BU HKAWM 10:32 - Jinghpaw Hanson Version Bible

³² shing rai nang anhte hte rau sa n yang gaw, Yehowa anhte hpe chyeju jaw ai hte maren, nang hpe mung anhte gaja wa chyeju jaw na ga ai,” ngu wu ai.

Jinghpaw Common Language Bible 2009

³² Nang anhte hte rau sa ndai rai yang gaw dai Madu anhte hpe jaw ya ai shaman chyeju yawng hta na nang hpe karan jaw na ga ai,” ngu nna tsun wu ai.

BU HKAWM 10:32 ပူးပေါင်းရင်းမြစ်များ

JAW JAU 19:34

Nang hte rau anga nga ai tsasam manam wa hpe na a baw sang hku sawn nna, tinang hkum hte maren tsawra lu na rai ndai: kaning rai nme law, nanhte mung Egutu mung e manam tai yu manit dai: ngai gaw nanhte a Karai Kasang Yehowa rai nga nngai.

TARA JAHPRANG 10:18

jahkrai nmai, gaida gaina ni hpang maga tara dara ya nna, shingbyi zaw nam ni hpe tsawra ai hte lusha hpun palawng jaw ai wa rai nga ai.

1 YAWHAN 1:3

Rai sa, nanhte mung anhte hte kanawn mazum lu myit ga, anhte mu yu ai hte na yu ai lam hpe, anhte nanhte hpe mung gawn dan ga ai; anhte chyawm gaw, dai Kawa hte shi a Kasha Yesu Hkristu hte kanawn mazum nga ga ai.

TARA AGYI 1:16

Ya Mawshe a kahkau a kashu kasha Keni masha ni mung, Yuda kashu kasha ni hte rau, namhtan hpun mare na lung wa nhtawm, Arad shara dingda maga na Yuda nam mali de du nna, dai hkan e shanhte hte rau nga nga ma ai.

TARA AGYI 4:11

Dai hte yang, Mawshe a katsa Hoba a amyu matu hta na, Keni masha Hebera gaw, Keni masha gale hte hka nna, Kedesha makau, Zananim masha ni a shara na wamyi hpun nhpang e, sum gap nna nga nga sai.

1 SAMUELA 14:6

Ya Yonahtan gaw, “Sa, wora, matu n gadoi ai masha ni a dap de sa saga; Yehowa an hpe a karum na ra ai; Yehowa hkye hkrang la ai lam gaw, masha law ai n law ai hta, hkan ai n rai,” ngu nna shi a ri nhtu lang ai wa hpe tsun wu ai.