BU HKAWM 12:14 - Jinghpaw Hanson Version Bible

¹⁴ Yehowa mung, “Shi a kawa e shi a myi man hta mayen sha mahtaw bun ya ai hte pyi, sanit ya tup kaya hkrum nga na n rai ni? ya shi hpe sanit ya tup dap shinggan e sa nga shangun u; dai hpang she bai shang shangun u,” ngu nna Mawshe hpe tsun wu ai.

Jinghpaw Common Language Bible 2009

¹⁴ Dai Madu mung, “Shi a kawa shi a myi man hpe mayen mahtaw bun ai rai yang sanit ya tup shi hta kaya hkrum nga na rai wu ai. Dai re ai majaw shi hpe bat mi tup shinggan e sa nga shangun u, dai hpang shi hpe bai woi wa na rai ndai,” ngu nna htan wu ai.

BU HKAWM 12:14 ပူးပေါင်းရင်းမြစ်များ

2 HKAWHKAM 15:5

Ya Yehowa gaw hkawhkam wa hpe ari jahkrum nna, shi si ai shani du hkra manggang kap ai hte nta kaga hta anga nga ai. Hkawhkam a kasha Yohtam gaw, mung masha ni hpe up nga let, htingnu ntsa e mung madu nga ai.

YOBA 17:6

Shi ngai hpe, amyu baw ni hta, kajai shara shatai nna, nye a myi man mayen mahtaw bun hkrum nga ai.

YOBA 30:10

Shanhte ngai hpe matsat nna, tsan tsan e tsap nga ma ai; nye myi man hpe mayan mahtaw bun ai pyi, n agam ma ai.

ESAIA 50:6

Ngai gaw kayat ai ni hpe nye a shingma, shabyi mun baw ai ni hpe nye a shabyi, ap ya nngai: kaya jahkrum ai hte mayen mahtaw bun ai kaw na, nye a myi man kayin kau ai n rai.

JAW JAU 13:4

Shi a hpyi shan hta na ningma dai hpraw nhtawm, n hkyawk ai hte amun mung n hpraw yang gaw, hkinjawng wa dai ana kap ai wa hpe sanit ya tup hkum da na rai wu ai:

JAW JAU 14:8

Jasan jaseng la ai wa gaw tinang a hpun palawng hkrut nna, shi a kara akrin atsai shangun kau nhtawm, hka shin na rai wu ai: shaloi shi san seng na ra ai: dai hpang dap de shang lu na ra ai, rai timung shi a sum shinggan e sanit ya tup naw nga nga na rai wu ai.

BU HKAWM 5:1

Bai, Yehowa Mawshe hpe tsun wu ai gaw,

MAHTE 26:67

Shaloi shanhte gaw shi a myi man hpe mayen mahtaw bun ai hte shi hpe htwi mu ai:

TARA JAHPRANG 25:9

dai numsha, agyi salang ni a man e shi kaw sit sa nna shi a kyepdin raw kau ya ai hte, shi a myi man hta mayen mahtaw bun ya let, “Tinang kahpu a nta n gap mayu ai wa hpe gaw, ning di ma ai,” ngu nna shi hpe tsun na rai wu ai.

HEBRE 12:9

Bai lam mi gaw, anhte hpe daru sharin ya na matu, hkum shan hte seng ai kanu kawa anhte lu ga ai rai nna, anhte shanhte hpe hkungga lara di ga ai: dai hta grau nna, asak hkrung nga lu hkra, wenyi ni a Kawa npu e anhte mai taw nga ga ai, n rai ni?