:4

Rai timung, ahkrung nga ai Karai Kasang hpe shatan na nga, Asuri hkawhkam shangun ai, shi a mayam Rabshake a ga yawng hpe, na a Karai Kasang Yehowa na la u ga; na a Karai Kasang Yehowa nan na la ai ga hpe hkap daru na nhten: dai re ai majaw, naw ngam nga ai ni a matu mahkra akyu hpyi ya mi law,” ngu nna tsun mu ai.

MIHKA 6:4

Ngai gaw Egutu mung na nang hpe shapraw la nna, mayam tai nga ai nta na hkrang la ni ai; Mawshe, Arun hte Miriam hpe, na a shawng e ngai shangun dat ni ai.

BU HKAWM 11:1

Ya dai amyu masha ni gaw aput apai nga nna, Yehowa a na hta n shawp ai ga tsun ma ai: Yehowa dai na jang masin pawt bu nna, Yehowa a wan shanhte hta grung wa ai hte dap shingnawm e hkru mat wa ai.

BU HKAWM 11:29

Mawshe chyawm gaw, “Nye a matu nang manawn ya nni? Yehowa a masha nlang hte gaw myihtoi hkrai rai nga mu ga, Yehowa gaw shi a Wenyi shanhte a ntsa e mara jaw mu ga law!” nga nna tsun ai.

BU HKAWM 12:3

Dai Mawshe ngu ai wa chyawm gaw, ga ntsa ting na masha nlang hta myit grau sumnung ai wa rai nga ai.

BU HKAWM 16:3

shanhte gaw Mawshe yan Arun kaw sa hpawng nna, “Nan gaw nau wa rai myit dai; dai shawa hpung ting na ni chyawm gaw chyoi pra ai hkrai rai nga ma ai; Yehowa mung shanhte hte rau rai nga ai: dai rai nna nan gaw Yehowa a shawa hpung ntsa e hpa rai tinang hkum shagrau la nga myit ta?” ngu mu ai.

ROMA 12:10

Hpunau hpe tsawra ai hta, shinggyim nau na myit shada da rawng nga mu; hkungga lara ai hta shada da shagrau hkat mu;

ROMA 12:3

Dai rai nna, kadai mung tinang hkum hpe shadawn sharam ai hta nau wa n rai dum ai sha, Karai Kasang gaw langai hte langai hpe makam masham ren di nna karan jaw ai hte maren, mai myit ai lam chyu sha myit nga n ga, ngu nna ngai hpe jaw ai chyeju hte, nanhte kaw na langai hte langai hte hpe, ngai tsun dat nngai.

HPILIPI 2:14

Hpa lam hpe mung, put ngun nna ndang kalang hkat ai hte, hkum galaw mu:

HPILIPI 2:3

Ga law ga la ai, kaman lila grang ai hte hpa mung n galaw ai sha, myit nem nga let, langai hte langai tinang a hkum hta manang wa hpe shagrau sha-a nga mu.

1 PETRU 5:5

Dai hte maren, brang ram ni e, salang ni a npu e a taw nga mu. Dai hta n-ga, nanhte nlang shada da daw nga myit ga, myit gyip ngu ai hpajet hpe kyit nga mu: kaning rai nme law, “Karai Kasang gaw gumrawng ai ni hpe shadang da timung, myit gyip ai ni hpe chyeju jaw mu ai law.”