BU HKAWM 10:29 - Jinghpaw Hanson Version Bible

²⁹ Shaloi Mawshe gaw shi a katsa Midian masha Reuela a kasha Hoba hpe, Ya anhte gaw Yehowa a ga hte maren anhte hpe jaw na nga ai mung de sa wa nga ga ai: nang mung anhte hte rau sa wa ga; anhte nang hpe chyeju jaw na ga ai: Yehowa gaw Israela hpe chyeju jaw na lam ga ndat tawn da nu ai,” ngu wu ai.

Jinghpaw Common Language Bible 2009

²⁹ Mawshe gaw Midian masha Yehtru a kasha, shi a kahkau Hoba hpe, “Dai Madu anhte hpe jaw na ngu ai shara de pru sa wa nga saga ai; Israela amyu masha ni hpe ngamu ngamai shangun na lam shi ga sadi jaw da mani ai rai nna nang mung anhte hte rau sa wa saga; anhte nang hpe sut gan karan ya na ga ai,” ngu nna tsun wu ai.

BU HKAWM 10:29 ပူးပေါင်းရင်းမြစ်များ

NINGPAWT NINGHPANG 12:7

Shaloi Yehowa gaw Abram kaw dan pru nna, “Ndai mung hpe na a amyu matu ni e ngai jaw na we ai,” ngu wu ai. Dai majaw shi kaw dan pru ai Yehowa a matu, dai shara e tawn hkungri shi galaw wu ai.

NINGPAWT NINGHPANG 13:15

Kaning rai nme law, ya nang mu nga ai lamu ga mahkra, nang hte na a amyu matu ni hpe prat dingsa ngai jaw nga na made ai.

NINGPAWT NINGHPANG 15:18

Dai shani e Yehowa gaw Abram hte ga shaka tawn da nna,

NINGPAWT NINGHPANG 17:8

Ya nang manam tai nga ai ndai Hkanan mung ting, nang hpe mung, na a htawm hpang na, na a kashu kasha ni hpe mung, prat dingsa a madu nga lu na matu, ngai jaw da na we ai; dai hta kaga shanhte a Karai Kasang mung ngai tai nga na nngai,” ngu wu ai.

NINGPAWT NINGHPANG 32:12

Ngai hpu Esaw a lata na ya ngai hpe hkye la e; shi du nna ngai hpe mung, kanu hte kasha ni hpe mung sat kau na ngai hkrit nga nngai.

SHAKAWN KUNGDAWN 100:1

Mung shagu Yehowa hpe kabu jahtau nga mu.

SHAKAWN KUNGDAWN 34:8

Yehowa mai kaja nga ai gaw, chyim yu nna chye mu; Shi hta shingbyi ai wa gaw, a nga ai.

SHAKAWN KUNGDAWN 95:1

Wa marit, Yehowa hpe garu ga, Anhte hpe hkye hkrang la ai lunghkrung kaw, kabu gara jahtau ga!

PRU MAT 18:1

Dai shaloi Midian hkinjawng wa Mawshe a katsa Yehtru gaw, Karai Kasang Mawshe hte shi a amyu Israela a matu galaw ai lam nlang hpe mung, Yehowa Israela hpe Egutu mung na shaw wa ai lam mung na wu ai.

PRU MAT 18:12

Shaloi Mawshe a katsa Yehtru gaw Karai Kasang a matu wan nat hkungga hte mayu hkungga la sa ai rai nna, Arun hte Israela agyi salang ni mahkra gaw, Mawshe a katsa hte shat rau sha na nga, Karai Kasang a man de sa ma ai.

PRU MAT 18:27

Dai hpang Mawshe gaw shi a katsa hpe shabawn dat wu ai; shi gaw shi a mung de bai wa mat ai.

PRU MAT 2:18

Bai shanhte gaw kawa Reuela hpang de du wa yang, shi gaw, “Dai ni gaw hpa rai ndai hte wa lawan wa lu marin ta?” ngu nna hkap san wu ai.

PRU MAT 2:21

Mawshe mung dai wa kaw nga ra nga ai rai nna, shi a shayi sha Tsihpura hte hkungran ya wu ai.

PRU MAT 3:1

Ya Mawshe gaw shi a katsa Yehtru ngu ai Midian hkinjawng a sagu bainam hpung rem nna nga nga ai: dai hpung ni hpe nam jahtum de shi gawt sa wa wu ai rai nna, Horeb ngu ai Karai Kasang a bu de sa du ai.

PRU MAT 3:8

shanhte hpe Egutu masha ni a lata na hkye hkrang la na hte dai mung kaw nna, Hkanan, Hiti, Amori, Hperizi, Hiwi hte Yebusi masha ni nga ai, ja kat ai hte kaba nga ai, nga chyu hte lagat jahku lwi ai mung de woi wa na ngai yu sa ring ngai.

PRU MAT 6:4

Dai hta kaga shanhte manam gai let shingbyi nga ai mung Hkanan ga shanhte hpe jaw na nga nna nye a ga shaka ngai shanhte hte tawn da se ai.

ESAIA 2:3

Masha amyu ga daga, “Sa marit, Yehowa a bum, Yaku a Karai Kasang a nta de lung wa saga; shi gaw shi a lam anhte hpe sharin ya nna, shi a lam hku anhte hkan sa na ra ga ai: Ziun bum na jep ai tara, Yerusalem mare na Yehowa mungga pru na ra ai,” nga nna hkawm let tsun shajang na ma ai.

YEREMIA 50:5

Shanhte gaw, Sa marit, galoi n malap kau lu ai ga shaka Yehowa hte matut ga, nga nna Ziun de myi man yawng let, de a lam tam na mara ai.”

BU HKAWM 10:28

Shing rai Israela kashu kasha ni gaw hpung mi a hpang hpung mi rai rawt nna, shanhte hkawm sa wa ma ai.

BU HKAWM 23:19

Karai Kasang masu na gaw, shi masha n rai, Myit malai lu na gaw masha kasha n rai: Tsun kau ngut sayang, n shagrin ai nga na a ni? Ndat da ngut sayang, n shatup ai nga na a ni?

KASA 7:5

dai mung e, sali wunli ngu na, lagaw hkang daram pyi shi e n jaw wu ai; rai timung, shi hta kashu kasha myi man garai n mu kaw nna, lamu ga ndai, shi hpe mung, htawm hpang na shi a kashu kasha ni hpe mung, jaw na nga ga ndat tawn da wu ai.

TARA JAHPRANG 30:5

shing rai na a nji nwa ni shang madu sha ai mungdan de na a Karai Kasang Yehowa nang hpe bai shawn tawn nna, dai hta nang shang sha lu na rin dai: shaloi shi nang hpe bai lahku ai hta, nji nwa ni hta nang hpe grau nna shalaw jahtam na rin dai.

TARA JAHPRANG 4:40

Nang hte na a nshu ni ngamu ngamai lu hkra mung, na a Karai Kasang Yehowa prat tup matu nang hpe jaw tawn ai mungdan hta nang asak galu n ga mung, dai ni tsun da ai matsun maroi ga hte hkang ai tara ga hpe hkan shatsup nga lu na rai myit dai,” nga nna Mawshe hkaw tsun da ai rai.

TITU 1:2

Karai Kasang a mayam hte, Yesu Hkristu a kasa tai nga ai, ngai Pawlu gaw, makam masham lam rau sha hkan ga ai majaw, ngai Sha majing re ai, Titu hpe, ga shana dat nngai.

HEBRE 6:18

shing rai, Karai Kasang gaw galoi mung n masu kau lu ai, tut agrin nga ai lam lahkawng a majaw, anhte a man e tawn da ai myit mada shara hta manoi nga lu hkra, shingbyi shingwung shara de hprawng wa ai ni ngu ai, anhte a matu mara, ngang ngang kang kang re ai shalan shabran ai lam rai nga ai.

SHINGRAN 22:17

Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.

TARA AGYI 1:16

Ya Mawshe a kahkau a kashu kasha Keni masha ni mung, Yuda kashu kasha ni hte rau, namhtan hpun mare na lung wa nhtawm, Arad shara dingda maga na Yuda nam mali de du nna, dai hkan e shanhte hte rau nga nga ma ai.

TARA AGYI 4:11

Dai hte yang, Mawshe a katsa Hoba a amyu matu hta na, Keni masha Hebera gaw, Keni masha gale hte hka nna, Kedesha makau, Zananim masha ni a shara na wamyi hpun nhpang e, sum gap nna nga nga sai.

1 SAMUELA 15:6

Shawlu mung Keni masha ni hpang de kasa shangun nna, “Ngai nanhte hpe Amalek masha ni hte hpawn ngai n sat kau lawm hkra, shanhte kaw na pru nna bu htawt mu: kaning rai nme law, Israela kashu kasha ni Egutu mung na pru wa ai shaloi, nanhte matsan hkap dum la manit dai,” ngu nna htet dat wu ai. Dai rai nna, Keni masha ni mung, Amalek masha ni kaw na pru mat wa nga ai.