BU HKAWM 11:8 - Jinghpaw Hanson Version Bible

⁸ Amyu masha ni gaw dai sa tam magawn la nna, htumrin hta rin ai gaw rin, kaihtum hta htu ai gaw htu rai nhtawm dibu hta shadu nna muk pa galaw ma ai: dai gaw namman katsing zawn nga mu nga ai.

Jinghpaw Common Language Bible 2009

^8-9 Dai gaw but ai dap hta numri hte rau shana e hkrat nga ai; amyu masha ni gaw dai ni hpe hpang jahpawt e sa tam magawn la nna dai hpe rin ai gaw rin, mani hkra htu ai gaw htu rai nna dai hpe shadu nhtawm muk pa galaw ma ai. Dai gaw tsanlun sau hte kabaw ai muk zawn mu nga ai.)

BU HKAWM 11:8 ပူးပေါင်းရင်းမြစ်များ

NINGPAWT NINGHPANG 25:29

Lani mi na Yaku si shadu nga yang, Esaw gaw ba la ai hte nam de na pru wa ai; dai rai nna Esaw gaw Yaku hpe,

PRU MAT 16:23

Shaloi shi gaw, “Hpawt ni gaw Yehowa a matu chyoi pra ai Laban nhtoi ngu ai, simsa ai nhtoi rai nga ai; kabaw ra ai hte kabaw mu, shapyaw ra ai hte shapyaw mu, ngam ai nlang hte hpe hpawt de na matu tawn da mu, nga nna Yehowa tsun ai lam rai nga ai,” ngu wu ai.

PRU MAT 16:31

Israela masha ni gaw dai hpe Manna ngu nna shamying mu ai: dai gaw hpakgyi tum zawn rai nna ahpraw nsam nga ai; lagat jahku hte kayau ai muk pa zawn dwi nga ai.

BU HKAWM 11:7

Manna ngu ai gaw hpakgyi tum zawn rai nna ahpraw gaw bedela si a tum nsan nga ai.

BU HKAWM 11:9

Shanhte but de ai shara e shana na mari hkrat ai hta manna hkrat kahtap htap rai nga ai.

YAWHAN 6:27

Hten bya chye ai lusha a matu hkum shaja myit; Masha Kasha nanhte hpe jaw lu ai htani htana asak a matu, agrin nga ai lusha lu la na she shaja mu: kaning rai nme law, dai wa gaw, Kawa Karai Kasang a dazik kap ai wa rai nga ai,” ngu nna htan mu ai.

YAWHAN 6:31

Shi gaw shanhte sha na matu, sumsing lamu de nna muk jaw mu ai, nga nna ka da nga ai hte maren, anhte a ji wa ni gaw nam mali hkan e manna muk lusha ma ai,” ngu nna shi hpe tsun mu ai.