BU HKAWM 11:12 - Jinghpaw Hanson Version Bible

¹² Ndai amyu hpe shanhte a kaji kawa ni hta nang dagam da ai mung de, Ma kawa gaw ma chyangai hpe pawn ai zawn shanhte hpe pawn wa u, nga nna nang ngai hpe tsun na gaw, shanhte hpe nye a hkritung e gun we ni? ngai shanhte hpe shangai mawe ni?

Jinghpaw Common Language Bible 2009

¹² Ngai shanhte hpe hpan shalat ai n rai; Shanhte hpe shangai mawe ai n rai! Shanhte hpe ma chyangai ni hpe zawn nye a lata hta pawn la nna shanhte a kaji kawa ni hpe nang ga sadi jaw da sai mung de ma rem sarama langai mi zawn lakawn la na lam nang hpa majaw ngai hpe san da nga n ta?

BU HKAWM 11:12 ပူးပေါင်းရင်းမြစ်များ

NINGPAWT NINGHPANG 13:15

Kaning rai nme law, ya nang mu nga ai lamu ga mahkra, nang hte na a amyu matu ni hpe prat dingsa ngai jaw nga na made ai.

NINGPAWT NINGHPANG 24:7

nye wa nta hte nye a dai daw ga na ngai hpe shaga la nhtawm ngai hte ga matut nna, Na a amyu matu ni hpe ndai ga ngai jaw na we ai, nga nna ngai hpe dagam tsun ai sumsing lamu a Karai Kasang Yehowa gaw shi a lamu kasa na a shawng de shangun dat na wu ai rai nna, nye a shadang sha a matu dai yang na num nang la ya lu na rin dai.

NINGPAWT NINGHPANG 26:3

ya nang nga ai ndai mung hta anga nga u; shaloi ngai nang hte rau anga nga nna, nang hpe shaman ya na de ai: kaning rai nme law, nang hte na a amyu matu ni hpe ndai mung ting ngai jaw na made ai; na nwa Abraham hpe ngai dagam ai ga nga nga ai hte maren ngai shatup na we ai.

NINGPAWT NINGHPANG 50:24

Shaloi Yawsep gaw shi a kahpu kanau ni hpe, Ngai si wa na ni ai; gaja wa teng teng Karai Kasang gaw nanhte hpe sa kawan katsan yu na ra ai rai nna, ndai mung na nanhte hpe, Abraham, Isak, Yaku hte hpe dagam nna jaw da ai mung de woi wa na marin dai, ngu nna tsun da wu ai.

2 HKAWHKAM 10:1

Ya Ahab a shadang sha sanit shi, Samari mare hta e nga nga ma ai. Dai rai nna Yehu gaw Samari mare e nga ai Yezrela ntsa e up ai ni ngu ai, agyi salang ni hte Ahab a kasha ni hpe bau nga ai ni hpang de laika shagun dat nna,

2 HKAWHKAM 10:5

Dai rai nna htingnu up ai wa mung, mare up ai wa mung, agyi salang ni hte hkawhkam kasha ni hpe bau nga ai ni gaw, Yehu hpang de, “Anhte gaw na a mayam ni rai nga ga ai: nang anhte hpe tsun matsun anhte galaw na ga ai; anhte kadai wa hpe mung hkawhkam shatai na n rai; nang ra ai hku hte maren galaw u,” ngu nna ka dat mu ai.

PRU MAT 13:11

“Nang hpe jaw na nga, nang hpe mung, na nji nwa ni hpe mung dagam da ai, Hkanan masha ni nga ai mung de, Yehowa nang hpe woi tawn da ndai shaloi;

PRU MAT 13:5

Nang hpe jaw na nga, na nji nwa ni hta dagam da ai, nga chyu hte latat jahku lwi ai, Hkanan, Hiti, Amuri, Hiwi, Yebusi masha ni nga ai mung de, Yehowa nang hpe woi tawn da ndai shaloi, ndai ta hta e ndai daw jau ai amu nang galaw lu na rai ndai.

PRU MAT 33:1

Bai Yehowa gaw Mawshe hpe, “Sa wa su, nang hte Egutu mung na nang woi wa ai masha ni ndai shara na pru nna, Na a amyu matu ni hpe ngai jaw na ngu nna, Abraham, Isak, Yaku hte hpe ngai dagam da ai ga de sa wa ma su:

PRU MAT 6:8

Abraham, Isak, Yaku hte hpe jaw na ngu nna dagam da ai mung de ngai nanhte hpe woi wa nna, sali wunli matu jaw na made ai: ngai Yehowa rai nga nngai,” ngu wu ai.

ESAIA 40:11

Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

ESAIA 49:15

Numsha gaw tinang shangai ai kasha hpe matsan n dum ai hte, chyu chyu ai ma hpe malap kau lu na rai ni? gaja wa malap kau timung, ngai nang hpe malap kau lu na n rai.

ESAIA 49:23

Hkawhkam ni gaw na a kawa malai, hkawhkam jan ni na a chyu jaw kanu malai tai na mara ai: shanhte a man e gum dagup nna, na a lagaw na ga nhpu mata na mara ai: ngai gaw Yehowa rai nga nngai, nang chye na rin dai; ngai hpe ala nga ai ni kaya kahpa hkrum na n rai.

EZEKELA 34:23

Sagu rem wa langai mi hpe mung ngai san da nna, sagu ni hpe shi rem nga na ra ai: dai wa gaw nye a shangun ma Dawi rai na ra ai: shi sagu ni hpe bau nna, dai ni a sagu rem wa tai na ra ai.

YAWHAN 10:11

Ngai gaw sagu rem wa kaja rai nngai: sagu rem wa kaja gaw, sagu ni a matu tinang a asak nawng ya kau lu ai.

1 KORINHTU 4:15

Kaning rai nme law, Hkristu a lam sharin achyin ai sara mun mi dang nanhte lu myit timung, kawa law law wa n nga malit dai; dai kabu gara shiga jaw e, ngai nanhte hpe Hkristu Yesu hta e shaprat dat made ai.

GALATI 4:19

Nye a ma kaji ni e, Hkristu a shing-yan nanhte hta hkum wa ai du hkra, shangai wa ai shinggyim machyi hpe ngai nanhte a matu naw hkam nga nngai.

TARA JAHPRANG 1:31

nanhte hkawm sa wa ai nam mali lam dingdung hta mung, ndai shara du hkra, kawa gaw kasha hpe pawn lahku ai zawn, na a Karai Kasang Yehowa gaw nang hpe pawn lahku ai lam shagu hpe lu ai hte maren, nanhte hpang maga e naw gasat ya na ra ai,’ ngu nna nanhte hpe tsun made ai.

1 HTESALONI 2:7

Anhte gaw nanhte ka-ang e, sumnung nga ai hte, ma masut gaw tinang a ma hpe chyu jaw ai zawn, rai wa saga ai.