BU HKAWM 11:16 - Jinghpaw Hanson Version Bible

¹⁶ Shaloi Yehowa Mawshe hpe tsun wu ai gaw, “Nang chye ai salang hte amyu masha ni a du gyi ni marai sanit shi hte hpe Israela hta na jahpawng la nhtawm, shawa sum de woi wa nna nang hte rau shatsap tawn ru.

Jinghpaw Common Language Bible 2009

¹⁶ Dai Madu gaw Mawshe hpe, “Amyu masha ni a ningbaw hku nna hkap masat da hkrum ai hte hkungga shagrau ging ai marai sanit shi hte hpe jahpawng la nhtawm nye a hpung shingkang shanu nga ai Sum de ngai hpang de woi wa let dai yang e, na a makau hta wa tsap nga na shanhte hpe tsun u.

BU HKAWM 11:16 ပူးပေါင်းရင်းမြစ်များ

NINGPAWT NINGHPANG 46:27

Egutu mung e Yawsep lu ai shadang sha lahkawng nga ma ai: dai rai nna Egutu mung de du ai Yaku a amyu matu yawng gaw, shinggyim masha marai sanit shi rai nga ma ai.

PRU MAT 18:25

Shing rai Mawshe gaw Israela amyu ting hta na myit su ai masha lata la nhtawm, masha hkying mi a agyi, latsa a agyi, manga shi a agyi, marai shi a agyi dang tawn da mu ai.

PRU MAT 24:1

Bai Yehowa gaw Mawshe hpe, “Nang hte Arun, Nadab, Abihu hte hte Israela salang sanit shi, Yehowa hpang de rau lung wa nna shanhte tsan tsan e nawku nga mu ga;

PRU MAT 24:9

Shaloi Mawshe hte Arun, Nadab, Abihu hte hte Israela salang sanit shi lung wa ma ai rai nna,

PRU MAT 4:29

Bai Mawshe yan Arun gaw sa nna, Israela amyu a agyi salang ni yawng hpe jahpawng nhtawm,

YEREMIA 19:1

Shaloi Yehowa gaw, Di bu sama a namtau langai mi sa mari la nhtawm, mung masha ni a salang nkau mi hte, hkinjawng ni a salang nkau mi hte hpawn, Harsit chyinghka makau e nga ai, Hinom kasha a kadit de sa nna, ngai nang hpe tsun dan na ra ai ga hpe, dai yang e htawn tsun u.

EZEKELA 8:11

Dai ni a man e Israela dap na salang sanit shi hte hpawn, Shahpan a kasha Yaznia gaw, shanhte a ka-ang e, tsap nga ma ai; langai hte langai ban lang let, manam pyaw ai baw nat nna, htat ai wan hkut mawng lung wa ai.

BU HKAWM 11:24

Shaloi Mawshe pru nna amyu masha ni hpe Yehowa a ga htawn tsun wu ai: amyu masha ni a agyi salang sanit shi hte hpe mung jahpawng la nhtawm dai Sum grup e shade tawn wu ai.

BU HKAWM 16:25

Shaloi Mawshe rawt nna Dahtan yan Abira hpang de sa wa ai: Israela agyi salang ni mung shi kaw hkan nang ma ai.

LUKA 10:1

Dai hpang, dai Madu gaw sape kaga sanit shi san la nna, shi hkum dai sa magang ai mare hte shara shagu de, marai lahkawng yep di nna, shi a shawng e shangun dat wu ai.

LUKA 10:17

Dai sape sanit shi chyawm gaw kabu gara ai myit hte bai wa nna, “Madu e, na a amying hte nat ni pyi anhte a ga madat ma ai,” ngu mu ai.

TARA JAHPRANG 1:15

Dai majaw nanhte a amyu shagu hta, myit hpaji rawng ai hte sadang pru ai masha hpe ngai lata la nna, nanhte a du agyi ngu na, masha hkying mi a agyi, latsa a agyi, manga shi a agyi, marai shi a agyi re ai ni hpe nanhte a ntsa e dang da ya masade ai.

TARA JAHPRANG 16:18

Na a Karai Kasang Yehowa nang hpe jaw ai mare shagu hta, na a amyu e hkan nna, tara agyi hte du agyi tawn da na rai ndai; shanhte gaw amyu masha ni hpe dingman ai hku tara dara ya na rai mu ai.

TARA JAHPRANG 31:28

Nanhte a amyu lakung ni a myit su salang ni hte du agyi ni hpe ngai kaw jahpawng tawn maru; ngai shanhte hpe ndai ga nlang tsun da nna, shanhte a man e sumsing lamu hte ginding aga hpe gang nna sakse tawn da we ga.