BU HKAWM 11:31 - Jinghpaw Hanson Version Bible

³¹ Shaloi Yehowa nbung shabung dat nna, nammukdara de na u preng shapoi la nhtawm, dai dap a grup yin lani sat sat gang ai shara du ai hte ga hta dawng lahkawng htat hkra jahkrat ya mu ai.

Jinghpaw Common Language Bible 2009

³¹ Dai Madu gaw nbung hpe akajawng sha shabung dat nhtawm panglai de na u preng ni hpe ga ntsa kaw nna pe masum du hkra pyen shayu dat wu ai. Dai ni gaw dap ntsa hte de a grup yin deng tsawmra mi tsan hkra man maga shagu de hkrat nga ai.

BU HKAWM 11:31 ပူးပေါင်းရင်းမြစ်များ

SHAKAWN KUNGDAWN 105:40

Shanhte hpyi nna shi u preng dat dat ya mu ai, Lamu na shat hte shanhte hpe shakat ya mu ai.

SHAKAWN KUNGDAWN 106:15

Shanhte hpyi ai lam, shi shadik ya mu timung, Shanhte hpe lasi lamun di shangun mu ai.

SHAKAWN KUNGDAWN 135:7

Lamu ga ting na shi salu sharawt wu ai; Myihprap hpe marang a matu shatai wu ai, Shi a dum hta na, nbung hpe shapraw dat wu ai.

PRU MAT 10:13

Dai hte maren Mawshe mung shi a dawhkrawng hpe Egutu mung a ntsa e ladawn wu ai rai nna, dai shani hte dai shana tup Yehowa gaw sinpraw nbung dai mung ntsa e shabung dat nna, hpang jahpawt rai jang dai sinpraw nbung gaw dinggam-yaw ni hpe woi kanawng wa ai.

PRU MAT 10:19

Yehowa mung nachying ja ai sinna nbung shabung dat ai hte dai nbung gaw dinggam-yaw ni hpe woi magawn wa nna hkyeng ai nawng hta jahkrat bang kau wu ai: Egutu mung ting hta dinggam-yaw langai mi mung ngam sai n rai.

PRU MAT 15:10

Na nbung hte nang a hpawt dat nna, dai nawng gaw shanhte hpe magap kau nu ai; Dai hka hpungtang de machyu zawn shanhte lup mat masai.

PRU MAT 16:13

Dai hte maren shana de u preng ni hkrat nna dai dap hpe up di da mu ai: jahpawt mung dai dap grup yin e mari hkrat nga ai.

BU HKAWM 11:30

Shaloi Mawshe hte Israela agyi salang ni dap de bai wa ma ai.