BU HKAWM 12:11 - Jinghpaw Hanson Version Bible

¹¹ Arun gaw Mawshe hpe, “Nye a madu e, an ngawk nna shut kau ai majaw, an a shut ai mara an hta hkum mara ya mi ngai hpyi nem nga nngai;

Jinghpaw Common Language Bible 2009

¹¹ Mawshe hpe, “Madu e, chyeju hte an angawk nna galaw shut kau ai yubak mara a matu ndai zawn re ai nni nkri ari hkum hkam sha shangun mi.

BU HKAWM 12:11 ပူးပေါင်းရင်းမြစ်များ

2 SAMUELA 19:19

Nye a madu ngai hpe hkum deng et: nang madu hkawhkam wa Yerusalem mare na pru ai shani e, na a mayam nang hpe shut ai amu hpe hkum dum et; hkawhkam wa e, kraw e hkum matsing et:

2 SAMUELA 24:10

Ya Dawi gaw, mung masha ni hpe hti ngut ai hpang myit malai lu nna, Ngai galaw ai amu nachying shut sai; rai timung, Yehowa e, na mayam wa a mara hpe raw dat kau ya e; ngai wa nachying ngawk ai amu galaw kau se ai, ngu nna Yehowa hpe hpyi nem wu ai.

1 HKAWHKAM 13:6

Shaloi hkawhkam wa gaw Karai Kasang a masha hpe, “Nye a lata bai mai wa lu hkra, nye a matu na a Karai Kasang Yehowa hpe akyu hpyi ya e,” ngu nna tawngban wu yang, Karai Kasang a masha gaw Yehowa hpe akyu hpyi nna, hkawhkam wa a lata gaw mai wa ai hte shawoi na hte maren majing bai rai mat sa lu ai.

2 HKAWHKAM LABAU 16:9

Kaning rai nme law, Yehowa gaw, dinghpring ai ni a matu, ngang ai shingbyi shara tai na nga, shi a myi mungkan ting hproi hkra mada yu nga ai: nang chyawm gaw ndai lan hta ngawk ai hku galaw kau nu ai; dai majaw ya kaw nna hpyen majan a pru nga na sai, ngu wu ai.

PRU MAT 12:32

Nan tsun myit dai hte maren nanhte a sagu bainam, yamnga hpung ni gawt nna sa wa masit: ngai e mung shaman ya da mi,” ngu nna tsun wu ai.

GA SHAGAWP 30:32

Na hkum hpe shagrau let, ngawk ai amu nang galaw nna, N kaja ai hpaji daw hkrup jang, Na n-gup hpe, na lata hte pat da u.

BU HKAWM 11:2

Shaloi amyu masha ni gaw Mawshe hpe jahtau mu ai rai nna, Mawshe mung Yehowa hpe hpyi ya ai hte wan si mat wa ai.

BU HKAWM 12:12

shangai ai kaw nna hkum shan chyen mi yat mat ai chyasi zawn wa gaw shi hta hkum rai u ga law,” ngu nna nem wu ai.

KASA 8:24

Shaloi Simun gaw, “Nan tsun ai lam hpa mung ngai kaw n du u ga, nye a matu mara nan lala dai Madu kaw hpyi ya mi,” ngu nna htan wu ai.

SHINGRAN 3:9

Yu u, Yuda masha ngu ai, rai timung n teng ai sha, masu nga ma ai, Satan a nawku jawng hta na nkau mi hpe ngai ap ya na de ai; yu u, na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsawra nga ai gaw, shanhte chye lu na mara ai.

1 SAMUELA 12:19

Mung masha ni nlang hte mung, Samuela hpe, “Na a mayam ni n si n ga, na a Karai Kasang Yehowa kaw anhte a matu hpyi nem ya mi: anhte hkawhkam hpyi kau ai majaw, shawng na shut ai mara ni a ntsa e, bai shut jat sagaw ai,” ngu mu ai.

1 SAMUELA 2:30

Dai hku galaw myit dai majaw, Israela Karai Kasang Yehowa tsun ai gaw, ‘Na amyu, nanhte lakung gaw nye a man e tut tut hkawm sa lu na ra ai,’ ngu nna ngai tsun kau rai timung, Yehowa bai tsun u ga: ‘ngai e shagrau ai ni hpe sha ngai shagrau na we ai; ngai hpe n gawn n sawn re ai ni gaw arawng hpoi mat na mara ai.