BU HKAWM 11:26 - Jinghpaw Hanson Version Bible

²⁶ Dai hpung hta lawm ai Eldad hte Medad mying ai marai lahkawng gaw, jahpan hta lawm timung Sum de n sa ai sha dap e anga nga ma ai; dai yan hta mung Wenyi yu dung nna, shan gaw dap kata e myihtoi htoi ma ai.

Jinghpaw Common Language Bible 2009

²⁶ Dai ningbaw sanit shi hta na Eldad hte Medad yan mahtang Sum de n pru sa ai sha dap kata e nga nga ma ai. Dai yan hta mung wenyi du nna shan mung dap kata e myihtoi ni zawn marawn jahtau hpang wa ma ai.

BU HKAWM 11:26 ပူးပေါင်းရင်းမြစ်များ

2 HKAWHKAM LABAU 15:1

Shaloi Karai Kasang a Wenyi gaw Oded a kasha Azaria ntsa e du nna,

NEHEMIA 9:30

Shing rai, shaning law law wa nang shanhte a lam shakut sharang nna, na a Wenyi shadut ai a jaw e, na a myihtoi ni a n-gup hte shadum jahprang timung, shanhte n madat nga ma ai: dai re ai majaw, dai mung na maigan ni a lata hta, nang shanhte hpe ap kau mu ai.

PRU MAT 3:11

Shaloi Mawshe gaw Karai Kasang hpe, “Ngai gaw Hpara-u hpang de sa na mung, Israela a kashu kasha ni hpe Egutu mung na shaw la lu na mung, ngai hpa hkaw ai wa rai nga a ta?” ngu wu ai.

YEREMIA 1:6

Dai rai nna ngai gaw, “Aka, Madu Yehowa e, ngai ga n chye tsun nngai: ma naw rai nga nngai,” ngu we ai.

YEREMIA 36:5

Bai Yeremia gaw Baruk hpe, Ngai gaw bawng dung nga nngai; Yehowa nta hta n shang lu nngai;

BU HKAWM 11:27

Shaloi shabrang langai mi gat sa nna, “Eldad yan Medad gaw dap kata e myihtoi htoi nga ma ai,” ngu nna Mawshe hpe tsun dan wu ai.

BU HKAWM 24:2

Shing rai Balam gaw Israela masha ni tinang amyu lakung hkan nna dap mi hte dap mi rai but nga ma ai hpe mu mada wu ai; shaloi Karai Kasang a Wenyi shi hta du nna,

1 SAMUELA 10:22

Dai re ai majaw shanhte, “Dai wa nang de n sa a ni?” Ngu nna Yehowa hpe naw san mu yang, Yehowa gaw, “Yu mu, shi, arai ni a kata e makoi nga ai,” ngu nna tsun dan wu ai.

1 SAMUELA 10:6

shaloi Yehowa a wenyi na ntsa e aze du nna, nang shanhte hte rau myihtoi htoi na hte, nang lak lai na rin dai.

1 SAMUELA 20:26

Rai timung Shawlu gaw, “Lama ma ra nu ai; shi n san n seng sai; gaja wa n san n seng nu ai,” nga nna myit la nhtawm, dai shani e atsin sha nga nga ai.