BU HKAWM 11:25 - Jinghpaw Hanson Version Bible

²⁵ Yehowa mung dai sumwi hta yu hkrat nna shi hte ga tsun nga ai; Mawshe hta dung ai Wenyi hta na la nhtawm agyi salang sanit shi hte a ntsa e mara ya wu ai rai nna, dai Wenyi shanhte hta yu dung jang shanhte gaw myihtoi htoi ma ai; dai hta kaga hpa n tsun ma ai.

Jinghpaw Common Language Bible 2009

²⁵ Dai Madu gaw sumwi hta yu hkrat wa nhtawm shi hpe ga shaga wu ai. Shi gaw Mawshe hpe jaw ya ai wenyi nkau mi hpe la nhtawm ningbaw sanit shi hte hpe jaw wu ai. Dai wenyi shanhte hta du jang, myihtoi ni zawn aten kadun mi hta marawn jahtau hpang wa ma ai.

BU HKAWM 11:25 ပူးပေါင်းရင်းမြစ်များ

2 HKAWHKAM 2:15

Ya shi a tawtap e rai nga ai, Yerihko mare na myihtoi ma ni gaw shi hpe mu ma yang, shanhte gaw, “Elia a wenyi nan Elisha ntsa e shanu nga ai,” nga nna, shi hpe sa tau la ai hte, shi a man e ga de dingnyawm dagup nga ma ai.

NEHEMIA 9:20

Shanhte hpe sharin achyin ya na matu, na a mai kaja ai wenyi nang shanhte hpe jaw nna, shanhte n-gup na manna muk hpe dawm la wu ai, n rai; shanhte hpang kara nga yang, ntsin a jaw nga mu ai.

SHAKAWN KUNGDAWN 99:7

Shi shanhte hpe sumwi shadaw hta nna ga tsun mu ai: Shanhte mung shi a sakse ga hte, shanhte e jaw ai tara hpe hkan nang ma ai.

PRU MAT 32:32

rai timung, shanhte a yubak dat kau mayu yang gaw, dat kau ya u; dai n rai yang gaw, nang ka da ai laika hta na nye mying mung arut kau ya e law,” ngu nna hpyi wu ai.

PRU MAT 34:5

Yehowa mung sumwi hte yu hkrat wa nna, dai yang e shi hte rau tsap let Yehowa amying shapraw dan wu ai.

PRU MAT 40:38

Kaning rai nme law, Israela nta masha ni hkawm sa wa ai lam dingdung hta, shanhte mahkra a man e Yehowa a sumwi gaw sumpan nta ntsa e, shani e jung nga nna, shana e dai nhku hta wan htoi nga ai.

ESAIA 63:11

Shaloi Yehowa gaw moi na nhtoi ni hpe mung, Mawshe hte shi a amyu masha ni hpe mung dum nna, Tinang a masha ni hpe sagu rem ni hte hpawn, nammukdara na woi shapraw ai wa gaw, kanang rai nga a ta? shanhte a ka-ang e shi a Chyoi pra ai Wenyi bang da ai wa gaw, kanang rai nga a ta?

EZEKELA 8:11

Dai ni a man e Israela dap na salang sanit shi hte hpawn, Shahpan a kasha Yaznia gaw, shanhte a ka-ang e, tsap nga ma ai; langai hte langai ban lang let, manam pyaw ai baw nat nna, htat ai wan hkut mawng lung wa ai.

BU HKAWM 11:17

Shaloi ngai yu sa nna, dai yang e nang hte ga matut na ring ngai: nang hta dung ai Wenyi hta na ngai la nna shanhte a ntsa e mara ya na we ai; ndai amyu a lit nang chyu sha gun hpai na n rai, shanhte nang hpe gun hpai karum na rai ma ai.

BU HKAWM 12:5

Yehowa mung sumwi hte yu sa nna, dai Sum a chyinghka lam e tsap let Arun yan Miriam hpe shaga wu ai: shan mung sit sa wa ma ai.

BU HKAWM 16:25

Shaloi Mawshe rawt nna Dahtan yan Abira hpang de sa wa ai: Israela agyi salang ni mung shi kaw hkan nang ma ai.

BU HKAWM 24:2

Shing rai Balam gaw Israela masha ni tinang amyu lakung hkan nna dap mi hte dap mi rai but nga ma ai hpe mu mada wu ai; shaloi Karai Kasang a Wenyi shi hta du nna,

BU HKAWM 27:18

Shing rai Yehowa gaw Mawshe hpe, “Myit su Wenyi rawng ai Nun a kasha Yawshu hpe shaga la nna, shi a ntsa e na lata mara u:

KASA 11:28

Dai ni hta na Agabu ngu ai wa rawt nna, ga ntsa ting hta hku wa kaba wa na ra ai lam, Wenyi madun ai hte tsun dan mu ai; dai gaw hkawhkam Klawdi a aprat e byin wa sai.

1 KORINHTU 14:32

myihtoi ni a wenyi ni mung, myihtoi ni a npu e taw na ma ai;

YAKU 1:17

Kaja ai kumhpaw nlang hte hte, hkum hkum re ai kumhpa yawng hte gaw, ntsa de nna rai nga ai hte, nhtoi hkum ni a Kawa kaw na yu hkrat wa ai rai nna, shi hta e gale galau re ai hte kayin kaye re ai shingnip rawng nga lu ai n rai.

2 PETRU 1:21

Kaning rai nme law, masha a myit jasat ai hku majaw, hpa myihtoi ga galoi mung byin pru yu ai n rai; Chyoi pra ai Wenyi e myit shadut ya hkrum ai masha ni gaw, Karai Kasang kaw na ga htawn tsun ma ai.

TARA AGYI 3:10

Yehowa a Wenyi shi hta dung nga ai rai nna, shi gaw Israela masha ni hta tara dara ya nga ai: hpyen gasat mung shi woi awn nna, Yehowa gaw Mesopotami hkawhkam Hkushan-re-shahtim hpe shi a lata de ap kau wu ai: shi a lata hte dai hkawhkam hpe dang kau wu ai.

1 SAMUELA 10:10

Ya shan gaw dai kawng de du jang, myihtoi hpung masha ni hte hkrum nna, Karai Kasang a wenyi shi a ntsa e aze du ai majaw, shanhte hte rau myihtoi htoi nang nga ai.